ആ ദിനങ്ങൾ🔥 1

ഇവിടെ കഥാനായിക തന്റെ ഒൻപത് വർഷങ്ങൾക്ക് മുമ്പുള്ള ഒരു ജീവിതാനുഭവം ആണ് കുറിക്കുന്നത്.ഏറെ കാലം കഴിഞ്ഞാലും ചിലതെല്ലാം മനസിൽ അങ്ങിനെ മായാതെ തന്നെ കിടക്കുമല്ലോ. ചിലപ്പോൾ ആ ഓർമ്മകളിലൂടെ ആയിരിക്കും പിന്നീടുള്ള ജീവിതം പോലും. നൊമ്പരവും ചെറുപുഞ്ചിരിയും നൽകുന്ന കുറെ ഓർമ്മകൾ.


ചെറുപ്പത്തിൽ അമ്മയും അച്ഛനും നഷ്ടമായി അമ്മാവന്റെ വീട്ടിൽ നിന്നുകൊണ്ട് പഠിക്കേണ്ടി വന്ന എനിക്ക് ഒരുപാട് സ്വപ്നങ്ങൾ ഒന്നും കാണാൻ യോഗ്യത ഇല്ലായിരുന്നു എന്ന് അമ്മായിയുടെ പെരുമാറ്റത്തിൽ നിന്നും ഞാൻ മനസിലാക്കിയിരുന്നു.

എന്റെ പേര് പാർവതി.ഇരുപത് വയസ് കഴിഞ്ഞ് വിവാഹം. അത് കഴിഞ്ഞ് എം. എ ഇംഗ്ലീഷ് ലിറ്ററേച്ചറിൽ ബിരുദാനന്തര ബിരുദവും എടുത്ത് തത്കാലം ഞാനൊരു ബാങ്കിൽ ജീവനക്കാരിയായി കയറികൂടി. എന്നാൽ ഈ ജോലിതന്നെയാണ് എനിക്ക് ഏറ്റവും ഇണങ്ങുന്നതെന്ന് ഞാൻ അതിവേഗം തിരിച്ചറിഞ്ഞു. നല്ല ഓഫീസ്.

എന്റെ ഭർത്താവ് വിദേശത്താണ്. മനു. സ്നേഹിക്കാൻ മാത്രം അറിയുന്ന ഭർത്താവ്. തമാശക്ക് പോലും ഒന്ന് പിണങ്ങാൻ ഞങ്ങൾ ശ്രമിക്കാറില്ല. വിവാഹം കഴിഞ്ഞ് ഒരു മകൾ ജനിച്ചു. അവൾക്കിപ്പോൾ പ്രായം പത്തുവയസ് കഴിഞ്ഞു. അഞ്ചാം ക്ലാസിൽ പഠിക്കുന്നു. മനുവേട്ടൻ നാട്ടിൽ വരുമ്പോൾ എല്ലാം വീട്ടിൽ ഉത്സവമായിരുന്നു. മനുവേട്ടനെ സ്നേഹിച്ചുകൊണ്ട്  അനുസരിച്ചുകൊണ്ട് ജീവിക്കാൻ ഞാനും ഇഷ്ടപ്പെട്ടിരുന്നു. ദേഹം മുഴുവൻ ചുംബിച്ചുകൊണ്ട് മനവും തനുവും ആർദ്രമാക്കുന്ന ഇണയെ കിട്ടുന്നത് ഭാഗ്യം തന്നെയല്ലേ?ബാങ്കിൽ നിന്ന് വീട്ടിലേക്ക് അധികദൂരമില്ല. എന്നും പോയി വരാവുന്നതേ ഉള്ളു. വീട്ടിൽ ഞാനും മനുവേട്ടന്റെ ഏട്ടത്തിയും മോളും മാത്രം. വല്ലപ്പോഴും എന്തെങ്കിലും കാര്യങ്ങൾ ക്ഷണിക്കാൻ മാത്രം എന്റെ അമ്മാവൻ വീട്ടിൽ വരും. വയസ് നാല്പതായിട്ടും മനുവേട്ടന്റെ ഏട്ടത്തിയുടെ വിവഹം കഴിഞ്ഞിട്ടില്ല.ചൊവ്വാദോഷം ഇവിടെയും കയറി വന്നു. വൈധവ്യദോഷം ഉച്ചിയിൽ ആണത്രേ.

സാമ്പത്തികമായി മോശമല്ലാത്ത സ്വത്തുവകകൾ ഉള്ളതുകൊണ്ടും ബന്ധങ്ങൾക്ക് വിലകൽപ്പിക്കുന്ന കുടുംബമായാതുകൊണ്ടും ഏട്ടത്തിയുടെ ദുഃഖം ആരും പുറമേക്ക് കണ്ടില്ല.അഥവാ ഏട്ടത്തി കാണിച്ചില്ല.

എന്നാൽ സുന്ദരമായി പോകുന്ന ഞങ്ങളുടെ ജീവിതത്തിൽ കുറച്ച് മാറ്റങ്ങൾ ഉണ്ടാകുന്നത് എനിക്ക് അപ്രതീക്ഷിതമായി വന്ന ഒരു ട്രാൻസ്ഫർ വഴിയായിരുന്നു. ആ ട്രാൻസ്ഫർ എല്ലാം മാറ്റിമറിച്ചു. പലരെയും ഞാൻ മനസിലാക്കാൻ തുടങ്ങിയതും ആ നിമിഷം മുതലാണ്.

(തുടരും)
(മറ്റുകഥകളും വായിക്കുമല്ലോ ❤️🥰)