🔥 പ്രണയം 🔥

സർവ്വഭരണ വിഭൂഷിതയായി തനിക്ക് മുന്നിൽ നിറഞ്ഞു കത്തുന്ന നിലവിളക്ക് പോലെ ജ്വാലിച്ചു നിൽക്കുന്നവളെ നോക്കി അവൻ താലി കൈയിൽ എടുത്തതും അവളുടെ കണ്ണുകൾ എന്തിനോ ഒന്ന് നിറഞ്ഞു..നിറഞ്ഞ കണ്ണോടെ അവൾ ഒന്ന് ചുറ്റും നോക്കി.. അവിടെ താൻ പേടിക്കുന്ന ആള് ഇല്ലെന്ന് കണ്ടവൾക്ക് ഒരേ സമയം ആശ്വാസവും പേടിയും തോന്നി..

എങ്കിലും അത് കൂടെയുള്ള ആരും കാണാതെ ഇരിക്കാൻ വെപ്രാളത്തോടെ തന്റെ മുഖം ഒന്ന് താഴ്ത്തി അവൾ..

അവളുടെ കുനിഞ്ഞ മുഖത്തേക്ക് ഒന്ന് നോക്കിയ ഒരുവൻ കൈയിലെ താലി അവളുടെ നേർക്ക് നീട്ടി, ആ കഴുത്തിൽ കെട്ടാൻ ആഞ്ഞതും വലിയൊരു ഒച്ചയോടെ അവന്റെ കൈയിൽ നിന്ന് ആ താലി താഴേക്ക് വീണു. ഒപ്പം ഇടനെഞ്ചിൽ നിന്ന് ഒഴുകി ഇറങ്ങുന്ന ചോര അമർത്തി പിടിച്ചു കൊണ്ട് അവനും...

നടുങ്ങി നിന്നവൾ ഒരു ഏങ്ങലോടെ വാ പൊത്തി കൊണ്ട് ഒന്ന് പിന്നിലേക്ക് നീങ്ങിപോയി.. മുന്നിൽ കിടന്നു പിടയ്ക്കുന്നവനെ ഒന്നും ചെയ്യാൻ പറ്റാതെ നോക്കി നിൽക്കുമ്പോൾ മറ്റൊരുവന്റെ കണ്ണുകൾ തന്റെ നേർക്ക് ആണെന്ന് ഓർക്കേ വിറച്ചു കൊണ്ട് അവൾ ഉടുത്ത സാരിയിൽ കൈകൾ മുറുക്കിയിരുന്നു....

അയ്യോ എന്റെ മോനെ...

കണ്ണുനീരും അലറി കരച്ചിലും കേട്ടവൾ വിതുമ്പുന്ന ചുണ്ടുകൾ കൂട്ടി പിടിച്ചു കൊണ്ട് ചലനം അറ്റത് പോലെ നിന്ന് പോയി...

ഞാൻ പറഞ്ഞിട്ടില്ലേ ധരാ, ഞാൻ അല്ലാതെ മറ്റൊരുവൻ നിന്റെ കഴുത്തിൽ മിന്ന് കെട്ടില്ല എന്ന്...

തൊട്ടരുകിൽ ഒരുവന്റെ നിശ്വാസം പോലുള്ള ശബ്ദം കേൾക്കേ ഉടലാകെ വിറച്ചു കൊണ്ട് അവൾ അനങ്ങാതെ നിന്ന് പോയി... നെറ്റിയിലൂടെ ഒഴുകുന്ന വിയർപ്പ് തുള്ളികൾ മൂക്കിൽ തുമ്പിൽ നിന്ന് ഇറ്റ് താഴേക്ക് വീണതും മുന്നിൽ നിന്നവൻ കൈ നീട്ടി അത് വിരൽ തുമ്പ് കൊണ്ട് ഒന്ന് പിടിച്ചു സ്വന്തം ചുണ്ടിലേക്ക് വച്ചൊന്നു നുണഞ്ഞു എടുത്തു ..

നട്ടെല്ലിലൂടെ പാഞ്ഞു കയറിയ വിറയൽ അടക്കാൻ പറ്റാതെ വിറച്ചു നിൽക്കുന്നവളെ അവൻ മൊത്തത്തിൽ ഒന്ന് നോക്കി...

കാർത്തി....

സർ....

വീട്ടിൽ ആക്കിയേക്ക്... എന്റെ ധര വല്ലാതെ പേടിച്ചു പോയി...

അവളിൽ നിന്ന് കണ്ണുകൾ അണുവിടെ ചലിപ്പിക്കാതെ അവൻ ഉറക്കെ വിളിച്ചു കൊണ്ട് പറഞ്ഞത് കേട്ടതും കാർത്തി ബഹുമാനത്തോടെ തല കുലുക്കി...

