വിലക്കപ്പെട്ട താലി

Part 1


""ഇന്ന് മുതൽ നീയാ ഭ്രാന്തന്റെ വെപ്പാട്ടിയാണ്....

സാക്ഷാൽ ശിവമംഗലത്തെ  ആദി ഭൈരവന്റെ  വെപ്പാട്ടി.... ""

കാതുകളിൽ ഈയ്യം ഉരുക്കി ഒഴുകിയ നീറ്റലോടെ ആ പുച്ഛം നിറഞ്ഞ വാക്കുകൾ അവളിലേക്ക് ആഴ്ന്നിറങ്ങുമ്പോൾ ശരീരത്തിന് ഒരു മരവിപ്പ് മാത്രമേ തോന്നിയുള്ളു....


ഇവൾ ഉണ്ണിമായ....

ആരോരുമില്ലാത്ത ഒന്നൊന്നുമില്ലാത്ത ഒരു പാവം അനാഥ...

ഉണ്ണിയുടെ അമ്മ അവൾക്ക് അഞ്ച് വയസുള്ളപ്പോൾ നഷ്ടപ്പെട്ടതാണ്...

പിന്നെ വളർത്തിയത് മുഴുവൻ അച്ഛനും....

അധികം വൈകാതെയുള്ള രണ്ടാനമ്മയുടെ വരവോടെ അവളുടെ ദുരിതങ്ങളും ആരംഭിച്ചിരുന്നു....


കുത്തുവാക്കുകളും ദേഹോപദ്രവങ്ങളുമായി കടന്നു പോയ അവളുടെ കുട്ടികാലം...

കഴിഞ്ഞ ഒരു മാസം മുൻപായിരുന്നു ഉണ്ണിമായയുടെ അച്ഛന്റെ മരണം ..


അതോടെ വീട്ടിലെ ചിലവ് ഒറ്റക്ക് നോക്കാൻ കഴിയില്ലെന്ന് വഴക്കിട്ടു അവളുടെ പ്ലസ് ടു പഠിപ്പ് നിർത്തിച്ചു അവളുടെ രണ്ടാനമ്മ...


വീട്ടുജോലിക്കാണെന്നും പറഞ്ഞ് അവളെ വിശ്വസിപ്പിച്ചു അവർ അവളെ കൊണ്ട് പോകുമ്പോൾ ഒരിക്കലും കരുതിയില്ല ആ പാവം ....

അവൾ പോകുന്നത് ചതിയുടെ അനന്ത ഗർത്തത്തിലേക്കാണെന്ന്...

അവളെ ഒരു വേശ്യാലയത്തിൽ  ചെറിയമ്മ കൊണ്ട് വിറ്റെന്നും ഇനിയൊരിക്കലും ആ കുടുക്കിൽ നിന്നും രക്ഷപെടാൻ കഴിയില്ലെന്നും അവൾ തിരിച്ചറിഞ്ഞപ്പോഴേക്കും ഒരുപാട് വൈകിയിരുന്നു....


കുറേ കരഞ്ഞു... അലറി... പലതവണ രക്ഷപ്പെടാൻ ശ്രമിച്ചു...
എല്ലാത്തിനും പ്രതിഭലം   കുറേ മർദ്ദങ്ങളും ആട്ടും തുപ്പും മാത്രം...


"""നല്ല ഫ്രഷ് പീസാ സാറെ ....പതിനെട്ടു വയസ്സ് തികഞ്ഞതേയുള്ളൂ....
നല്ല കൽകണ്ടം തോറ്റു പോകുന്ന നെറവാ ...കണ്ടാ അറിയില്ലേ സാറേ ....ഇത് പോരാ ... ഇച്ചിരി കൂടെ കൂട്ടി തരണം സാറേ ....""


വേശ്യാലയത്തിലെ സ്ത്രീ ഉച്ചത്തിൽ ലേലം വിളിക്കുന്നത് ആ ഒറ്റ മുറിയുടെ ഇരുളറയിൽ നിന്നും ഉണ്ണി മായ വേദനയോട് കേട്ട് ഒന്നു മിണ്ടാൻ കൂടി കഴിയാതെ കണ്ണീർ വാർത്തു....


""" അവളെ  തൊടണ്ട ചെട്ടിയാരെ... അത്...ശിവമംഗലത്തെ  രാജശേഖരൻ തമ്പി പറഞ്ഞുറപ്പിച്ച  ഉരുപ്പടിയാ... ""


""അയ്യയ്യോ..... ഏതുക്ക് പത്മാ.. ഞാനെ ഇന്താ തേങ്കുടത്തെ എടുത്തുക്കുവേനെ.... ഉനക്ക് എത്തിനാ വേണോന്ന് മട്ടും സൊല്ല്... എനക്ക് വേണം ഇന്ത അഴക് റാണിയെ.... .""


മുറുക്കാൻ ചവർപ്പിനിടയിൽ ഒരു വഷളൻ ചിരിയോടെ തന്നിലേക്ക് നീളുന്ന ചെട്ടിയാറിന്റെ വിരലുകൾ അവിടെ പിടിച്ചു നിർത്തി കൊണ്ട് പുലമ്പുന്ന ആ സ്ത്രീ...

