സൈക്കോയുടെ പ്രണയം0️⃣1️⃣

കോളേജ് വിദ്യാർത്ഥിയുടെ കൈ വെട്ടി മാറ്റി റോഡരികിൽ ഉപേക്ഷിച്ച നിലയിൽ.

പത്ര വാർത്ത വായിച്ച ദേവനന്ദ ഞെട്ടി തരിച്ചു... അവളുടെ ചിന്ത ഇന്നലത്തെ ദിവസത്തിലേക്ക് പോയി.

കോളേജ് കഴിഞ്ഞു വീട്ടിലോട്ട് നടന്നു വരുന്ന വഴിയാണ് ഒരു ചെറുപ്പക്കാരൻ ബൈക്ക് മുമ്പിൽ കൊണ്ട് നിർത്തിയത്... അവൾ ഞെട്ടി പിന്നോട്ട് മാറി.

ഹെൽമെറ്റ്‌ മാറ്റിയപ്പോൾ അവന്റെ മുഖം കണ്ടു അവൾ ഭയം കൊണ്ട് വിറച്ചു...അവളുടെ പുറകിൽ കുറേ നാൾ ശല്യം ചെയ്തു കൊണ്ട് നടന്ന അരുൺ ആയിരുന്നു അത്...അവൾ ചുറ്റിലും ആരെങ്കിലും ഉണ്ടോന്ന് നോക്കി... അങ്ങകലെ പാർക്ക്‌ ചെയ്തിട്ട ഒരു കാറല്ലാതെ അവിടെ വേറെ ആൾക്കാർ ആരുമില്ലായിരുന്നു.

എ... എന്താ
അവൾ വിറച്ചു വിറച്ചു ചോദിച്ചു.

നല്ല രസമുണ്ട് പേടിച്ചു വിറച്ചുള്ള നിന്റെ ഈ നിൽപ്പ് കാണാൻ....കാണുമ്പോഴേ കടിച്ചു തിന്നാൻ തോന്നുവാ
അവൻ ഒരു വഷളൻ ചിരിയോടെ അവളെ ആകെമൊത്തം നോക്കി പറഞ്ഞു.

അവൾ വെറുപ്പോടെ മുഖം തിരിച്ചു  അവനെ മറി കടന്നു മുൻപോട്ട് പോകാൻ തുടങ്ങിയതും അവൻ അവളുടെ കയ്യിൽ കയറി പിടിച്ചു.

ഹാ അങ്ങനെ അങ്ങ് പോകാതെ... കുറച്ചു മാസങ്ങളായി ഞാൻ നിന്റെ പുറകെ ഇങ്ങനെ നടക്കുവല്ലേ... ഇന്നെങ്കിലും ഒരു മറുപടി താ.

അവൾ അവന്റെ കൈകൾ വിടുവിക്കാൻ ശ്രമിക്കും തോറും അവൻ പിടി മുറുക്കി കൊണ്ടിരുന്നു... അവളുടെ കയ്യിലെ കുപ്പി വളകൾ പൊട്ടി കയ്യിൽ നിന്ന് ചോര ഒലിച്ചിറങ്ങി...അവളുടെ കണ്ണുകൾ നിറഞ്ഞു.

പ്ലീസ് വിട്... കൈ...വേ.. വേദനിക്കുന്നു
അവൾ കരച്ചിലടക്കി പറഞ്ഞു.

നീ മറുപടി താ

എനിക്കിഷ്ടമല്ല
അവൾ ധൈര്യം സംഭരിച്ചു പറഞ്ഞു.

നീ ഇഷ്ടപ്പെടണം എന്ന് എനിക്ക് നിർബന്ധമില്ല ... ഒരു രാത്രിയിലേക്ക്‌ നീ ഒന്ന് വഴങ്ങി തന്നാലും മതി... അത്രയ്ക്ക് നിന്നെ എനിക്കിഷ്ടപ്പെട്ടു.

അവന്റെ വാക്കുകൾ കേൾക്കും തോറും അവളുടെ ദേഹത്ത് പുഴു അരിക്കുന്നത് പോലെ തോന്നി.... പെട്ടെന്ന് പിന്നിൽ ഒരു കാറിന്റെ ഹോൺ കേട്ടതും അവൻ തിരിഞ്ഞു നോക്കിയ നിമിഷം അവൾ അവന്റെ കെ വിടുവിച്ചു അവിടുന്നു കരഞ്ഞു കൊണ്ട് ഓടി പോയി.

