പ്രതിലിപിയിൽ സജീവമായി എഴുതുന്ന, വളർന്നുവരുന്ന രചയിതാക്കൾക്ക് നൽകുന്ന ഒരു പ്രത്യേക അംഗീകാരമാണ് ഗോൾഡൻ ബാഡ്ജ്. നിങ്ങൾ ഈ പ്ലാറ്റ്‌ഫോമിലെ ഒരു സ്ഥിരമായി എഴുതുന്ന രചയിതാവാണെന്ന്  ഇത് വായനക്കാരെ അറിയിക്കുന്നു. കൂടാതെ ഇത് നിരവധി വരുമാന മാർഗ്ഗങ്ങളിലേക്കും, രചനാ പ്രോഗ്രാമുകളിലേക്കും ഉള്ള വാതിലുകൾ ഇത് തുറന്നു തരുന്നു.
ഗോൾഡൻ ബാഡ്ജിന്റെ നേട്ടങ്ങൾ

നിങ്ങൾക്ക് ഗോൾഡൻ ബാഡ്ജ് ലഭിച്ചുകഴിഞ്ഞാൽ, താഴെ പറയുന്നവയ്ക്ക് നിങ്ങൾ യോഗ്യരാകും:

• പ്രീമിയം പ്രോഗ്രാം

• സൂപ്പർഫാൻ സബ്‌സ്‌ക്രിപ്ഷൻ

• റീഡർ മോണിറ്റൈസേഷൻ ഫീച്ചർ

• പ്രതിലിപിയിലെ മറ്റ് പ്രമുഖ വരുമാന മാർഗ്ഗങ്ങൾ.

ഇതിനുപുറമേ, പ്ലാറ്റ്‌ഫോമിലെ സജീവവും, വിശ്വസ്തനുമായ ഒരു രചയിതാവാണ് നിങ്ങളെന്ന് തിരിച്ചറിയാൻ ഇത് വായനക്കാരെ സഹായിക്കുന്നു.

ഗോൾഡൻ ബാഡ്ജ് എങ്ങനെ സ്വന്തമാക്കാം?

ഒരു രചയിതാവിന് ഗോൾഡൻ ബാഡ്ജ് ലഭിക്കുന്നതിനായി താഴെ പറയുന്ന രണ്ട് നിബന്ധനകളും നിർബന്ധമായും പൂർത്തിയാക്കേണ്ടതുണ്ട്:

1. 200 ഫോളോവേഴ്‌സ് (Followers) പൂർത്തിയാക്കുക: നിങ്ങളുടെ പ്രൊഫൈലിൽ കുറഞ്ഞത് 200 ഫോളോവേഴ്‌സ് ഉണ്ടായിരിക്കണം.

2. 30 ദിവസത്തിനുള്ളിൽ 5 ഭാഗങ്ങൾ പ്രസിദ്ധീകരിക്കുക: 200 ഫോളോവേഴ്‌സ് തികഞ്ഞതിന് ശേഷം, ഏതെങ്കിലും ഒരു 30 ദിവസത്തെ കാലയളവിനുള്ളിൽ കുറഞ്ഞത് 5 അധ്യായങ്ങളോ, ഭാഗങ്ങളോ നിങ്ങൾ പ്രസിദ്ധീകരിച്ചിരിക്കണം.

ശ്രദ്ധിക്കുക : നിങ്ങൾ മുൻകൂട്ടി തന്നെ 5 ഭാഗങ്ങൾ പ്രസിദ്ധീകരിച്ചിട്ടുണ്ടെങ്കിൽ പോലും, 200 ഫോളോവേഴ്‌സ് എന്ന നിബന്ധന പൂർത്തിയായതിന് ശേഷം മാത്രമേ ഗോൾഡൻ ബാഡ്ജ് അനുവദിക്കുകയുള്ളൂ.

ശ്രദ്ധിക്കേണ്ട മറ്റു കാര്യങ്ങൾ

• ഈ യോഗ്യതകൾ പൂർത്തിയാകുമ്പോൾ ബാഡ്ജ് സ്വയമേവ നിങ്ങളുടെ പ്രൊഫൈലിൽ ദൃശ്യമാകും. 

• ഇതിനായി പ്രത്യേകം അപേക്ഷ സമർപ്പിക്കേണ്ടതില്ല.

• കഥകൾ തുടർച്ചയായി സീരീസ് എഴുതുന്നത് നിങ്ങളുടെ പ്രൊഫൈലിന്റെ വിസിബിലിറ്റിയും, ഫോളോവേഴ്‌സിന്റെ എണ്ണവും വർദ്ധിപ്പിക്കാൻ സഹായിക്കും.

• വായനക്കാരെ ആകർഷിക്കുന്നതിനും, വരുമാനം വർദ്ധിപ്പിക്കുന്നതിനും എപ്പോഴും സീരീസായി എഴുതുന്നതാണ് കൂടുതൽ ഫലപ്രദം.

ഗോൾഡൻ ബാഡ്ജ് ലഭിച്ചതിനു ശേഷം നിങ്ങൾക്ക് എന്തൊക്കെ ചെയ്യാം?

• യോഗ്യതയുള്ള നിങ്ങളുടെ സീരീസുകൾ പ്രീമിയം വിഭാഗത്തിലേക്ക് മാറ്റാം.

• സൂപ്പർഫാൻ സബ്‌സ്‌ക്രിപ്ഷൻ ആക്റ്റിവ് ചെയ്യാം.

• സ്റ്റിക്കറുകൾ, സബ്‌സ്‌ക്രിപ്ഷനുകൾ, പ്രീമിയം വായനകൾ എന്നിവയിലൂടെ വരുമാനം നേടി തുടങ്ങാം.

പ്രതിലിപി സമയാസമയങ്ങളിൽ പുറത്തിറക്കുന്ന വിവിധ ക്രിയേറ്റർ പ്രോഗ്രാമുകളിലും മറ്റ് അവസരങ്ങളിലും പങ്കെടുക്കാം.

തുടർച്ചയായി എഴുതുകയും, നിങ്ങളുടെ വായനക്കാരുമായി നല്ലൊരു സൗഹൃദം നിലനിർത്തുകയും ചെയ്യുക. നിങ്ങൾ ലക്ഷ്യത്തിലേക്കുള്ള യാത്ര തുടങ്ങി കഴിഞ്ഞു.