നിങ്ങളുടെ ബാങ്ക് സ്റ്റേറ്റ്‌മെന്റിൽ ഒരേ തുക രണ്ട് തവണ ഈടാക്കിയതായി കാണുന്നത് ആശങ്കയുണ്ടാക്കിയേക്കാം, പക്ഷെ പേടിക്കേണ്ടതില്ല! നിങ്ങളുടെ പണം സുരക്ഷിതമാണ്, എത്രയും പെട്ടെന്ന് ഇത് പരിഹരിക്കാൻ ഞങ്ങൾ നിങ്ങളെ സഹായിക്കുന്നതാണ്.

ഇങ്ങനെ സംഭവിക്കാനുള്ള കാരണത്തെക്കുറിച്ചും, നിങ്ങളുടെ പണം എങ്ങനെ തിരികെ (Refund) ലഭിക്കും എന്നതിനെക്കുറിച്ചും കൃത്യമായി അറിയേണ്ട കാര്യങ്ങൾ താഴെ നൽകുന്നു:

ഇങ്ങനെ സംഭവിക്കാൻ കാരണമെന്താണ്?

നിങ്ങളുടെ ബാങ്കും, ആപ്പ് സ്റ്റോറും (Google Play അല്ലെങ്കിൽ Apple) അല്ലെങ്കിൽ ഞങ്ങളുടെ പേയ്‌മെന്റ് പാർട്‌ണർമാരും (UPI അല്ലെങ്കിൽ Razorpay പോലുള്ളവ) തമ്മിലുള്ള താൽക്കാലിക നെറ്റ്‌വർക്ക് എറർ(glitch) കാരണമാണ് മിക്കപ്പോഴും ഒരേ തുക രണ്ട് തവണ ഈടാക്കുന്നത്.

നെറ്റ്‌വർക്ക് എറർ: ചിലപ്പോൾ നിങ്ങളുടെ ബാങ്ക് പേയ്‌മെന്റ് വിജയകരമായി പൂർത്തിയാക്കിയാലും, എന്നാൽ അത് 'Success' ആയി എന്ന സന്ദേശം ഞങ്ങളുടെ ആപ്പിലേക്ക് എത്തുന്നതിന് മുൻപ് നെറ്റ്‌വർക്ക് തടസ്സം നേരിടാം. ആ സമയത്ത് ആദ്യത്തെ പേയ്‌മെന്റ് പരാജയപ്പെട്ടു എന്ന് കരുതി നിങ്ങൾ വീണ്ടും പണം അടയ്ക്കാൻ ശ്രമിച്ചേക്കാം. ഇത് കാരണം രണ്ട് തവണ പണം നഷ്ടപ്പെടുമെങ്കിലും ഒരു സബ്‌സ്‌ക്രിപ്‌ഷൻ അല്ലെങ്കിൽ കോയിൻ പാക്ക് മാത്രമേ ആക്റ്റീവ് ആവുകയുള്ളൂ.

നിങ്ങൾ ആദ്യം ചെയ്യേണ്ടത് എന്ത്? :

24-48 മണിക്കൂർ കാത്തിരിക്കുക: മിക്കപ്പോഴും, ആദ്യത്തെ ഇടപാട് അപൂർണ്ണമായിരുന്നുവെന്നോ അല്ലെങ്കിൽ ഒരേ തുക രണ്ടുതവണ ഈടാക്കിയെന്നോ നിങ്ങളുടെ ബാങ്കോ ആപ്പ് സ്റ്റോറോ സ്വയം തിരിച്ചറിയാറുണ്ട്. അവരുടെ സിസ്റ്റം ഈ തെറ്റ് കണ്ടെത്തുമ്പോൾ, രണ്ടാമത് ഈടാക്കിയ തുക സ്വയമേവ റദ്ദാക്കുകയും നിങ്ങൾ ഒന്നും ചെയ്യാതെ തന്നെ ആ പണം നിങ്ങളുടെ അക്കൗണ്ടിലേക്ക് തിരികെ വരികയും ചെയ്യും!

പണം സ്വയമേവ തിരികെ ലഭിച്ചില്ലെങ്കിൽ റീഫണ്ടിനായി എങ്ങനെ അപേക്ഷിക്കാം:

നിങ്ങൾ Google Play Store വഴിയാണ് പണമടച്ചതെങ്കിൽ (Android):

പ്ലേ സ്റ്റോർ വഴിയുള്ള എല്ലാ പേയ്‌മെന്റുകളും ഗൂഗിൾ നേരിട്ടാണ് കൈകാര്യം ചെയ്യുന്നത്.

