🩷മനപ്പൊരുത്തം 🩷

1

ഇവളെ ഇവളെ ആണോ നിങ്ങൾ എല്ലാം കൂടെ എനിക്ക് കണ്ടു വെച്ചത്

അലറുക തന്നെ ആയിരുന്നു അവൻ. ആ വലിയ വീടിന്റെ ഹാളിൽ ആയി അവന്റെ ശബ്ദം പ്രതിധ്വനിച്ചു.

അവൾ ഞെട്ടലോടെ ചുവരിലേക് ഒന്ന് ചേർന്നു പോയി. അത്രയും ഭയം നിറഞ്ഞു പോയ നിമിഷം. ഇത്രയും ഭയന്ന ഒരു നിമിഷം ജീവിതത്തിൽ ഇത് വരെ ഉണ്ടായിട്ടില്ല എന്ന് അവൾ ഓർത്തു.വിറക്കുന്ന കൈ കൊണ്ട് അവൾ കല്യാണസാരിയുടെ അറ്റത്തു ആയി മുറുകെ പിടിച്ചു നിന്നു 

മോനെ നീ എന്താ ഇങ്ങനെ പറയുന്നേ.

അവന്റെ അമ്മയുടെ ചോദ്യം ആണ് അവളെ നിലത്തു നിന്നും മുഖം ഉയർത്താൻ പ്രേരിപ്പിച്ചത്.

പിന്നെ ഞാൻ എന്താ പറയേണ്ടത്. എന്നെ കണ്ടിട്ട് നിങ്ങൾക് പൊട്ടനെ പോലെ തോന്നുന്നുണ്ടോ. ഞാൻ കല്യാണം കഴിക്കാൻ ഉദ്ദേശിച്ചത് മനുഷ്യനെ ആണ് അല്ലാതെ ആനയെ അല്ല.

അവളുടെ മുഖത്തേക് നോക്കി അത്രയും വെറുപ്പോടെ ആണ് അവൻ പറയുന്നത്.

എല്ലാവരും ഒരു നിമിഷം ഞെട്ടലോടെ നിന്ന് പോയി. ഇന്ന് കല്യാണം കഴിച്ചു കൊണ്ട് വന്ന പെണ്ണിന് മുന്നിൽ വെച്ചു ആണ് അവന്റെ ഈ വാക്കുകൾ എല്ലാം. എന്ത് പറയണം ചെയ്യണം എന്ന് അറിയാതെ എല്ലാവരും തറഞ്ഞു നിൽക്കുന്ന ആ പെണ്ണിനെ സഹതാപത്തോടെ ഒന്ന് നോക്കി പോയി.

അവളുടെ കണ്ണിൽ നിന്ന് കണ്ണുനീർ ഒഴുകി ഇറങ്ങുന്നുണ്ട്‌. എല്ലാവരെയും മാറി മാറി നോക്കുകയാണ്. എല്ലാവർക് മുന്നിലും വല്ലാതെ അപമാനിക്കപ്പെട്ട പോലെ.

നിന്റെ ഇഷ്ടപ്രകാരം തന്നെ അല്ലെ ഈ കല്യാണം നടന്നത്. എന്നിട്ട് ഇവിടെ എത്തിയിട്ട് ആണോ നീ കുറ്റങ്ങൾ കാണുന്നത്. എന്താ നിന്റെ പ്രശ്നം. അവന്റെ അമ്മമ്മ ആണ്.

പ്രശ്നം എന്താണ് എന്ന് നിങ്ങൾക് ആർക്കും മനസിലായില്ലേ. ഞാൻ ഇവളെ ഇതിന് മുൻപ്പ് കണ്ടിട്ടുണ്ടോ. നിങ്ങൾ അല്ലെ കണ്ടിട്ട് ഉള്ളത്. ഞാൻ ഇന്ന് അല്ലെ ഇവളെ ആദ്യമായി കാണുന്നത്. ഞാൻ വിചാരിച്ചോ ഇവൾക്ക് ഇത്രക്ക് തടി ഉണ്ടാവും എന്ന്.ഇനി ഇവളെയും കൊണ്ട് ആളുകളുടെ മുഖത്തു ഒക്കെ ഞാൻ എങ്ങനെ നോക്കും. അവൻ തളർന്നത് പോലെ സോഫയിൽ ആയി ഇരുന്നു പോയി. എല്ലാവരും അവരെ മാറി മാറി നോക്കി നിൽക്കുകയാണ്.