മോളെ എന്തെടുക്കുവാ... കോളേജിൽ പോകാൻ റെഡി ആകുന്നില്ലേ
അച്ഛന്റെ വിളിയിലാണ് അവൾ ഇന്നലത്തെ ദിവസത്തെ ഓർമയിൽ നിന്നും തിരിച്ചെത്തിയത്.

റെഡി ആകാൻ പോകുവാ അച്ഛാ
അതും പറഞ്ഞു അവൾ റൂമിലേക്ക് പോയി.

മോഹനന്റെയും കീർത്തനയുടയും ഒരേ ഒരു മകൾ ആണ് ദേവനന്ദ മോഹനൻ. ആരു കണ്ടാലും മോഹിച്ചു പോകുന്ന തരത്തിലുള്ള സർപ്പ സൗന്ദര്യം ആണ് ദേവനന്ദയ്ക്ക്... AV കോളേജിലെ ഒന്നാം വർഷ B. Com സ്റ്റുഡന്റ് ആണ് നന്ദ.മോഹനന്റെയും കീർത്തനയുടെയും ലവ് മാര്യേജ് ആയിരുന്നു... അത് കൊണ്ട് തന്നെ അവർക്ക് പറയത്തക്ക ബന്ധുക്കൾ ആരുമില്ല...നന്ദയെ പ്രസവിച്ചപ്പോൾ തന്നെ കീർത്തന ബ്ലീഡിങ് കൂടി മരണപെട്ടു... വേറെ ഒരു വിവാഹം ജീവിതം തിരഞ്ഞെടുക്കാതെ തന്റെ മകൾക്ക് വേണ്ടി ജീവിക്കുന്നയാളാണ് മോഹനൻ... കവലയിൽ ഒരു പലചരക്ക് കട നടത്തുകയാണു മോഹനൻ.

അവൾ പെട്ടന്ന് റെഡി ആയി അച്ഛനോട് യാത്ര പറഞ്ഞു കോളേജിലേക്ക് പോയി.

ബസ് സ്റ്റോപ്പിൽ എത്തിയപ്പോഴേ കണ്ടു  അവളുടെ ഫ്രണ്ട്‌ അമൃതയെ.

ഡീ നന്ദേ നീ ഇന്നത്തെ പാത്രം വായിച്ചോ

നന്ദ ഒന്ന് മൂളി

ഹാ എന്തായാലും അവന്റെ ശല്യം ഒഴിഞ്ഞു പോയല്ലോ

പാവം
അരുണിന്റെ അവസ്ഥ ഓർത്തു നന്ദ പറഞ്ഞു.

പാവമോ..അവനോ... എത്രെ പെൺകുട്ടികളുടെ ജീവിതം ആണ് അവൻ കാരണം തകർന്നിട്ടുള്ളതു... എന്തായാലും ഇനി അവൻറെ ശല്യം കാണില്ല... എന്നാലും ആരായായിരിക്കും അത് ചെയ്തത്.

നമ്മളെ ബാധിക്കുന്ന വിഷയം അല്ലല്ലോ അത്.

അമൃത ഒന്ന് മൂളി.

ബസ് വന്നപ്പോൾ അവർ അതിൽ കയറി. നന്ദ വിൻഡോ സീറ്റിൽ ആയി ഇരുന്നു... ആ ബസിന്റെ കൂടെ തന്നെ ഒരു കാറിൽ നന്ദയുടെ ഓരോ ഭാവങ്ങളും നോക്കി അവൻ ഡ്രൈവ് ചെയ്തു കൊണ്ടിരുന്നു... അവൾ കോളേജിൽ ഇറങ്ങി ഗേറ്റ് കടക്കുന്നത് വരെ അവന്റെ കണ്ണുകൾ അവളിൽ പതിഞ്ഞു കൊണ്ടിരുന്നു.



തുടരും

പുതിയ ഒരു കഥയാണ്...നിങ്ങളുടെ അഭിപ്രായങ്ങൾ അറിഞ്ഞു ഇതിന്റെ ബാക്കി എഴുതാം😊.