തിരിച്ചെടുപ്പ് 😘

0️⃣1️⃣




ഉമമഹേശ്വരി കം ടു മൈ ഓഫീസ്.......


പുറകിൽ  പ്രിൻസിപ്പാളിൻ്റെ ശബ്ദം....
അടിപൊളി....
അപ്പൊ ഇന്നത്തെ കാര്യത്തിൽ ഒരു തീരുമാനമായി...
കയ്യിലുണ്ടായിരുന്ന കരിങ്കല്ലിൻ്റെ ചെറിയ കഷ്ണം താഴേക്കിട്ടു...
ഇനി അതും കൂടി കണ്ടിട്ട് വേണം...

എന്താ സംഭവമെന്നല്ലേ.....
പറയാം....
വിശദമായി തന്നെ പറയാം...

കുറച്ച് മാറി നെറ്റിയും പൊത്തി പിടിച്ചു നിൽക്കണവനെ കണ്ടില്ലേ....
അവൻ്റെ പേരാണ് ധ്രുവ്....
ഇതേ ക്ലാസിലൊന്നുമല്ല....
But എൻ്റെ ബാച്ചിലാണ്...
10 G...
അവന് എന്നെ കാണുമ്പോൾ അപ്പോ ഉമ്മ ചോദിക്കണം ....
എന്താ ചെയ്യാലെ.....
അതുകൊണ്ട് ഇന്ന് ഒന്ന് കൊടുത്തു...
നല്ല കരിങ്കല്ലിന്റെ ഉറപ്പുള്ള ഒരെണ്ണം ....
നെറ്റിയിൽ തന്നെ....
എനിക്ക് ഇത്രക്കും ഉന്നമുണ്ടെന്ന് ഞാൻ തന്നെ ഇന്നാണ് അറിഞ്ഞത് ....
നെല്ലിക്കാ വലിപ്പത്തിൽ വീർത്തു വന്നിട്ടുണ്ട്....

ഒരെണ്ണം കൂടി കൊടുക്കാമെന്ന് വെച്ചപ്പോഴാണ് ആ അശിരീരി കേട്ടത്...
ഹാ.....
പോയപ്പോ ആർക്ക് പോയി .....
അവന് പോയി...
അല്ല പിന്നെ....

ഇനിയിപ്പോ പുള്ളിക്കാരിയുടെ മുൻപിൽ തല വച്ച് കൊടുക്കണം ...
അവിടെന്ന് എന്ത് വരുമെന്ന് കൃത്യമായി അറിയാം.....
എന്നാലും പോയി കേൾക്കണം..

കൃത്യമായ ഇടവേളകളിൽ അത് പറഞ്ഞില്ലെങ്കിൽ പുള്ളിക്കാരിക്കും കേട്ടില്ലെങ്കിൽ എനിക്കും ഒരു ഇതുണ്ടാവില്ല....
എന്തെങ്കിലുമാവട്ടേന്ന് വച്ച് തിരിഞ്ഞപ്പോൾ ദേ നിക്കുന്നു അടുത്ത കുരിശ്.....

ഉണ്ണിമോള്....
ആറാം ക്ലാസ്സിൽ ആയൊള്ളൂവെങ്കിലും എന്നെ ഭരിക്കുന്നതിൽ ഒരു കുറവുമില്ല....
അവൾടെ തുറിപ്പിച്ചുള്ള നോട്ടം കണ്ടാലേ അറിയാം
ഇന്നത്തെ ഒരൊറ്റ സീൻ വച്ച് ഒരു സിനിമക്കുള്ള കഥ വീട്ടിൽ പറയും ...
ഉറപ്പ്....
അല്ലെങ്കിലും ഇതൊന്നും നമുക്ക് വിഷയമുള്ള കേസല്ല.....

ഇതിലും വലുത് വന്നിട്ട് കുലുങ്ങിയില്ല അപ്പോഴാ.....

അപ്പൊ ബാക്കി സീൻ പ്രിൻസീടെ റൂമിൽ...




_________________________________________♥️




What is this ഉമ.....