വരൂ മേഡം...

കാർത്തി മുന്നിൽ പേടിയോടെ വിറച്ചു നിൽക്കുന്ന പെണ്ണിനെ നോക്കി ഒരു ദീർഘ ശ്വാസം എടുത്തു കൊണ്ട് പറഞ്ഞത് കേട്ടതും മുന്നിൽ നിൽക്കുന്നവന്റെ നോട്ടത്തിൽ നിന്ന് രക്ഷ നേടാൻ എന്നപോലെ അവൾ അവന്റെ ഒപ്പം ദൃതിയിൽ നടന്നു...

അവളുടെ നടത്തം നോക്കി നിന്നവൻ സ്വന്തം താടിയിൽ പിടിച്ചു കൊണ്ട് ഒന്ന് ചിരിച്ചു..ആ ഉടലിന്റെ ചലനം നോക്കി ഇടം നെഞ്ചിൽ കൈ കൊണ്ട് പതിയെ തട്ടി കൊടുത്തു കൊണ്ട് നിൽക്കുമ്പോൾ ആ ചുണ്ടുകളിൽ വശ്യമായൊരു പുഞ്ചിരി ആയിരുന്നു...അവൾക്ക് വേണ്ടി മാത്രം വിരിയുന്ന വശ്യമായ പുഞ്ചിരി..

🔥🔥🔥🔥🔥🔥🔥🔥🔥🔥🔥

നടുക്കുന്ന സ്വപ്നം കണ്ട്, ഉറക്കത്തിൽ നിന്ന് ചാടി എഴുന്നേറ്റവൾ ബെഡിൽ ഇരുന്ന് കിതയ്ക്കുമ്പോൾ അവളെ വല്ലാതെ വിയർത്ത് ഒഴുകുന്നുണ്ടായിരുന്നു.. ഇപ്പോളും അവൻ മുന്നിൽ ഉള്ളത് പോലെ കിടുങ്ങി പോയി അവൾ...

സ്വപ്നം കണ്ട് പേടിച്ചതാണോ ധരാ...

തൊട്ടരികിൽ നിന്നും കേട്ട ശബ്ദത്തിൽ നടുങ്ങി തെറിച്ചവൾ ആ ഭാഗത്തേക്ക് ഒന്ന് നോക്കി..

തന്റെ റൂമിൽ ബെഡിന് നേരെയുള്ള ചെയറിൽ ഇരുന്നൊരുവനെ കാണേ അവളുടെ ഉടൽ ആകെ വിറച്ചു പോയി.. കിതപ്പോടെ ബെഡിലേക്ക് ഒന്ന് ഒതുങ്ങി പോയവൾ...

മുന്നിൽ ഇരിക്കുന്ന പെണ്ണിന്റെ വിറയലും മുഖത്ത് പൊടിയുന്ന വിയർപ്പ് തുള്ളികളും മുന്നിൽ ഇരിക്കുന്നവൻ സൂഷ്മതയോടെ നോക്കി...

ചോദിച്ചത് കേട്ടില്ലേ ധരാ.. സ്വപ്നം കണ്ട് പേടിച്ചോ എന്ന്..

ഏഹ്.. അഹ്..

മുന്നിൽ ഉള്ളവന്റെ ശബ്ദത്തിലെ മാറ്റം അറിഞ്ഞ പോലെ അവൾ വിറയലോടെ വേഗത്തിൽ തല കുലുക്കി പോയി..

ഞാൻ ഇവിടെ ഉണ്ട്.. പേടിക്കാതെ കിടന്നു ഉറങ്ങിക്കോ..

അവളുടെ പിടച്ചു പായുന്ന കണ്ണുകളിലേക്ക് നോക്കി അവൻ പറയുമ്പോൾ അവൾ വേഗം തല കുലുക്കി കൊണ്ട് ബെഡ് ഷീറ്റ് എടുത്തു തല വഴി പുതച്ചു കൊണ്ട് ചുരുണ്ട് കൂടി...

ധരാ..

അവന്റെ ദേഷ്യത്തോടെയുള്ള ശബ്ദം കേട്ടതും വിറച്ചു കൊണ്ട് അവൾ ആ പുതപ്പ് തന്നിൽ നിന്ന് മാറ്റി.. കൂടെ ഇടുപ്പിൽ നിന്ന് തെന്നി നീങ്ങിയ ദാവണി തുമ്പ് കണ്ടവൾ ഒന്ന് ഉമിനീർ ഇറക്കിപ്പോയി...