ദേ ഒരു കാര്യം ഞാൻ പറഞ്ഞേക്കാം എന്റെ ഭാര്യ ആണ് എന്ന് പറഞ്ഞു ആരുടെ മുന്നിൽ എങ്കിലും പോയി നിന്നാൽ ഞാൻ ആരാണ് എന്ന് നീ ശെരിക്കും അറിയും. മര്യാദക്ക് അടങ്ങി ഒതുങ്ങി ഈ വീടിന്റെ ഏതെങ്കിലും മൂലക്ക് ചുരുണ്ടു കൂടിക്കോണം. എന്റെ കണ്മുന്നിൽ വന്നു പോകരുത് നീ.

അത്രയും വെറുപ്പോടെ ഒരു മനുഷ്യൻ തന്റെ മുഖത്തു നോക്കി ആദ്യമായി സംസാരിക്കുകയാണ് എന്ന് അവൾക് തോന്നി. ഒരു മനുഷ്യന് മറ്റൊരു മനുഷ്യനെ വെറുക്കാൻ കഴിയുന്നതിന്റെ അങ്ങേ അറ്റം ഉണ്ട് ആ കണ്ണുകളിൽ.

എന്തൊക്കെയാ നീ പറയുന്നത് എന്ന് നിനക്ക് ബോധം ഉണ്ടോ. ഇവളെ ഞാൻ ആണ് ഈ വീട്ടിലെ മരുമകൾ ആയി കൊണ്ട് വന്നത് ഇവൾക്ക് ഇവിടെ ഒരു കുറവും ഉണ്ടാവാൻ ഞാൻ സമ്മതിക്കില്ല.

അവന്റെ അമ്മ അവൾക് അടുത്ത് വന്നു ഒന്ന് ചേർത്തു പിടിച്ചു. കരഞ്ഞു കലങ്ങിയ കണ്ണോടെ അവൾ തല ഉയർത്തി അവരെ ഒന്ന് നോക്കി. ആ പെണ്ണിനോട് അവർക്ക് വല്ലാത്തൊരു സഹതാപം തോന്നി പോയി.

ആയിക്കോ അമ്മ എന്ത് വേണം എങ്കിലും ആയിക്കോ പക്ഷെ ഇവളെ എന്റെ കണ്മുന്നിൽ കാണരുത് എന്നെ ഞാൻ പറഞ്ഞിട്ടുള്ളു.

ഇവൾ നിന്റെ ഭാര്യ ആണ് എന്ന കാര്യം നീ മറക്കണ്ട.

പിന്നെ ഭാര്യ ആയി കൊണ്ട് നടക്കാൻ പറ്റിയ മൊതല് ഇവളുടെ ഇറച്ചി തൂക്കി വിറ്റാൽ ഒരു തലമുറക്ക് സുഖം ആയി കഴിയാം.

അവളുടെ കരച്ചിൽ ശബ്ദം അറിയാതെ ഒന്ന് ഉയർന്നു പോയി. അത്രയും നാണക്കേട് തോന്നി പോയി അവൾക്. തന്നോട് തന്നെ സ്വയം ഒരു പുച്ഛവും.

എല്ലാവരും അവന്റെ സംസാരത്തിൽ പകച്ചു നിൽക്കുകയാണ്. അവളുടെ വീട്ടുകാർ എല്ലാം പോയത് നന്നായി എന്ന് അവർക്ക് തോന്നി. ഇതെല്ലാം അവർ കേട്ടിരുന്നു എങ്കിൽ.

ചവിട്ടി കുലുക്കി മുകളിലേക്കു കയറി പോകുന്നവനെ നോക്കി നിൽക്കാൻ മാത്രമേ അവർക്ക് കഴിഞ്ഞുള്ളു.

മോളെ

വാ പൊത്തി കരഞ്ഞു കൊണ്ട് നിന്നവൾ തല ഉയർത്തി ഒന്ന് നോക്കി.