താനുണ്ടാക്കുന്ന പ്രശ്നങ്ങൾ തീർക്കാനേ എനിക്ക് സമയമുള്ളൂ.....
തൻ്റെ ബ്രദറും കസിനുമൊക്കെ എന്ത് നല്ല കുട്ടികളായിരുന്നു....

അവരുടെ പേര് നല്ല കാര്യത്തിനല്ലാതെ കേട്ടിട്ടേയില്ല......
തൻ്റെയോ.....
ഉത്തര പോലും എന്ത് നന്നായിട്ടാ ബിഹേവ് ചെയ്യുന്നേ.....


ഈ കഥാപ്രംഗം ഞാൻ പ്രതീക്ഷിച്ചതാണ്....
പക്ഷേ ....
ഉണ്ണിമോളെ വച്ച് വരെ എന്നെ കമ്പയർ ചെയ്യുന്നു...
അവളെ ഇനിയിയും വളരാനനുവദിച്ചുകൂടാ....

നോക്ക് മാഷേ ഇത്രയും പറഞ്ഞിട്ടും ഒരു കുലുക്കവുമില്ല....

അതേത് മാഷ് എന്നാണോ.....??
കൂടുതൽ ചിന്തിക്കാൻ നിക്കണ്ട...

എൻ്റെ പ്രൊഡ്യൂസർ തന്നെ....
അപ്പുറത്തെ പ്ലസ് ടൂ ബ്ലോക്കിലാണ്...
കണക്ക് മാഷ്....
അച്ഛൻ്റെ സ്കൂളിൽ തന്നെ പഠിപ്പിക്കുന്നതിൽ ആകെയുള്ള മെച്ചം ഇതാണ്....

ഇങ്ങനെ വിളിപ്പിക്കുമ്പോ ഓടി വരാലോ....
ഏത്......

അച്ഛൻ വന്ന സ്ഥിതിക്ക് ഒന്നും പേടിക്കാനില്ല...
ആള് കൈകാര്യം ചെയ്തോളും....

അച്ഛന് പിന്നെ ഇതൊന്നും പുത്തരിയല്ല...
ഞാൻ കാരണം ഇങ്ങനെ നിന്ന് ശീലം ഉള്ളതുകൊണ്ട് മൂപ്പരധികം ചാക്കോ മാഷ് കളിക്കാൻ നിക്കാറില്ല....

അതിന് അച്ഛൻ്റെ ക്ലാസ്സിലെ ചിലർക്കെങ്കിലും എന്നോട് നന്ദിയുണ്ട്....

എന്തോന്നാടി....
ആഴ്ചയിൽ ഒരു ദിവസമെങ്കിലും എന്നെ അവരുടെ മുന്നിൽ നിർത്താതെ നിനക്ക് സമാധാനം കിട്ടില്ലല്ലേ.....??
ഇന്നെന്തായിരുന്നു.....???
സ്ഥിരം കാരണമാണെങ്കിൽ പറയണമെന്നില്ല....

അച്ഛൻ്റെ ചോദ്യം ന്യായമാണ്...
ഇന്നെന്നല്ല ഉമാമഹേശ്വരി ഇന്നുവരെ ഉണ്ടാക്കിയിട്ടുള്ള എല്ലാ അടിക്കും ഒരൊറ്റ കാരണമേയുള്ളൂ....

ആ കാരണത്തിന് വർഷങ്ങളുടെ പഴക്കമുണ്ട് താനും .....

എന്താണെന്നല്ലേ.....
ഒരിക്കൽ പറഞ്ഞതാണ്...
എന്നാലും ഒന്നൂടെ പറയാം.....

പണ്ട്...പണ്ട്......
ഒരു പന്ത്രണ്ട് കൊല്ലം പുറകിലത്തെ ഒരു കല്യാണ മണ്ഡപമാണ് ലോക്കേഷൻ....

