നിങ്ങൾ പ്രതിലിപി വിട്ട് പോകുന്നതിൽ ഞങ്ങൾക്ക് വിഷമമുണ്ടെങ്കിലും നിങ്ങളുടെ തീരുമാനത്തെ ഞങ്ങൾ ബഹുമാനിക്കുന്നു. പ്രതിലിപിയിൽ നിന്ന് ഒരു ഇടവേള എടുക്കാനോ അല്ലെങ്കിൽ അക്കൗണ്ട് പൂർണ്ണമായും ഡിലീറ്റ് ചെയ്യാനോ നിങ്ങൾ ആഗ്രഹിക്കുന്നുണ്ടെങ്കിൽ, അത് ചെയ്യേണ്ടത് എങ്ങനെയെന്ന് ചുവടെ ചേർക്കുന്നു.
സ്റ്റെപ് 1: സെറ്റിംഗ്സ് മെനു കണ്ടെത്തുക
പ്രതിലിപി ആപ്പ് തുറന്ന് നിങ്ങളുടെ പ്രൊഫൈലിലേക്ക് പോകുക.
മുകളിൽ വലതുവശത്തായി കാണുന്ന സെറ്റിംഗ്സ് ഐക്കണിൽ ക്ലിക്ക് ചെയ്യുക.
താഴേക്ക് സ്ക്രോൾ ചെയ്ത് അക്കൗണ്ട് സെറ്റിംഗ്സ് തിരഞ്ഞെടുക്കുക.
സ്റ്റെപ് 2: ഓപ്ഷൻ തിരഞ്ഞെടുക്കുക
അക്കൗണ്ട് സെറ്റിംഗ്സിൽ അക്കൗണ്ട് ഡീആക്ടിവേറ്റ് ചെയ്യാനും ഡിലീറ്റ് ചെയ്യാനും ഉള്ള ഓപ്ഷനുകൾ കാണാൻ സാധിക്കും.
ഡീആക്ടിവേറ്റ് ചെയ്താൽ: ഡീആക്ടിവേറ്റ് ചെയ്യുന്നതിലൂടെ നിങ്ങൾ പ്രതിലിപിയിൽ നിന്ന് ഒരു ഇടവേള എടുക്കുകയാണ് ചെയ്യുന്നത്. ഇങ്ങനെ ചെയ്താൽ നിങ്ങളുടെ പ്രൊഫൈലോ കഥകളോ കമന്റുകളോ മറ്റാർക്കും കാണാൻ കഴിയില്ല. പിന്നീട് എപ്പോഴെങ്കിലും തിരിച്ചു വരണമെന്ന് തോന്നുമ്പോൾ വീണ്ടും ലോഗിൻ ചെയ്താൽ മതി. നിങ്ങളുടെ വിവരങ്ങളെല്ലാം അവിടെത്തന്നെ ഉണ്ടാകും.
ഡിലീറ്റ് ചെയ്താൽ: നിങ്ങളുടെ അക്കൗണ്ട് ഡിലീറ്റ് ചെയ്യുന്നതോടെ നിങ്ങളുടെ എല്ലാ രചനകളും വിവരങ്ങളും പ്രതിലിപിയുടെ എല്ലാ ആപ്പുകളിൽ നിന്നും (ലിറ്ററേച്ചർ, കോമിക്സ്, എഫ്.എം) എന്നെന്നേക്കുമായി നീക്കം ചെയ്യപ്പെടും.
സ്റ്റെപ് 3: സ്ഥിരീകരിക്കാം
ഡീആക്ടിവേറ്റ്/ ഡിലീറ്റ് ചെയ്യുന്നതിന് ഉള്ള ഓപ്ഷൻ തെരഞ്ഞെടുത്ത് കഴിഞ്ഞാൽ, സുരക്ഷാ കാരണങ്ങളാൽ നിങ്ങളുടെ പാസ്വേഡ് ഒരിക്കൽ കൂടി നൽകേണ്ടി വന്നേക്കാം. അതിന് ശേഷം സിസ്റ്റം ബാക്കി നടപടികൾ സ്വയമേവ പൂർത്തിയാക്കുന്നതാണ്.
നടപടികൾ പൂർത്തിയായതിന് ശേഷം ഈ വിവരം ഇമെയിൽ വഴി അറിയിക്കും.
ശ്രദ്ധിക്കുക: നിങ്ങൾക്ക് നിലവിൽ ഒരു പ്രീമിയം സബ്സ്ക്രിപ്ഷൻ ഉണ്ടെങ്കിൽ, നിങ്ങളുടെ അക്കൗണ്ട് ഒഴിവാക്കുന്നതിന് മുൻപ് ഗൂഗിൾ പ്ലേ സ്റ്റോർ, ആപ്പിൾ ആപ്പ് സ്റ്റോർ അല്ലെങ്കിൽ യുപിഐ ആപ്പുകൾ (Google Pay, PhonePe മുതലായവ) വഴി എടുത്തിട്ടുള്ള സബ്സ്ക്രിപ്ഷനുകൾ ക്യാൻസൽ ചെയ്തെന്ന് ഉറപ്പുവരുത്തുക. അല്ലാത്തപക്ഷം അക്കൗണ്ട് ഡിലീറ്റ് ചെയ്താലും 'ഓട്ടോപേ' സൗകര്യം നിലനിൽക്കുന്നതിനാൽ അടുത്ത മാസത്തെ തുക നിങ്ങളുടെ അക്കൗണ്ടിൽ നിന്ന് നഷ്ടപ്പെടാൻ സാധ്യതയുണ്ട്.