അവളുടെ ഒതുങ്ങിയ അരക്കെട്ടിൽ ചുറ്റി കിടക്കുന്ന പൊന്നാരഞ്ഞാണം കാണേ അവന്റെ കണ്ണുകൾ ഒന്ന് തിളങ്ങി..

അവന്റെ ദൃഷ്ടിയിൽ നിന്ന് അത് മറച്ചു പിടിക്കണം എന്ന് ഉണ്ടെങ്കിലും അവളുടെ കൈ തണുത്ത് ഉറഞ്ഞത് പോലെ അങ്ങനെ ഇരുന്ന് പോയി..എങ്കിലും അവനെ പേടിയോടെ നോക്കി അവൾ തന്റെ മാറി കിടന്ന ദാവണി നേരെ ആക്കാൻ തുടങ്ങുമ്പോഴേക്കും ആ കൈയിൽ അവന്റെ ബലിഷ്ഠമായ കൈകൾ പതിഞ്ഞു..

അവൾക്ക് തടയാൻ പറ്റുന്നതിനു മുൻപ് തന്നെ ആ ശരീരത്ത് നിന്ന് അവളുടെ ദാവണി വലിച്ചു എടുത്തിരുന്നു അവൻ.. അവനെ എതിർക്കാൻ പേടിച്ചു കണ്ണുകൾ മുറുക്കി അടച്ചവൾ.. അപ്പോഴും അവന്റെ മുന്നിൽ താൻ അർദ്ധ നഗ്ന ആണെന്ന് ഓർക്കേ അവളുടെ കുഞ്ഞു ശരീരം ഒന്ന് വിറച്ചു പോയി...

അവന്റെ കണ്ണുകൾ വല്ലാത്തൊരു തിളക്കത്തോടെ അവളിലൂടെ ഒഴുകി നടക്കുന്നുണ്ട് എന്ന് അറിയാമെങ്കിലും അവൾ കണ്ണ് തുറന്നില്ല..

കൂടുതൽ സമയം നിന്നാൽ ശെരിയാകില്ല.. എന്റെ പെണ്ണിനെ മൊത്തത്തിൽ അറിയാൻ തോന്നും എനിക്ക്..

നഗ്നമായ അരക്കെട്ടിൽ അറിഞ്ഞ അവന്റെ ചുംബനവും നാവിന്റെ തണുപ്പും കൂടെ ചെറു നോവും കാരണം കണ്ണുകൾ ഒന്നുകൂടെ മുറുക്കി അടച്ചു കൊണ്ട് പുറത്തേക്ക് വരാൻ തുടങ്ങിയ ശബ്ദം അവൾ കൈ വച്ചു തടഞ്ഞു പിടിച്ചു..

എനിക്ക് ഇഷ്ടം ഇല്ലാത്തത് ചെയ്യരുത് ധരാ.. അറിയാല്ലോ നിനക്ക് എന്നെ...

അവളുടെ പ്രവർത്തിയിൽ ചുവന്ന് പോയ കണ്ണുകളോടെ അവളുടെ മേലേക്ക് ഒന്ന് ചാഞ്ഞവൻ... അവന്റെ ദൃഢമായ ശരീരം അവളുടെ ഉടലിലേക്ക് ചാഞ്ഞതും വായിൽ നിന്ന് കൈകൾ എടുത്തു ഒരു ഞെട്ടലോടെ അവനെ നോക്കി അവൾ...

അവളുടെ ഇറങ്ങിയ ബ്ലൗസിനു പുറത്തേക്ക് കാണുന്ന കഴുത്തിൽ പതിയെ കടിച്ചവൻ മെല്ലെ ഒന്നവിടെ നാവും ചുണ്ടും ഉപയോഗിച്ച് ഉഴിഞ്ഞു..

എത്ര അടക്കി വയ്ക്കാൻ ശ്രെമിച്ചിട്ടും പറ്റാതെ ഒരു ശീൽക്കാരം അവളിൽ നിന്ന് പുറത്തു വന്നതും അവന്റെ കണ്ണുകൾ വജ്രം പോലെ ഒന്ന് തിളങ്ങി... അവൾ പക്ഷെ ദയനീയമായി അവനെ നോക്കിയതേ ഉള്ളു...

ഉറങ്ങിക്കോ...

അവളുടെ ചുവന്ന് പോയ മുഖത്തേക്ക് അൽപനേരം നോക്കി കിടന്ന് കൊണ്ട് ആ നെറ്റിയിൽ അമർത്തി ചുംബിച്ചു കൊണ്ട് അവൻ പറയേ യാന്ത്രികമായി തല കുലുക്കി പോയി അവൾ..