2005 സെപ്റ്റംബർ നാലാം തിയതി...
എൻ്റെ ചെറിയച്ചൻ....
നന്ദകുമാർ....
Mr. മുല്ലക്കൽ ഗോവിന്ദൻ അവറുകളുടെയും
Mrs.കല്യാണി അവറുകളുടെയും സെക്കൻ്റ് ആൻഡ് ഓഫ്കോഴ്‌സ് ലാസ്റ്റ് ബോൺ....
ജസ്റ്റ് ലൈക്ക് മീ...
സില്ലി ബോയ്😇


അപ്പോ പറഞ്ഞുവന്നത് പുള്ളിടെ കല്യാണം ....

ഞാനും ഏട്ടനും എന്നുവേണ്ട കല്യാണത്തിന് വന്ന സകലമാന കുട്ടിപട്ടാളങ്ങളും സ്റ്റേജിലുണ്ട്...

താലി കെട്ടി കഴിഞ്ഞതും മൂപ്പര് പണിപറ്റിച്ചു...

സംഗതി ഇപ്പൊ അതൊരു ട്രെൻഡ് ആണെങ്കിലും  അന്ന് അത് കുറച്ച് ഔട്ട്  ഓഫ് ദി ബോക്സായിരുന്നു...

വേറൊന്നുമല്ല ആള് താലികെട്ടി കഴിഞ്ഞ് ചെറിയമ്മുടെ കവിളിലൊരു മുത്തം കൊടുത്തു...

സദസ്സിൽ മൊത്തം ചിരിപടരുന്നു ....
സ്റ്റേജിൽ നിന്ന പലരും നാണം കൊണ്ട് മുഖം പൊത്തുന്നു...
അങ്ങനെ മൊത്തം ഒരോളം...
എനിക്കും മൊത്തത്തിൽ വൈബഡിച്ചു...

എൻ്റെ തൊട്ടടുത്ത് നിന്നവൻ്റെ ഷർട്ടിൽ പിടിച്ച് കാലുയർത്തി മുഖം കൊണ്ട് ചെന്നതും അവൻ ചുണ്ടുക്കൂർപ്പിച്ച് മുഖം താഴ്ത്തി ...

എന്തിന് പറയുന്നു ...
കവിളിൽ ഉമ്മ വക്കാൻ പോയ ഞാൻ അവൻ്റെ ചുണ്ടിൽ മുത്തി.....!!!!

അങ്ങനെ അറിവില്ലാ പ്രായത്തിൽ എൻ്റെ ഫസ്റ്റ് കിസ്സ് കഴിഞ്ച് പോച്ച്....


സോറി.... ഞാൻ വിഷയത്തിൽ നിന്ന് തെന്നി മാറിപ്പോയി....

അങ്ങനെ .....
അന്നുമുതൽ എൻ്റെ കഷ്ടകാലം തുടങ്ങി പറയാം....



അതിൻ്റെ ഒന്നാമത്തെ കാരണം....

നമ്മുടെ സൈഡിലെ വീഡിയോഗ്രാഫർ ചെറിയച്ചൻ്റെ ഉറ്റ മിത്രം...
തൊട്ടുമുന്നിലെ വീട്ടിൽ താമസിക്കുന്ന സുമേഷ് മാമൻ...
നല്ല വൃത്തിയായി ആ വിഷ്വൽസ് പകർത്തി എന്നുള്ളതാണ്...
ഇപ്പോഴും ഒരു സ്മാരകം കണക്കെ അതിങ്ങനെ കിടന്ന് കറങ്ങുന്നുണ്ട്...


പ്രധാന പ്രശ്നം അതൊന്നുമല്ല ...
അഞ്ചുവയസിൻ്റെ വ്യത്യാസം ഉണ്ടെങ്കിലും സ്കൂൾ പ്ലസ് ടൂ വരെ ഉള്ളതായത് കൊണ്ട് ഏട്ടനും മഹി മോനും ഇവിടെ ഉണ്ടായിരുന്നു.....

ബ്ലഡ്ഡി ഫുൾസ് എൻ്റെ ഉമ്മ കഥ ഇവിടെ മുഴുവൻ പാട്ടക്കി.....

ഉമ എന്ന എൻ്റെ പേര് അങ്ങനെ രൂപാന്തരം പ്രാപിച്ച് ഉമ്മയായി.....

