പ്രതിലിപിയിൽ പേയ്‌മെന്റ് പൂർത്തിയാക്കാൻ സാധിക്കുന്നില്ലേ? വിഷമിക്കേണ്ട — ബാങ്കുകളിലെ താത്കാലിക പ്രശ്നങ്ങൾ മൂലമോ, നെറ്റ്‌വർക്ക് തകരാറുകൾ കൊണ്ടോ, പേയ്‌മെന്റ് പ്രൊവൈഡർമാരുടെ   സർവർ പ്രശ്നങ്ങൾ മൂലമോ ഇത്തരത്തിൽ സംഭവിക്കാവുന്നതാണ്. ഇത് എളുപ്പത്തിൽ പരിഹരിക്കാനുള്ള വഴികൾ ചുവടെ ചേർക്കുന്നു. 

1.  ഇന്റർനെറ്റ് കണക്ഷൻ പരിശോധിക്കുക

ഇന്റർനെറ്റ് കണക്ഷൻറെ പ്രശ്നങ്ങൾ മൂലം നിങ്ങളുടെ പേയ്‌മെന്റ് പരാജയപ്പെട്ടേക്കാം. ഇത് പരിഹരിക്കാൻ താഴെ പറയുന്ന കാര്യങ്ങൾ ചെയ്ത് നോക്കൂ

• വൈഫൈയിൽ (Wi-Fi) നിന്നും മൊബൈൽ ഡാറ്റയിലേക്കോ തിരിച്ചോ ഒന്ന് മാറ്റി നോക്കുക.

• ആപ്പ് റിഫ്രഷ് (Refresh) ചെയ്ത ശേഷം വീണ്ടും ശ്രമിക്കുക.

2.  ബാങ്ക് അക്കൗണ്ട് അല്ലെങ്കിൽ യു.പി.ഐ (UPI) ആപ്പ് പരിശോധിക്കുക

പേയ്‌മെന്റ് ചെയ്യുന്നതിന് വീണ്ടും ശ്രമിക്കുന്നതിന് മുൻപ് താഴെ പറയുന്ന കാര്യങ്ങൾ പരിശോധിച്ച് ഉറപ്പാക്കണം.

• നിങ്ങളുടെ ബാങ്ക് അക്കൗണ്ടിൽ ആവശ്യമായ ബാലൻസ് ഉണ്ടെന്ന് ഉറപ്പ് വരുത്തുക.

• യു.പി.ഐ സർവീസുകൾ ആക്റ്റീവ് ആണെന്ന് ഉറപ്പാക്കുക.

• നിങ്ങളുടെ യു.പി.ഐ പിൻ കൃത്യമായാണോ നൽകുന്നതെന്ന് പരിശോധിക്കുക.

• നിങ്ങളുടെ ബാങ്ക് സെർവറുകളിൽ തകരാറുകൾ ഇല്ലെന്ന് ഉറപ്പാക്കുക. ചില സമയങ്ങളിൽ സാങ്കേതിക പ്രശ്നങ്ങൾ മൂലം പേയ്മെന്റ് പരാജയപ്പെടാറുണ്ട്.

3. ആപ്പ് റിഫ്രഷ് ചെയ്ത ശേഷം വീണ്ടും ശ്രമിക്കുക

ആപ്പ് ഒരു തവണ റിഫ്രഷ് ചെയ്യുന്നത് വഴി പലപ്പോഴും ഈ പ്രശ്നം പരിഹരിക്കപ്പെടാറുണ്ട്.

ദയവായി താഴെ പറയുന്ന കാര്യങ്ങൾ കൂടി ചെയ്തു നോക്കാമോ?

• പ്രതിലിപി ആപ്പ് പൂർണ്ണമായും ക്ലോസ് ചെയ്ത ശേഷം വീണ്ടും ഓപ്പൺ ചെയ്യുക.

• ഫോണിലെ എയർപ്ലെയിൻ മോഡ് ഓൺ ചെയ്ത ശേഷം ഓഫ് ചെയ്യുക.