അവളെ ഒന്ന് നോക്കി ബാൽക്കണി ഡോർ തുറന്നു പുറത്തേക്ക് പോകുന്നവനെ ഒന്ന് കൂടെ നോക്കി അവൾ..

അവൻ പോയെന്ന് ഉറപ്പ് ആയതും വേഗം ഞെട്ടി പിടിച്ചു എഴുനേറ്റ് കൊണ്ട് അവൾ ദാവണി ഷോൾ എടുത്തു മാറോട് ചേർത്തു കൊണ്ട് ശ്വാസം ആഞ്ഞു വലിച്ചു...

🔥🔥🔥🔥🔥🔥🔥🔥🔥🔥🔥

രാത്രിയിലെ ഉറക്കം ശെരിയായില്ല എങ്കിലും എന്നും എഴുന്നേൽക്കും പോലെ തന്നെയവൾ എഴുന്നേറ്റു കുളി കഴിഞ്ഞു താഴേക്ക് നടന്നു.. ഇനിയിപ്പോ പൂജമുറിയിൽ കയറി വിളക്ക് കത്തിച്ച ശേഷം മാത്രമേ മറ്റു കാര്യത്തിലേക് അവൾ കടക്കൂ...

എന്നത്തേയും പോലെ വിളക്ക് കത്തിച്ചു മറ്റുള്ളവർക്ക് വേണ്ടി പ്രാർത്ഥിച്ചു കൊണ്ട് ഒരു നുള്ള ഭസ്മം നെറ്റിയിൽ തൊട്ട് കൊണ്ട് അവൾ പുറത്തേക്ക് ഇറങ്ങി...

അടുക്കളയിൽ വരുമ്പോൾ രമചേച്ചി ജോലി തുടങ്ങിയിട്ടുണ്ട്.. കൂടെ സഹായത്തിനു അമ്മയും ഉണ്ട്..

ഉറക്കം ശരിയായില്ലേ ധരണി..

അവളുടെ കണ്ണുകളിലെ ഉറക്കക്ഷീണം കാണേ അവളുടെ അമ്മ ജയസുധ സംശയത്തിൽ അവളെ നോക്കി കൊണ്ട് ചോദിച്ചു..

എന്നാലും ചേച്ചിക്ക് എന്താ നേരത്തെ കിടന്നു ഉറങ്ങിയാൽ, ഇവിടെ ജോലിയൊക്കെ തീർത്ത് വച്ചു പഠിത്തവും കഴിഞ്ഞാ ഞാൻ കിടക്കുന്നത്.. എന്നിട്ടും എനിക്ക് ഉറങ്ങാൻ സമയം കിട്ടുന്നല്ലോ.. എന്നിട്ട് ഒരു ജോലിയും ഇല്ലാത്ത ചേച്ചിക്ക് ഉറക്കം കിട്ടുന്നില്ല എന്ന്..

കളിയോടെ ആണെങ്കിലും രമയുടെ മകൾ പാർവണ ഒന്ന് കുത്തി പറഞ്ഞതും പേടിയോടെ തന്റെ അമ്മയെ നോക്കി അവൾ.. അവിടെ പാർവണ എന്ന പാറു പറഞ്ഞത് കേട്ട് മുഖം എല്ലാം കടുത്ത് ഇരിക്കുന്നുണ്ട്...

മിണ്ടാതെ ഇരിക്ക് പാറു.. നീ ആ കിടക്കുന്ന പാത്രങ്ങൾ അങ്ങൊട്ട് കഴുകാൻ നോക്ക്.. ഈ വീട്ടിലെ കുട്ടിയെ കുറ്റം പറയാൻ നിനക്കു ആരാ അധികാരം തന്നത്..

തന്റെ മകൾ പാറു, ഈ വീട്ടിലെ യജമാനിയെ കുറ്റപ്പെടുത്തിയത് കാണേ രമ ദേഷ്യത്തിൽ അവളെ ഒന്ന് നോക്കി..

നീ വെറുതെ പാറുവിനെ കുറ്റം പറയണ്ട രമേ. പാറു പറയുന്ന പോലെ ഇവൾക്ക് ഇവിടെ എന്താ ജോലി. പഠിത്തം മാത്രം അല്ലെ ഉള്ളു..എന്നിട്ടും ഉറങ്ങാതെ ഇരുന്നാൽ എങ്ങനെയാ.. ഇനിയിപ്പോ കോളേജിൽ ഫസ്റ്റ് റാങ്ക് വല്ലോം വാങ്ങി വരുവാണെങ്കിൽ രാത്രി മൊത്തം ഉറക്കം ഇല്ലാതെ പഠിക്കുവായിരുന്നു എന്ന് പറയാം. ഇത് വെറും ആവറേജ് മാർക്ക്...