ആ നിമിഷം ഉണ്ണിമായ അറിഞ്ഞു...

"''അതേ ഞാൻ മറ്റൊരുവനിൽ വിൽക്കപ്പെട്ടു കഴിഞ്ഞിരിക്കുന്നു...""

പിറ്റേന്ന് രാവിലെ അവളെ തിരക്കി വന്ന മനുഷ്യൻ....

അറുപതോളം പ്രായം തോന്നിക്കുന്ന വെള്ള മുണ്ടും ഷർട്ടും ധരിച്ച കഷണ്ടി കേറിയ ഒരു മനുഷ്യൻ....


""""മ്മ്മ്മ്... വാ.... ""

തളർന്ന വീഴാറായ മനസ്സും ശരീരവും പേറി ഒരക്ഷരം പോലും ഉരിയാടാതെ അയാൾക്ക് പിന്നാലെ കാറിൽ കേറുമ്പോൾ ചുറ്റും ഒരായിരം  ചോദ്യങ്ങൾ അവൾക്ക് മുന്നിൽ കുമിഞ്ഞു കൂടിയിരുന്നു....

ഇനി എങ്ങോട്ട്...

ഇയാൾക്ക് വേണ്ടിയാണോ ഇനി ഞാൻ പാ വിരിക്കേണ്ടത്....

അതോ  ഇയാളെ തേടിയെത്തുന്ന കാട്ടു മൃഗങ്ങൾക്കോ....

എത്രനാൾ.... എത്രനാൾ ഞാൻ ഇങ്ങനെ വേശ്യയായി....


അവളുടെ നെഞ്ചിൽ ഞെരിപിരി കൊണ്ട ചോദ്യങ്ങൾക്കെല്ലാം ഉത്തരം  ആ  വലിയ തറവാടിന്റെ മുറ്റത്തേക്ക് കാർ ഇരച്ചു വന്നു നിന്ന നിമിഷം അവസാനിച്ചിരുന്നു....



"""മനസ്സിലായില്ലേ  എങ്ങനെയെങ്കിലും ആ ഭ്രാന്തന്റെ വട്ട് മാറണം അത്രേ ഉള്ളു ഞങ്ങൾക്ക് നിന്നെ കൊണ്ടുള്ള ആവശ്യം

നിന്നെ പോലുള്ള ഒരു പെഴച്ചവളെ തന്നെ ഈ കാര്യത്തിന് ഞാനിവിടെ കൊണ്ട് വന്നപ്പോൾ നിനക്ക് മനസ്സിലായി കാണുമല്ലോ ല്ലേ......""


കോവിലകത്തെ ഉമ്മറ പടിയിൽ  നാല് പേരടങ്ങുന്ന സധസ്സിന് മുന്നിൽ അയാൾ അവൾക്ക് നേരെ വിരൽ ചൂണ്ടി...


ഇത് രാജശേഖരൻ തമ്പി...

ശിവമംഗലം ആദി ഭൈരവൻ എന്ന കൊച്ചു തമ്പുരാന്റെ ഒരേയൊരു അമ്മാവൻ...

അയാളുടെ ഭാര്യ രേണുക...

മകൾ 24 വയസ്സുകാരി  ഗായത്രി...

ബാംഗ്ലൂരിലെ പഠിത്തം കഴിഞ്ഞ്  സ്വത്തിനു വേണ്ടി മാത്രം കൊച്ചു തമ്പുരാന്റെ വധുവാകാൻ കാത്തിരിക്കുന്നവൾ

മകൻ 28ക്കാരൻ ഗിരിധരൻ...

അച്ഛന്റെ  ഇത്തിൾ കണ്ണിയായി കടിച്ചു തൂങ്ങി സുഖിച്ചു കഴിയുന്നു ...

ഗിരിയുടെ വശ്യമായ നോട്ടത്തിന് മുഖം കൊടുക്കാതെ ഉണ്ണിമായ തന്റെ ഭാണ്ഡകെട്ടിനെ നെഞ്ചോട് ചേർത്ത് പേടിയോടെ നിന്നു ..


"""എന്റെ അനന്തരവൻ    ശിവമംഗലത്തെ കൊച്ചു തമ്പുരാൻ...
രണ്ട് വർഷായി കൊണ്ടു നടക്കുന്ന അവന്റെ ചിത്തഭ്രമം മാറാൻ...
ഇനിയൊരു സ്ത്രീ സാനിധ്യം കൊണ്ടേ സാധിക്കുള്ളു....
എന്നാ കാളിയാർ മഠത്തിലെ ശങ്കരവൈദ്യര് പറഞ്ഞേക്കുന്നേ....
അങ്ങനെയൊരു പെൺകുട്ടിക്കേ ഇനി അവനെ അടക്കാൻ കഴിയുള്ളു ത്രേ...
അതായത് എല്ലാ അർഥത്തിലും...
കുട്ടിക്ക് മനസ്സിലാകുന്നുണ്ടോ.... ""


മിഴികൾ പോലും ഉയർത്താൻ ശേഷിയില്ലാതെ ഉണ്ണിമായ തരിപ്പോടെ ഒന്നു തലയനക്കി....