മോൾ സങ്കടപെടേണ്ട അവന്റെ സ്വഭാവം ഇങ്ങനെ ഒക്കെയാ എല്ലാം രണ്ടു ദിവസം കാണും. പിന്നെ അവൻ തന്നെ മോളെ തലയിൽ വെച്ചു കൊണ്ട് നടക്കും. ഇപ്പോൾ മോൾ വാ അമ്മ താഴെ ഒരു റൂം കാണിച്ചു തരാം. മുകളിൽ ആവുമ്പോ മോൾക് എപ്പോളും കേറി ഇറങ്ങാൻ ബുദ്ധിമുട്ട് ആയിരിക്കില്ലേ.

പറഞ്ഞു കൊണ്ട് അവർ താഴെ തന്നെ ഉള്ള ഒരു മുറിയിലേക് അവളെ കൂട്ടി കൊണ്ട് പോയി.

മുരളി നിന്റെ മോനോട് ഒന്ന് അടങ്ങിക്കോളാൻ പറ. അവന്റെ കാര്യങ്ങൾ ഒന്നും ഇവിടെ ആരും മറന്നിട്ടില്ല. എന്നിട്ട് ആണ് ഈ നെഗളിപ്പ്.

അയാൾ ഒന്നും പറയാതെ തല കുനിച്ചു.

ഞാൻ അവനോട് പറയാം അമ്മേ. അതിന് അവർ ഒന്ന് മൂളുക മാത്രം ചെയ്തു.

താഴെ തന്നെ ഉള്ള റൂമിലേക്കു കയറി ബെഡിൽ ആയി ഇരിക്കുമ്പോൾ എത്ര വേണ്ട എന്ന് വെച്ചിട്ടും അവൾക് ചങ്ക് നീറി പോയി. താലി കെട്ടിയ പുരുഷൻ ആണ് ഇന്ന് അത്രയും പേരുടെ മുന്നിൽ വെച്ചു തന്നെ അപമാനിച്ചത്. വീണ്ടും അത് തന്നെ മനസിലേക്ക് വരുന്നു. എന്തിന് ആണ് ദൈവം തന്നെ ഇങ്ങനെ സൃഷ്ടിച്ചത് അവൾക് മനസിലായില്ല. ദൈവത്തിന് പോലും തന്നോട് വെറുപ്പ് ആണോ എന്ന് അവൾ ഒരു നിമിഷം ആലോചിച്ചു പോയി.

മോളെ

അവൾ തല ചെരിച്ചു ഒന്ന് നോക്കി.

മോൾ അവനോട് ദേഷ്യം ഒന്നും വിചാരിക്കരുത് എനിക്ക് അവനെ നല്ലത് പോലെ അറിയാം ഇപ്പോളത്തെ ഒരു ദേഷ്യം ആണ് ഇത് കുറച്ചു കഴിഞ്ഞു എല്ലാം മാറും.

എന്നെ ഇഷ്ടപ്പെടാതെ ആണോ കല്യാണം കഴിച്ചത്. ഞാൻ എന്റെ വീട്ടിൽ നിന്നോളൂമായിരുന്നല്ലോ.അവൾ ഒഴുകി ഇറങ്ങിയ കണ്ണുനീർ തുടച്ചു.

അവൻ മോളെ കണ്ടിട്ടില്ല എന്ന് ഞങ്ങൾക്ക് അറിയില്ലായിരുന്നു. ഒരു ദിവസം ഞങ്ങൾ എല്ലാം നിർബന്ധിച്ചു ഇവനെ വീട്ടിലേക് പറഞ്ഞു വീട്ടിരുന്നല്ലോ അന്ന് മോളെ ഇവൻ കണ്ടിരുന്നില്ലേ. അവിടെ നിന്ന് വന്നിട്ട് നിങ്ങളുടെ ഇഷ്ടം പോലെ ചെയ്തോളു എന്ന് ആണല്ലോ അവൻ പറഞ്ഞത്. ഞങ്ങൾ വിചാരിച്ചു മോളെ കണ്ടു ഇഷ്ടപ്പെട്ടു എന്ന്.