• നിങ്ങളുടെ Google Play Store ആപ്പ് തുറക്കുക.
• മുകളിൽ വലതുഭാഗത്തുള്ള നിങ്ങളുടെ പ്രൊഫൈൽ ഐക്കണിൽ ക്ലിക്ക് ചെയ്യുക > Payments & subscriptions > Budget & history എന്ന ഭാഗത്തേക്ക് പോവുക.
• രണ്ടുതവണ പണം നഷ്ടപ്പെട്ട ആ ഓർഡർ കണ്ടെത്തി, Report a problem എന്നതിൽ ക്ലിക്ക് ചെയ്ത് റീഫണ്ട് ഓപ്ഷൻ തിരഞ്ഞെടുത്ത് അപേക്ഷ ഗൂഗിളിന് സമർപ്പിക്കുക.

നിങ്ങൾ Apple App Store വഴിയാണ് പണമടച്ചതെങ്കിൽ (iPhone/iPad):

ആപ്പിൾ അവരുടെ ബില്ലിംഗ് കാര്യങ്ങൾ വളരെ കർശനമായി നേരിട്ടാണ് നിയന്ത്രിക്കുന്നത്.

• reportaproblem.apple.com  എന്ന വെബ്‌സൈറ്റ് സന്ദർശിക്കുക.
• നിങ്ങളുടെ Apple ID ഉപയോഗിച്ച് സൈൻ ഇൻ ചെയ്യുക.
• "I'd like to" എന്നതിൽ ടാപ്പ് ചെയ്ത്, "Request a refund" എന്നത് തിരഞ്ഞെടുക്കുക. അതിനുശേഷം രണ്ടുതവണ പണം ഈടാക്കിയ പ്രതിലിപി ചാർജ് സെലക്ട് ചെയ്യുക.

നിങ്ങൾ UPI, Credit Card, Paytm മുതലായവ വഴി നേരിട്ടാണ് പണമടച്ചതെങ്കിൽ:

ഞങ്ങളുടെ നേരിട്ടുള്ള പേയ്‌മെന്റ് പാർട്‌ണർമാർ (Razorpay, PhonePe, അല്ലെങ്കിൽ Paytm പോലുള്ളവ) വഴി പണമടയ്ക്കുകയും രണ്ടുതവണ തുക നഷ്ടപ്പെടുകയും ചെയ്തിട്ടുണ്ടെങ്കിൽ, ദയവായി ഞങ്ങളുടെ സപ്പോർട്ട് ടീമുമായി (Support Team) ഉടൻ ബന്ധപ്പെടുക!

• പ്രതിലിപി ആപ്പ് തുറന്ന് ഞങ്ങളെ ബന്ധപ്പെടൂ വിഭാഗത്തിലേക്ക് പോവുക.
• ഒരേ തുക രണ്ടുതവണ ഈടാക്കിയ കാര്യം വ്യക്തമാക്കി ഞങ്ങൾക്ക് ഒരു സന്ദേശം അയക്കുക.
• ഏറ്റവും പ്രധാനപ്പെട്ട ഘട്ടം: പണം ഡെബിറ്റ് ചെയ്ത വിവരം കാണിക്കുന്ന നിങ്ങളുടെ ബാങ്ക് സ്റ്റേറ്റ്‌മെന്റിന്റെയോ SMS-ന്റെയോ സ്‌ക്രീൻഷോട്ടും, ഒപ്പം അതിന്റെ ട്രാൻസാക്ഷൻ ഐഡികളും (Transaction IDs) സന്ദേശത്തോടൊപ്പം അറ്റാച്ച് ചെയ്യുക.
• ഞങ്ങളുടെ ടീം പേയ്‌മെന്റ് പാർട്‌ണർമാരുമായി ബന്ധപ്പെട്ട് ഈ ഇടപാട് പരിശോധിച്ച്, നിങ്ങൾ പണമടച്ച അതേ അക്കൗണ്ടിലേക്ക് തന്നെ തുക മാനുവലായി റീഫണ്ട് ചെയ്തു നൽകുന്നതാണ്!

ചുരുക്കത്തിൽ, രണ്ടുതവണ പണം ഈടാക്കുന്നത് സാധാരണയായി ബാങ്കിലെ താൽക്കാലിക തകരാറുകൾ മൂലമാണ്, ഇത് സ്വയം പരിഹരിക്കപ്പെടാറുണ്ട്. എന്നാൽ പണം തിരികെ ലഭിച്ചില്ലെങ്കിൽ, നിങ്ങളുടെ ട്രാൻസാക്ഷൻ രസീതുകളുമായി ഗൂഗിൾ, ആപ്പിൾ അല്ലെങ്കിൽ ഞങ്ങളുടെ സപ്പോർട്ട് ടീമിനെ സമീപിച്ചാൽ എത്രയും വേഗം റീഫണ്ട് ലഭിക്കുന്നതാണ്!