അനുസരണയുള്ളൊരു നായയെ പോലെ


"" അവന്റെ ആവശ്യങ്ങൾ എല്ലാം ചെയ്ത് കൊടുക്കണം...ഒരു ഭാര്യയെ പോലെ രാവും പകലും കൂടെ നിന്ന് നോക്കണം...മരുന്നെല്ലാം കൃത്യായി കൊടുക്കണം... അറിയാല്ലോ രോഗം ചിത്തഭ്രമമാണ് അക്രമണ സ്വഭാവം ഉണ്ട് തമ്പ്രാൻ.... എല്ലാം കുട്ടി വേണം നോക്കീം കണ്ടും ചെയ്യാൻ...""


അയാൾ കടുത്ത ശബ്ദത്തോടെ അവളെ നോക്കി കണ്ണുരുട്ടി...

"""ഹാ...പിന്നൊരു കാര്യം കൂടി ... """

അയാളുടെ ഭാര്യ രേണുക മുന്നിലേക്ക് ഇരച്ചു വന്നു....


""അവന്റെ ഭ്രാന്ത്‌ മാറി കഴിഞ്ഞ....
പിന്നെ...
പിന്നെ ഒരു നിമിഷം പോലും...
നീയിവിടെ നിൽക്കരുത്....

അവന്റെ കൺ വെട്ടത്തു പോലും പെടാത്തത്ര ദൂരത്തേക്ക് എവിടേക്കെങ്കിലും ഓടി പൊക്കോണം നീ....
എങ്ങോട്ടെങ്കിലും....
അതിനുള്ള പണം ഒക്കെ ഞങ്ങൾ ഇവിടുന്ന് തന്നോളാം...
പറഞ്ഞത് മനസ്സിലായോ നിനക്ക്‌.... ""


അത്രയും പറഞ്ഞ് ഒരു ആക്രോഷത്തോടെ ചീറി ആ സ്ത്രീ അകത്തേക്ക് കുതിച്ചു കയറി...

അവർക്ക് പിന്നാലെ വെറുപ്പോടെ നോക്കി ഗായത്രി....
വഷളൻ ചിരിയോടെ താടി ഉഴിഞ്ഞു ഗിരിയും..

രാജശേഖരൻ അവളിലേക്ക് അടിമുടി നോക്കി ഒരു മൂളലോടെ പുറത്തെ ഇറങ്ങി....

ആ കോവിലകത്തെ  ഉമ്മറപടി മേൽ അവൾ മാത്രം തനിയെ....

കയ്യിൽ കരുതിയ കുഞ്ഞു ഭാണ്ഡകെട്ടും മുറുക്കി പിടിച്ച് .. അവൾ തനിയെ...

ഉണ്ണിക്ക് വല്ലാത്ത സങ്കടം തോന്നി...

ആർക്കും വേണ്ടാത്ത ഒരു വേശ്യയുടെ അവസ്ഥയായി താനും...

അവളുടെ പീലി തിങ്ങിയ മിഴികൾ അറിയാതെ നിറഞ്ഞു ....

അണപ്പൊട്ടി അവ വാർന്നൊഴുകാൻ വെമ്പി നിന്ന മിഴി നാളങ്ങളെ...
ഏങ്ങി പിടഞ്ഞു ഒരു പൊട്ടി കരച്ചിലോടെ അവൾ വാ പൊത്തി കിതച്ചതും ....

പെട്ടെന്ന്...

ആ വലിയ തറവാടിന്റെ ഉള്ളിൽ നിന്നും
ഒരു ആണിന്റെ കരച്ചിൽ ഉറക്കെ കേട്ടു ..

കോലോത്തെ ഉള്ളറകളിൽ നിന്നും അവളെ  തേടിയെത്തിയ ഭയപ്പെടുത്തുന്ന ഒരു അലർച്ച  ....


അത്രയേറെ ഭയാനമായ ആ ശബ്ദം കേട്ട് ആ പാവം പെണ്ണ് ഞെട്ടി വിറച്ചു പോയ്‌...


തന്നെ കടിച്ചു കീറാൻ തക്കവണ്ണം കലിയോടെ അലറുന്ന കൊച്ചു തമ്പ്രാൻറെ കൂടെയാണ് ഇനി തനിക്കുള്ള ജീവിതം എന്നാ തിരിച്ചറിവോടെ....


( തുടരും )

ഒരു film കണ്ടപ്പോ പെട്ടെന്ന് തോന്നിയ  theam ആണ്... Copy അല്ലാട്ടോ 😁.. ഇനി ആണെന്ന് പറഞ്ഞാലും കൊഴപ്പം ഇല്ല 😁..
ഇഷ്ട്ടായാൽ സപ്പോർട്ടും എന്തേലും ഒരു കമന്റ്‌ ഉം.. പാവല്ലേ ഞാൻ