താര ഞെട്ടലോടെ ആ ദിവസം ഒന്ന് ഓർത്തു പോയി. കാൽ മുതൽ തല വരെ ഒരു വിറയൽ പാഞ്ഞു കയറുന്നു.

അപ്പോൾ അപ്പോൾ അന്ന് തന്നെ കാണാൻ വന്നത് ആയിരുന്നോ. പക്ഷെ കണ്ടത് കണ്ടത് അവൾക് തല എല്ലാം കറങ്ങുന്നത് പോലെ തോന്നി പോയി.

ദേവി എന്തിനാണ് എന്നോട് ഈ ക്രൂരത. അവളുടെ മുഖത്തെ ഭാവം കണ്ടു അവർക്ക് ഒരു ഭയം തോന്നി.

എന്താ.. എന്താ മോളെ എന്തെങ്കിലും പ്രശ്നം ഉണ്ടോ വെള്ളം വേണോ.

ചോദിച്ചു കൊണ്ട് വേഗം അവർ ടേബിളിൽ ഇരുന്ന ജഗ്ഗിൽ നിന്ന് ഗ്ലാസിലേക് വെള്ളം പകർന്നു അവളുടെ ചുണ്ടിലേക് ചേർത്തു വെച്ചു.

ലിപ്സ്റ്റിക് അണിഞ്ഞ ചുണ്ടിന് ഇടയിലൂടെ ആർത്തിയോടെ അവൾ ആ വെള്ളം കുടിച്ചു.

ഒന്ന് സമാധാനം ആയത് പോലെ അവൾ കിതച്ചു

എന്താ മോളെ അച്ഛനെ വിളിക്കട്ടെ വയ്യേ

അന്ന് അന്ന് നിതയെ ആണ് കണ്ടത് എന്നെ കണ്ടില്ല.

അവർ ഞെട്ടലോടെ വാ പൊത്തി അവളെ നോക്കി നിന്ന് പോയി. എന്ത് പറയണം ചെയ്യണം എന്ന് അറിയാതെ അവരുടെ ശരീരം തളർന്നു പോയി ആ തളർച്ചയോടെ തന്നെ അവർ ആ ബെഡിൽ ആയി ഇരുന്നു.

അനിയത്തിയെ ഇഷ്ടപ്പെട്ട് ചേച്ചിയെ കല്യാണം കഴിച്ചിരിക്കുന്നു. ഒന്ന് തല തല്ലി കരയാൻ തോന്നി പോയി താരക്ക്. അവൾ ദയനീയമായി ആ അമ്മയെ ഒന്ന് നോക്കി അവരും കെട്ട വാർത്തയുടെ ഞെട്ടലിൽ ആണ് എന്ന് അവൾക് തോന്നി.

തന്റെ കഴുത്തിൽ താലി കെട്ടുമ്പോൾ ഉള്ള അവന്റെ മുഖത്തെ ഞെട്ടൽ അവൾ ഒന്ന് ആലോചിച്ചു. ശെരിയാണ് അയാൾ  ഞെട്ടലോടെ തന്നെയാണ് തന്നെ നോക്കിയത്.

അവൾക് അവിടെ നിന്ന് എവിടേക്ക് എങ്കിലും ഒന്ന് ഓടി ഒളിക്കാൻ തോന്നി പോയി. ആരും അന്വേഷിച് വരാത്ത ആരും കാണാത്ത ഒരിടത്തേക്.

തന്നെ കളിയാക്കാത്ത കുത്തി നോവിക്കാത്ത ഒരു പറ്റം മനുഷ്യരുടെ ഇടയിലേക്ക് ചെന്ന് ജീവിക്കാൻ ഒരു കൊതി.

പക്ഷെ ഇനി ഇനി എന്താണ് മുന്നോട്ട് എത്ര കാലം ഇവിടെ പിടിച്ചു നിൽക്കും. വീട്ടിലേക് പോയാലോ പക്ഷെ അച്ഛനും അമ്മയും. മകളുടെ വിവാഹം കഴിഞ്ഞതിന്റെ ആശ്വാസത്തിൽ കണ്ണ് അടക്കുന്ന ആ പാവങ്ങളുടെ സമാധാനം കൂടെ ഇല്ലാതെ ആകും എന്ന് ഓർത്തപ്പോൾ അവൾ ആ ആഗ്രഹം അടക്കി നിർത്തി.

