പ്രതിലിപിയിൽ നിന്ന് നിങ്ങൾക്ക് ലഭിക്കുന്ന വരുമാനം കൈപ്പറ്റുന്നതിനായി ബാങ്ക് വിവരങ്ങൾ നൽകാനോ, പുതുക്കാനോ ആഗ്രഹിക്കുന്നുണ്ടോ? വിഷമിക്കേണ്ട, ആപ്പിൽ നിന്ന് തന്നെ വളരെ എളുപ്പത്തിൽ ഇത് ചെയ്യാവുന്നതാണ്.
ബാങ്ക് വിവരങ്ങൾ ചേർക്കേണ്ട ഘട്ടങ്ങൾ:
- പ്രതിലിപി ആപ്പ് തുറക്കുക.
- നിങ്ങളുടെ പ്രൊഫൈലിലേക്ക് പോകുക.
- എൻറെ സമ്പാദ്യം തുറക്കുക.
- 'ബാങ്ക് വിവരങ്ങൾ' എന്നതിൽ ക്ലിക്ക് ചെയ്യുക.
- താഴെ പറയുന്ന വിവരങ്ങൾ കൃത്യമായി രേഖപ്പെടുത്തുക:
- ബാങ്ക് അക്കൗണ്ട് നമ്പർ (Bank account number)
- ഐ എഫ് എസ് സി കോഡ് (IFSC code)
- അക്കൗണ്ട് ഉടമയുടെ പേര് (Account holder name)
- വിവരങ്ങൾ നൽകിയ ശേഷം 'സേവ്' ചെയ്യുക.
ശ്രദ്ധിക്കുക: വിവരങ്ങൾ സേവ് ചെയ്യുന്നതിന് മുൻപായി അക്കൗണ്ട് നമ്പറും, മറ്റു വിവരങ്ങളും ശരിയാണെന്ന് ഒന്നുകൂടി ഉറപ്പുവരുത്തുക.
ഓർമ്മിക്കേണ്ട പ്രധാന കാര്യങ്ങൾ:
- ബാങ്ക് വിവരങ്ങൾ ചേർക്കണമെങ്കിൽ നിങ്ങളുടെ വരുമാനത്തിൽ കുറഞ്ഞത് ₹50 ഉണ്ടായിരിക്കണം.
- നിങ്ങളുടെ ബാങ്ക് പാസ്ബുക്ക്, ചെക്ക് ബുക്ക് അല്ലെങ്കിൽ ബാങ്ക് സ്റ്റേറ്റ്മെന്റ് എന്നിവ നോക്കി മാത്രം വിവരങ്ങൾ കൃത്യമായി രേഖപ്പെടുത്തുക. തെറ്റായ വിവരങ്ങൾ നൽകിയാൽ പണം ലഭിക്കാൻ വൈകുകയോ, പേയ്മെന്റ് പരാജയപ്പെടുകയോ ചെയ്തേക്കാം.
പുതുക്കിയ ബാങ്ക് വിവരങ്ങൾ എപ്പോഴാണ് പ്രാബല്യത്തിൽ വരിക?
നിങ്ങൾ പുതുതായി നൽകുന്ന ബാങ്ക് വിവരങ്ങൾ അടുത്ത പേയ്മെന്റ് സൈക്കിൾ മുതലായിരിക്കും പരിഗണിക്കുക.
- സാധാരണയായി ഓരോ മാസവും 10-ാം തീയതിക്കുള്ളിൽ പേഔട്ടുകൾ പ്രോസസ്സ് ചെയ്യാറുണ്ട്.
- ഒരു മാസത്തെ പേഔട്ട് നടപടികൾ ആരംഭിച്ചതിന് ശേഷമാണ് നിങ്ങൾ മാറ്റങ്ങൾ വരുത്തുന്നതെങ്കിൽ, അത് അടുത്ത മാസത്തെ പേയ്മെന്റിലായിരിക്കും പ്രതിഫലിക്കുക.
മുമ്പ് ബാങ്ക് വിവരങ്ങൾ നൽകിയിട്ടുള്ളവരാണോ നിങ്ങൾ?
നിങ്ങൾ നേരത്തെ തന്നെ ബാങ്ക് വിവരങ്ങൾ ചേർത്തിട്ടുള്ളതും, ഇപ്പോൾ അത് മാറ്റാൻ ആഗ്രഹിക്കുന്നതുമാണെങ്കിൽ ദയവായി ഞങ്ങളുടെ സപ്പോർട്ട് ടീമിനെ ബന്ധപ്പെടുക.
നിങ്ങളുടെ അക്കൗണ്ടിൽ ബാങ്ക് വിവരങ്ങൾ തിരുത്താനുള്ള ഓപ്ഷൻ 24 മുതൽ 48 മണിക്കൂറിനുള്ളിൽ ഞങ്ങളുടെ ടീം ലഭ്യമാക്കുന്നതാണ്.
ബാങ്ക് വിവരങ്ങൾ അപ്ഡേറ്റ് ചെയ്യാൻ സാധിക്കുന്നില്ലേ?
ബാങ്ക് വിവരങ്ങൾ പുതുക്കുന്നതിനിടയിൽ എന്തെങ്കിലും സാങ്കേതിക തകരാറുകൾ നേരിടുകയാണെങ്കിൽ, ആ പ്രശ്നത്തിന്റെ ഒരു സ്ക്രീൻഷോട്ട് സഹിതം സപ്പോർട്ട് ടീമിനെ ബന്ധപ്പെടുക. നിങ്ങളെ സഹായിക്കാൻ ഞങ്ങൾ എപ്പോഴും തയ്യാറാണ്.