നിങ്ങൾ പബ്ലിഷ് ചെയ്ത ഒരു ഭാഗം ഡ്രാഫ്റ്റിലേക്ക് മാറ്റാനോ അല്ലെങ്കിൽ പൂർണ്ണമായി ഡിലീറ്റ് ചെയ്യാനോ സാധിക്കുന്നില്ലേ? വിഷമിക്കേണ്ട, ഇത് ഒരു ടെക്നിക്കൽ പ്രശ്നമല്ല!
എഴുത്തുകാരുടെയും വായനക്കാരുടെയും താല്പര്യങ്ങൾ ഒരുപോലെ സംരക്ഷിക്കുന്നതിനായി ഞങ്ങളുടെ സിസ്റ്റത്തിൽ ചില നിയന്ത്രണങ്ങൾ ഉണ്ട്. നിങ്ങളുടെ രചനകൾ ഡ്രാഫ്റ്റിലേക്ക് മാറ്റുന്നതിനോ ഡിലീറ്റ് ചെയ്യുന്നതിനോ കഴിയാത്തതിന്റെ കാരണം ചുവടെ പറയുന്നവ ആകാം
ഇതൊരു പ്രീമിയം (ബ്ലോക്ക്ബസ്റ്റർ) സീരീസ് ആണോ? ഏറ്റവും കൂടുതൽ പേർക്ക് ഈ പ്രശ്നം വരുന്നത് പ്രീമിയം സീരീസ് ആയത് കൊണ്ടാണ്! നിങ്ങളുടെ സീരീസ് പ്രീമിയം പ്രോഗ്രാമിന്റെ ഭാഗമാണെങ്കിൽ, പബ്ലിഷ് ചെയ്ത ഭാഗങ്ങൾ സിസ്റ്റം ലോക്ക് ചെയ്യും
കാരണം: വായനക്കാർ കോയിനുകൾ ഉപയോഗിച്ചോ അല്ലെങ്കിൽ പ്രീമിയം സബ്സ്ക്രിപ്ഷൻ വഴിയോ ആയിരിക്കാം ആ ഭാഗങ്ങൾ അൺലോക്ക് ചെയ്ത് വായിക്കുന്നത്. അവർ പണം നൽകി വായിച്ച കഥകൾ അവർക്ക് നഷ്ടപ്പെടാതിരിക്കാനാണ് ഞങ്ങൾ ഇത് ലോക്ക് ചെയ്യുന്നത്.
എന്തുചെയ്യാം?: ഒരു പ്രീമിയം അധ്യായത്തിൽ തിരുത്തേണ്ട എന്തെങ്കിലും തെറ്റ് പറ്റിയിട്ടുണ്ടെങ്കിൽ, ദയവായി ഞങ്ങളുടെ സപ്പോർട്ട് ടീമിനെ നേരിട്ട് ബന്ധപ്പെടുക. ഞങ്ങളുടെ ഭാഗത്തു നിന്ന് ആ അധ്യായം അപ്ഡേറ്റ് ചെയ്യാനോ ഡ്രാഫ്റ്റ് ചെയ്യാനോ ഞങ്ങൾ സഹായിക്കുന്നതാണ്.
സീരീസ് "പൂർത്തിയായി" എന്ന് ചേർത്തിട്ടുണ്ടോ?: നിങ്ങളുടെ പ്രീമിയം സീരീസ് 'Completed' എന്ന് മാർക്ക് ചെയ്തിട്ടുണ്ടെങ്കിൽ, ആ കഥ പൂർണ്ണമായും ലോക്കാകും. പൂർത്തിയായ പ്രീമിയം സീരീസുകൾ പലപ്പോഴും പ്രത്യേക പ്രൊമോഷനുകളുടെയോ പ്ലാറ്റ്ഫോം ഫീച്ചറുകളുടെയോ ഭാഗമാക്കാറുള്ളതിനാൽ എഴുത്തുകാർക്ക് പിന്നീട് അവ എഡിറ്റ് ചെയ്യാനോ, ഡ്രാഫ്റ്റിലേക്ക് മാറ്റാനോ, ഡിലീറ്റ് ചെയ്യാനോ കഴിയില്ല.
നിങ്ങൾ എക്സ്ക്ലൂസീവ് കോൺട്രാക്ട് ഒപ്പിട്ടിട്ടുണ്ടോ? നിങ്ങളുടെ സീരീസ് പ്രതിലിപി നേരിട്ട് ഏറ്റെടുത്തതാണെങ്കിൽ (അതായത്, എക്സ്ക്ലൂസീവ് കരാറുള്ള "പ്ലാറ്റ്ഫോം ഓൺഡ്" സീരീസ് ആണെങ്കിൽ), ഇത്തരം സീരീസുകളോ ഭാഗങ്ങളോ ഡ്രാഫ്റ്റിലേക്ക് മാറ്റാനോ ഡിലീറ്റ് ചെയ്യാനോ നിങ്ങൾക്ക് സാധിക്കില്ല.
പബ്ലിഷ് ചെയ്ത ഒരു ഭാഗം നേരിട്ട് ഡിലീറ്റ് ചെയ്യാൻ സാധിക്കില്ല:
പ്രീമിയം സീരീസുകൾ അല്ലെങ്കിൽ പോലും പബ്ലിഷ് ചെയ്ത ഒരു സീരീസിന്റെ ഭാഗം നേരിട്ട് ഡിലീറ്റ് ചെയ്യാൻ സാധിക്കില്ല.
എങ്ങനെ ഡിലീറ്റ് ചെയ്യാം? ഡിലീറ്റ് ചെയ്യുന്നതിനായി ആ ഭാഗം ഡ്രാഫ്റ്റിലേക്ക് മാറ്റുക. അത് ഡ്രാഫ്റ്റ് ചെയ്ത് കഴിഞ്ഞാൽ നിങ്ങൾക്ക് ഡിലീറ്റ് ചെയ്യാനുള്ള ഓപ്ഷൻ ലഭിക്കുന്നതാണ്.
നിങ്ങൾ ഡ്രാഫ്റ്റ് ചെയ്യാൻ ശ്രമിക്കുമ്പോൾ നേരിടുന്ന പ്രശ്നം ഇതൊന്നും അല്ലെങ്കിൽ, ദയവായി
ഇതിലൊന്നും പെടാത്ത കാര്യമാണോ നിങ്ങളുടെ പ്രശ്നം? എന്നിട്ടും അധ്യായങ്ങൾ മാറ്റാൻ പറ്റുന്നില്ലെങ്കിൽ, നിങ്ങളുടെ കഥയുടെ ലിങ്ക് സഹിതം ഞങ്ങളുടെ സപ്പോർട്ട് ടീമിനെ ബന്ധപ്പെടുക. ഈ പ്രശ്നം ഉടൻ തന്നെ ഞങ്ങൾ പരിഹരിക്കുന്നതാണ്.