നിങ്ങളുടെ സമ്പാദ്യം സംബന്ധിച്ച ആശങ്ക ഞങ്ങൾ മനസ്സിലാക്കുന്നു.
പ്രതിലിപിയിൽ നിന്നുള്ള വരുമാനം എല്ലാ മാസവും 10-ാം തീയതിക്കുള്ളിൽ പ്രൊസസ്സ് ചെയ്യുന്നതാണ്. നിങ്ങളുടെ വരുമാനം ആപ്പിൽ ക്രെഡിറ്റ് ചെയ്തതായി കാണിക്കുന്നുണ്ടെങ്കിലും തുക ഇതുവരെ ബാങ്ക് അക്കൗണ്ടിലേക്ക് എത്തിയിട്ടില്ലെങ്കിൽ, ദയവായി താഴെ പറയുന്ന കാര്യങ്ങൾ പരിശോധിക്കുക.
1. നിങ്ങളുടെ ബാങ്ക് അക്കൗണ്ട് വിവരങ്ങൾ കൃത്യമാണോ?
നിങ്ങളുടെ ബാങ്ക് അക്കൗണ്ട് നമ്പർ ശരിയാണെന്ന് ഉറപ്പാക്കുക.
നിങ്ങളുടെ ഐ.എഫ്.എസ്.സി കോഡ് കൃത്യമായാണോ നൽകിയിരിക്കുന്നത് എന്ന് പരിശോധിക്കുക.
ബാങ്ക് അക്കൗണ്ട് വിവരങ്ങൾ തെറ്റാണെങ്കിൽ പേയ്മെന്റ് ക്രെഡിറ്റ് ചെയ്യുന്നത് പരാജയപ്പെട്ടേക്കാം.
2. പേയ്മെന്റ് പ്രൊസസ്സിങ് സമയം
പ്രതിലിപിയിൽ നിന്നുള്ള വരുമാനം എല്ലാ മാസവും 10-ാം തീയതിക്കുള്ളിലാണ് ബാങ്കിലേക്ക് ക്രെഡിറ്റ് ചെയ്യാറുള്ളത്. എന്നാൽ ചില സമയങ്ങളിൽ താഴെ പറയുന്ന കാരണങ്ങളാൽ ഇതിൽ താമസം നേരിട്ടേക്കാം:
ബാങ്കിലെ പ്രൊസസ്സിങ് സമയം
ശനി, ഞായർ ദിവസങ്ങളോ മറ്റ് പൊതു അവധി ദിവസങ്ങളോ വരുന്നത് മൂലം
സാങ്കേതികപരമായ പരിശോധനകൾ അല്ലെങ്കിൽ വെരിഫിക്കേഷനുകൾ നടക്കുന്നത് മൂലം
അതുകൊണ്ട്, സപ്പോർട്ട് ടീമുമായി ബന്ധപ്പെടുന്നതിന് മുമ്പ് സാധാരണ എടുക്കാറുള്ള ഈ പ്രൊസസ്സിംഗ് സമയം കഴിയുന്നത് വരെ ദയവായി കാത്തിരിക്കണമെന്ന് അഭ്യർത്ഥിക്കുന്നു.
3. പേയ്മെന്റ് സ്റ്റാറ്റസ്
നിങ്ങളുടെ വരുമാനത്തിന്റെ വിവരങ്ങളും പേയ്മെന്റ് സ്റ്റാറ്റസും പരിശോധിക്കുന്നതിനായി പ്രതിലിപി പ്രൊഫൈൽ എടുത്തതിന് ശേഷം എന്റെ സമ്പാദ്യം എന്ന വിഭാഗത്തിൽ ക്ലിക്ക് ചെയ്യാം, എല്ലാ വിവരങ്ങൾ ഇവിടെ നിന്ന് മനസിലാക്കാൻ സാധിക്കുന്നതാണ്
4. ബാങ്ക് സ്റ്റേറ്റ്മെന്റ്
ചില സമയങ്ങളിൽ തുക അക്കൗണ്ടിൽ ക്രെഡിറ്റ് ആകുമ്പോൾ ബാങ്കുകളിൽ നിന്നും എസ്.എം.എസ് അല്ലെങ്കിൽ നോട്ടിഫിക്കേഷൻ അലേർട്ടുകൾ ലഭിക്കില്ല. അതിനാൽ ദയവായി നിങ്ങളുടെ ബാങ്ക് സ്റ്റേറ്റ്മെന്റോ പാസ്ബുക്കോ പരിശോധിക്കുക.
5. തുക ഇതുവരെയും ക്രെഡിറ്റ് ആയിട്ടില്ലെങ്കിൽ
മുകളിൽ പറഞ്ഞ കാര്യങ്ങളെല്ലാം പരിശോധിച്ചിട്ടും തുക ലഭിച്ചിട്ടില്ലെങ്കിൽ, ഞങ്ങളുടെ സപ്പോർട്ട് ടീമുമായി ബന്ധപ്പെടേണ്ടതാണ്.
ശ്രദ്ധിക്കുക: ഏതെങ്കിലും തരത്തിലുള്ള വെരിഫിക്കേഷൻ/ വാലിഡേഷൻ പരിശോധനകൾ പരാജയപ്പെടുകയാണെങ്കിൽ, പ്രതിലിപിയുടെ ഭാഗത്തു നിന്നും പേയ്മെന്റുകൾ തടയപ്പെട്ടേക്കാം. .