പാറു മോള് മെഡിസിൻ ആണ് പഠിക്കുന്നത്.. എന്നിട്ടും പഠിത്തവും നിന്നെ അടുക്കളയിൽ സഹായിക്കുന്നും ഇല്ലേ ഇവൾ..അങ്ങനെയാ പെൺകുട്ടികൾ..

തന്റെ മകളോടുള്ള ദേഷ്യം ഒട്ടും കുറഞ്ഞില്ല ജയസുധക്ക്.. അത് കാണേ പാറുവിനു വല്ലാത്ത സന്തോഷം തോന്നി.. അവൾ ഒരു പുച്ഛത്തോടെ ധരണിയെ ഒന്ന് നോക്കി...എങ്കിലും അത് മാറ്റാരും അറിയാതെ ഇരിക്കാൻ പാറു മുഖം വേഗം തിരിഞ്ഞു പാത്രം കഴുകുന്ന ജോലിയിലേക്ക് തിരിഞ്ഞു...

സൗന്ദര്യം കൊണ്ടും കുടുംബ മഹിമ കൊണ്ടും പണം കൊണ്ടും ഒക്കെ മുന്നിൽ നിൽക്കുന്ന ധരണിയോട് വല്ലാത്ത അമർഷം ആണ് പാറുവിനു.. അത് ഇങ്ങനെ ഇടക്ക് ഇടക്ക് അവൾ തീർക്കാറുണ്ട്..

കൃഷ്ണമംഗലം തറവാട്ടിലെ ഒരേ ഒരു പെൺതരിയായ ധരണിയോട് ആ വീട്ടിലെ ജോലിക്കാരിക്ക് തോന്നുന്ന അസൂയ..

ഞാൻ ജോലി ചെയ്യാം അമ്മേ...

വേണ്ട വേണ്ട.. ഇവിടെ അങ്ങനെ നിനക്ക് ജോലി ചെയ്യാൻ ഒന്നും ഇല്ല.. ഇവിടെ ഇപ്പോ രമയും പാറുവും ഉണ്ടല്ലോ..

ജോലി ചെയ്യാൻ മുന്നോട്ടു വന്ന ധരയെ ഒന്ന് തടഞ്ഞു ജയസുധ.. അത് കണ്ടതേ പാറു പല്ല് കടിച്ചു പോയി..

ഇങ്ങനെ മയം ഇല്ലാതെ സംസാരിച്ചാലും ജയസുധക്ക് വല്യ ഇഷ്ടമാണ് ധരണിയെ.. അത് പാറുവിനും അറിയാം..

ഫ്ലാസ്ക്കിൽ ചായ ഉണ്ട്. നീ എടുത്തു കുടിക്ക്.. സമയത്തിന് ഒന്നും കഴിക്കുക പോലും ചെയ്യില്ല.. എപ്പോഴും എന്തെങ്കിലും ആലോചിച്ചു ഇങ്ങനെ നടക്കും..

ജയസുധ കടുപ്പത്തിൽ പറയുമ്പോ ധര ചായ ഒഴിച്ചു എടുത്തു കൊണ്ട് പുറത്തേക്ക് ഇറങ്ങി.. അവളെ നോക്കി നിന്ന ജയസുധ ഒരു ദീർഘ ശ്വാസം എടുക്കുമ്പോ രമ അവരെ സങ്കടത്തോടെ നോക്കി..

മോൾക്ക് ആ കൊച്ചനെ ഒത്തിരി ഇഷ്ടമായിരുന്നു എന്ന് തോന്നുന്നു.. അതാകും എപ്പോഴും ഇങ്ങനെ ആലോചിച്ചു ഒന്ന് ചിരിക്കുക പോലും ചെയ്യാതെ നടക്കുന്നത്..

രമ പതിയെ പറയുമ്പോ ധരയെ താലി കെട്ടാൻ തുടങ്ങിയവർ നിമിഷനേരം കൊണ്ട് ചോരയിൽ കുളിച്ചു കിടന്നത് ഓർമ്മ വന്നു അവർക്ക്..

എഡ്വേഡ് മൈക്കിൾ അബ്രാം....

ആ പേര് ഓർമ്മ വന്നതും ശരീരത്തിലൂടെ ഒരു വിറയൽ കടന്ന് പോയത് പോലെ തോന്നിയവർ പതിയെ ഉമിനീർ ഇറക്കി...

മഞ്ഞക്കിളി 🐤🐤