അങ്ങനെ അതും പറഞ്ഞ് എന്നെ കളിയാക്കാൻ വരുന്നവന്മാർക്ക് ഞാൻ നല്ലത് കൊടുക്കും ...
അതെങ്ങനെ പോയാലും കറങ്ങി തിരിഞ്ഞ് എല്ലാവരും അറിയും ...
ഞാനും അച്ഛനും ഇടയ്ക്കിടക്ക് പ്രിൻസിപ്പാളിനെ കണ്ട് വിശേഷം തിരക്കി തിരിച്ച് പോവും....


_________________________________________♥️




അതൊന്ന് കാണണ്ടതായിരുന്നു വല്യമ്മേ....

ഇച്ചേച്ചി ഓടിവന്ന് കല്ല് പെറുക്കി ഒറ്റ ഏറാ...
നേരെ ആ ചെക്കനെ നെറ്റിയിൽ....
എൻ്റെ ഗീതമ്മേ ...
ആ ചേട്ടൻ്റെ നെറ്റിയൊന്ന് കാണണം ...
നെല്ലിക്കാ വലിപ്പത്തിലാ വീർത്തുവന്നത്...



ഞാൻ പറഞ്ഞില്ലേ.....
ഇതാണ് ഇവളെ കൊണ്ടുള്ള ശല്യം...
ഇത്ര നേരം എൻ്റെ സൈക്കിളിൻ്റെ പുറകിലിരുത്തി ഞാൻ കൊണ്ടുവന്നതിൻ്റെ വല്ല നന്ദിയുമുണ്ടോന്ന് നോക്കിയേ...
സൈക്കിൾ ഒതുക്കി വക്കുന്ന നേരംകൊണ്ട് അവള് കഥ പറയാൻ തുടങ്ങി....

ഏതോ സിനിമാ കഥ കേൾക്കാൻ ഇരിക്കുന്നപോലെ ആകാംക്ഷയിൽ ഇരിക്കുന്നുണ്ട് ....
മൂന്ന് അമ്മമാരും...

അതാരാ മൂന്ന് പേരെന്നല്ലേ....

ഒന്ന് എൻ്റെ മാതാശ്രീ....
എന്നെ കയ്യിൽ കിട്ടാൻ കാത്തിരിക്കുവാ.....
പിന്നൊന്ന് അവളുടെ മാതശ്രീ...
എൻ്റെ സകലമാന പ്രശ്നങ്ങളുടെയും മൂല കാരണം...
നമ്മുടെ ഉമ്മ കഥയിലെ നായിക...
ആ ഒരു കുറ്റബോധം ഉള്ളത് കൊണ്ട് ആളെന്നെ അങ്ങനെ ചൊയാറില്ല .....
മൂന്നാമത്തെ ആളാണ് ഞങ്ങടെ ഗീതമ്മ...

ചെറിയമ്മയുടെ ചേച്ചിയാണ്...
അച്ഛൻ്റെ സുഹൃത്തിൻ്റെ ഭാര്യയാണ്...
നമ്മുടെ തൊട്ടപ്പുറത്തെ വീട്ടിലാണ് അവരുടെ താമസം...

വേറൊന്ന് കൂടിയുണ്ട്....
അത് വഴിയേ പറയാം ..എന്തായാലും ഞാൻ നോക്കിയിട്ട്  ആ ഒരു കുറവേ പുള്ളിക്കാരിക്കുള്ളൂ....

ഇതൊന്നും പോരാതെ വേറൊരൈറ്റമുണ്ട്..
അച്ഛമ്മ..
തറവാട്ടിലാണെന്ന് തോന്നുന്നു ...
അത് ഭാഗ്യമായി...
അവരെ നോക്കാതെ നേരെ റൂമിലേക്ക് നടന്നു...


മാളു!!!

ഓഹ്....
പെട്ട്....
ഇനി അമ്മേടെ വക...

അച്ഛനെ ഇനിയും നാണം കെടുത്തി മതിയായില്ലേ...
നിനക്ക്...???

ഒന്നും പറയാനില്ല ....
തലയും കുനിച്ച് നിന്നു...
സത്യത്തിൽ അച്ഛൻ അങ്ങനെ വന്ന് നിൽക്കുന്നതിൽ എനിക്കും വിഷമമുണ്ട്...
പക്ഷേ....