മോൾ ഒന്ന് കിടന്നോ ഇതെല്ലാം ഞാൻ അഴിച്ചു തരാം. സംഭവിക്കാൻ ഉള്ളത് എല്ലാം സംഭവിച് പോയി മോളെ ഇനി മുന്നോട്ട് ഉള്ള കാര്യം ചിന്തിക്കാം. നാളെ അമ്മ അവനോട് ഒന്ന് സംസാരിക്കാം. ഞാൻ പറഞ്ഞാൽ അവന് എല്ലാം മനസിലാവും.

അതിനവൾ വെറുതെ ഒന്ന് മൂളി ഒന്നും നടക്കാൻ പോവുന്നില്ല എന്ന് അവൾക് നല്ലത് പോലെ അറിയാമായിരുന്നു. അവന്റെ കണ്ണിൽ ഇന്ന് കണ്ട വെറുപ്പ് അതൊരു ആയുഷ്കാലം മുഴുവൻ കഴിഞ്ഞാലും അവനിൽ ഉണ്ടാവും പോലെ.

ആഭരണങ്ങൾ എല്ലാം അഴിച്ചു തന്നപ്പോൾ അവൾക്ക് വല്ലാത്തൊരു ആശ്വാസം തോന്നി.

മോൾ ഒന്നു കിടന്നു ഉറങ്ങിക്കോ ഞാൻ വിളിക്കാം.

മം മൂളുക മാത്രം ചെയ്തു അവൾ അവരും അവളോട് കൂടുതൽ ഒന്നും പറയാൻ പോയില്ല അല്ലെങ്കിൽ തന്നെ അവളോട് എന്ത് പറയാൻ ആണ്. ഒരു തെറ്റും അവൾ ചെയ്തിട്ടില്ലല്ലോ ആ അവളോട് എന്ത് പറയാൻ. പറയാൻ ഉള്ളത് എല്ലാം തന്റെ മകനോട് അല്ലെ പക്ഷെ തന്നെ പോലും അവൻ വക വെക്കില്ല. തന്നെ എന്ന് അല്ല ഈ ലോകത്ത് അവൻ ആരെയും പേടിയില്ല. ഇനി എന്ത് ചെയ്യും എന്ന് അറിയാതെ അവർ ഹാളിൽ ആയി കാത്തു നിൽക്കുന്നവർക് അടുത്തേക് ചെന്നു.

ആ കുട്ടി കിടന്നോ

മം കിടന്നു അമ്മേ ഒരു പ്രശ്നം ഉണ്ട് ശേഷം അവൾ പറഞ്ഞ കാര്യങ്ങൾ എല്ലാം അവർ തുറന്നു പറഞ്ഞു.

എല്ലാം കേട്ട് കഴിഞ്ഞു അവർ നെഞ്ച്ൽ ആയി കൈ വെച്ചു.

എന്റെ ദേവി എന്തൊക്കെ ആണ് ഈ കുടുംബത്തിൽ നടക്കുന്നത്. എന്തൊക്കെ കാണണം ഞാൻ. അവർ തലക്ക് കൈ കൊടുത്തു പോയി. ഇതെല്ലാം എങ്ങനെ പരിഹരിക്കും എന്ന് അവർക്ക് മനസിലായില്ല. ചുറ്റും ശൂന്യത മാത്രം.

എന്നാൽ ഉറക്കം പോലും വരാതെ ആ വലിയ റൂമിലെ വിശാലമായ ബെഡിൽ കിടക്കുകയാണ് അവൾ. മനസ് മുഴുവൻ മറ്റെവിടെയോ ആണ്.

🩷🩷🩷🩷🩷🩷🩷🩷🩷🩷🩷🩷🩷🩷🩷

ബാക്കി നാളെ 😌😘
മത്സരത്തിൽ ഉള്ള കഥയാണ്. എല്ലാവരും വായിച്ചു സപ്പോർട്ട് ചെയ്യുക.ഫ്രണ്ട്സിന് എല്ലാം ഷെയർ ചെയ്യൂ 😘