• ഏതാനും മിനിറ്റുകൾക്ക് ശേഷം പേയ്‌മെന്റ് ചെയ്യാൻ വീണ്ടും ശ്രമിക്കുക.

4.  ആപ്പ് അപ്ഡേറ്റ് ചെയ്യുക

പ്രതിലിപി ആപ്പിന്റെ പഴയ വേർഷൻ ഉപയോഗിക്കുന്നത് ചിലപ്പോൾ പേയ്‌മെന്റ് പ്രശ്നങ്ങൾക്ക് കാരണമായേക്കാം. അതിനാൽ പേയ്‌മെന്റ് വീണ്ടും ശ്രമിക്കുന്നതിന് മുൻപ് പ്ലേ സ്റ്റോറിൽ നിന്നോ   ആപ്പ് സ്റ്റോറിൽ നിന്നോ  പ്രതിലിപി ആപ്പ് ഏറ്റവും പുതിയ വേർഷനിലേക്ക് അപ്ഡേറ്റ് ചെയ്യുക.

5. മറ്റൊരു പേയ്‌മെന്റ് മാർഗ്ഗം തെരഞ്ഞെടുക്കാം

ഒരു പേയ്‌മെന്റ് രീതിപരാജയപ്പെടുകയാണെങ്കിൽ, ലഭ്യമായ മറ്റ് ഓപ്ഷനുകൾ ഉപയോഗിച്ച് നോക്കാവുന്നതാണ്. ഉദാഹരണത്തിന്:

• യു.പി.ഐ  

• ഡെബിറ്റ്/ക്രെഡിറ്റ് കാർഡ് 

• നെറ്റ് ബാങ്കിംഗ്  

• ഗൂഗിൾ പ്ലേ ബില്ലിംഗ്  

ശ്രദ്ധിക്കുക: നിങ്ങളുടെ സ്ക്രീനിൽ കാണിക്കുന്ന പേയ്‌മെന്റ് മാർഗ്ഗങ്ങൾ മാത്രമേ നിലവിൽ നിങ്ങളുടെ അക്കൗണ്ടിൽ ലഭ്യമാകുകയുള്ളൂ.

6. തുക ഈടാക്കിയിട്ടും, സബ്‌സ്‌ക്രിപ്ഷൻ/കോയിനുകൾ ലഭിച്ചിട്ടില്ലെങ്കിൽ

ബാങ്കും പേയ്‌മെന്റ് ഗേറ്റ്‌വേയും തമ്മിൽ ഉണ്ടാകുന്ന സർവർ പ്രശ്നങ്ങൾ മൂലം പേയ്‌മെന്റ് പരാജയപ്പെടാം.

ഇത്തരം സന്ദർഭങ്ങളിൽ ഈ തുക 5-7 പ്രവൃത്തി ദിവസങ്ങൾക്കുള്ളിൽ  നിങ്ങളുടെ അക്കൗണ്ടിലേക്ക് റീഫണ്ട് ചെയ്യപ്പെടും.

• ഏതാനും മണിക്കൂറുകൾക്കുള്ളിൽ തന്നെ ഈ റീഫണ്ടുകൾ പ്രൊസസ്സ് ചെയ്യപ്പെടാറുണ്ട്.

നിശ്ചിത സമയം കഴിഞ്ഞിട്ടും റീഫണ്ടോ നിങ്ങൾ വാങ്ങിയ കോയിനുകൾ/ സബ്‌സ്‌ക്രിപ്ഷൻ ലഭിച്ചിട്ടില്ലെങ്കിൽ, ദയവായി പേയ്‌മെന്റ് സ്ക്രീൻഷോട്ട് സഹിതം ഞങ്ങളുടെ സപ്പോർട്ട് ടീമുമായി ബന്ധപ്പെടുക. നിങ്ങളുടെ പേയ്‌മെന്റ് പെട്ടെന്ന് കണ്ടെത്താനും നിങ്ങളെ സഹായിക്കാനും ഇത് ഞങ്ങളെ സഹായിക്കും.

നിങ്ങളുടെ ക്ഷമയ്ക്കും പിന്തുണയ്ക്കും നന്ദി.