ഞാൻ അതൊക്കെ എൻജോയ്  ചെയ്യുവാണ് വീണേ...
നീ അതിൻ്റെ പേരിൽ അവളെ ചീത്ത പറയണ്ട...


വേണ്ട പറയണ്ട...
അവളെന്തെങ്കിലും കാണിക്കട്ടെ...
അല്ലെങ്കിലും ഈ പെണ്ണിനെ വഷളാക്കുന്നത് നിങ്ങളൊറ്റ ഒരുത്തനാ....


ങ്ആ.....
വിഷയം ഡീവിയേറ്റ് ചെയ്യുന്നുണ്ട് ....
ഇനി അവരായി അവരുടെ പാടായി....
നമ്മളില്ലേ......


അച്ഛനും അമ്മയും തമ്മിലൊരു അഭിപ്രായ വ്യത്യാസം എൻ്റെ പേരിൽ മാത്രമാണ് ...
അതിലെനിക്ക് വിഷമമൊന്നുമില്ല...
എപ്പോഴും ഒരുപോലെ ഇരിക്കാൻ പറ്റോ....
ഇടക്കൊക്കെ ഒരു പൊട്ടലും ചീറ്റലും വേണം....


നേരെ മുകളിലാണ് എൻ്റെ മുറി...
അതിൻ്റെ ഓപ്പോസിറ്റ് ചേട്ടൻ്റേയും......
രണ്ടുപേർക്കും കൂടി ഒരു കോമൺ ബൽകണി...
ഇവിടെനിന്ന് നോക്കിയാൽ നേരെ മഹി മോൻ്റെ മുറിയും ബൽക്കണിയും കാണാം...
അവിടെ മോളിൽ ഒറ്റ മുറിയേ ഉള്ളൂ...

രണ്ടു വീടിൻ്റെയും ഇടയിൽ ഒരു മുത്തശ്ശി മാവുണ്ട്...
അത് രണ്ട് ബാൽക്കണിയെയും കണക്ട് ചെയ്യുന്നതാണ്...
ഈ വനരന്മാരുടെ സ്ഥിരം റൂട്ടാണ് പ്രത്യേകിച്ച് വെള്ളമടിക്കുന്ന ദിവസങ്ങളിൽ...
ആരും അറിയരുതല്ലോ....

ഇതുപോലെ തന്മയത്വത്തോടെ പെരുമാറുന്ന പിള്ളേര് ഈ നാട്ടിൽ ഇല്ലെന്നാണ് നാട്ടുകാരുടെ പൊതു അഭിപ്രായം...
പോരേ.....
എന്നെ കുറിച്ചും പറയും അത് ഞാൻ പറയണ്ടല്ലോ...
എന്തിനാ വെറുതെ ഞാൻ എന്നെ ട്രോളുന്നത്..

ഹാ...അതുവിട് ....
അപ്പോ പറഞ്ഞു വന്നത് മുത്തശ്ശി മാവ്..
എന്നെ അതിൻ്റെ പരിസരത്ത് അടുപ്പിക്കില്ല
ആ ദുഷ്ടന്മാർ....
അതിൻ്റെ കൂടിയേ കുറവുള്ളൂന്ന്....

ഒരു ദിവസം ഞാൻ കേറും...
ആക്ച്വലി ഇതെൻ്റെ ബക്കറ്റ് ലിസ്റ്റാണ്....


ഒരു ഉമ്മ തരോ ഉമകുട്ടി....

ഇതേതാ ഈ അപശബ്ദം എന്നല്ലേ....
ഒന്നും പേടിക്കാനില്ല അതാ അങ്ങോട്ട് നോക്കൂ...
എൻ്റെ റൂമിൻ്റെ വാതിലിൽ ചാരി ദേ നിൽക്കുന്നു എൻ്റെ ഉമ്മ കഥയിലെ നായകൻ
മഹേശ്വർ വിശ്വനാഥ് തിരുമങ്കലത്ത്....!!!




തുടർച്ചയുണ്ട്😘