ചൈത്ര നിലാവ്

അദ്ധ്യായം 1 

                                            ചൈത്രനിലാവ് 

അച്ഛാ ,അച്ഛൻ ഇത് എന്തിന്റെ കേടാ ഈ വയസ്സാ൦ കാലത്ത്..

കല്യാണം കഴിക്കാൻ പോകുന്നു പോലും.... ഞാൻ സമ്മതിക്കില്ല...ഞങ്ങളുടെ

അമ്മയുടെ സ്ഥാനത്ത് വേറെ ഒരാൾ.. പറ്റില്ല.... നിത്യ ദേഷ്യത്തോടെ

അയാളെ നോക്കി പറഞ്ഞു.

          ഇല്ല ഞങ്ങൾക്ക് ആര്ക്കും ഇത് ഇഷ്ടമല്ല.. നീ എന്തിനാ

ഇപ്പോൾ ഇങ്ങനെ ഒരു തീരുമാനമെടുത്തത് .. നിനക്ക് എന്ത് ഉണ്ടെങ്കിലും

ഒരു വിളിക്ക് അപ്പുറം ഞങ്ങൾ എല്ലാവരും ഇല്ലേ .. പിന്നെ എന്തിനാ ..

ഇത് നിനക്ക് ഒരു വയ്യാവേലി ആകും, ഈ നാട്ടിൽ എല്ലാവർക്കും

അറിയാം.. അവൾ ഒരു ഹാർട്ട് ഓപ്പറേഷൻ കഴിഞ്ഞത് ആണെന്ന്..

അലെങ്കിൽ ഇത്ര പ്രായം ആയിട്ട് കല്യാണം കഴിയാതെ ഇരിക്കോ.. അതും

നീ നാട്ടിലുണ്ടോ ഇത്ര സുന്ദരിയായ പെണ്ണ്.... അതും ജാതി മാറി ഒരു

നായര് പെണ്ണിനെ ....

മൂത്ത പെങ്ങൾ മീനാക്ഷി അയാളെ നോക്കി കണ്ണ് തുറുപ്പിച്ചു ചോദിച്ചു.

അല്ല അളിയാ .. അളിയൻ ഇപ്പോൾ അങ്ങനെ തോന്നാൻ എന്താ ....

മക്കളും കൊച്ചു മക്കളും ആയി.... മൂത്തമോളുടെ കുട്ടിക്ക് 6  വയസ്സ്

ആയി.... നവ്യ വിളിച്ച് കരച്ചിലാണ് .. ഇത് കേട്ട്,അവളുടെ ഭർത്താവും

വീട്ടുക്കാരും എന്ത് കരുതും എന്ന് നീ ആലോചിച്ചോ.... ചെറിയ അളിയൻ

സുധാകരൻ കളിയാക്കും പോലെ ചോദിച്ചു.

 അമ്മാവൻ എന്നെ ഓർക്കേണ്ട .... അജിയേട്ടനെയും ഓർക്കേണ്ട.. പക്ഷേ

കല്യാണപ്രായം ആയ ഒരു മകൻ ഇല്ലേ .... അവനെ ഓർക്കേണ്ടെ.... നവി

ആകെ കലിപ്പിലാണ്.. ഇങ്ങനെ എല്ലാവരെയും വെറുപ്പിച്ച് എന്തിനാണ് ഈ

പ്രായത്തിൽ ഒരു കല്യാണം.... രണ്ടാമത്തെ മരുമകൻ ജിഷ്ണു അയാളെ

നോക്കാതെ തന്നെ പറഞ്ഞു.

ആരൊക്കെ എന്തൊക്കെ പറഞ്ഞാലും ഈ കല്യാണം നടക്കും.. കൂടി

സഹകരിക്കാൻ പറ്റുന്നവർ വരാ.... ഇനി ആരും വന്നിലെങ്കിലും ഇത്

നടക്കും.. കൊച്ചച്ഛൻ മാത്രം മതി എനിക്ക് കൂട്ടിന്.... അയാൾ രാഘവൻ

ചെറിയച്ഛനെ നോക്കി പറഞ്ഞു കൊണ്ട് എണീറ്റ് വണ്ടി എടുത്ത്

ഇറങ്ങി....

@@@@@@@@@@@@@@@@@@@@@@@@@@

           ഭാനുപ്രിയ നിലവിളക്ക് വാങ്ങി വലത് കാലുവച്ച്

അകത്തേക്ക് കയറി,കൂടെ അദ്ദേഹവും .. അവൾ വിളക്ക് കൊണ്ട് ഗുരു

ദേവ ഫോട്ടോയുടെ അടുത്ത് വച്ച് തൊഴുതു....

 മോളേ , ഇതാ ഇത് കുടിച്ചോ.. അറുപത് അറുപത്തിരണ്ട് വയസ്സ്

തോന്നിക്കുന്ന ഒരു സ്ത്രീ അവൾക്ക് നേരെ ഒരു ഗ്ലാസ്സ് നീട്ടി കൊണ്ട്

പറഞ്ഞു.

അവൾ നോക്കിയപ്പോൾ അദ്ദേഹം ഗ്ലാസസിലെ പാല് മുഴുവൻ

കുടിച്ച് ഗ്ലാസ്സ് നൽക്കുന്നതാണ് കണ്ടത്.. അയാൾ അവളെ നോക്കാതെ

റൂമിലേക്ക്  കയറി പോയി...

ഭാനുപ്രിയ എന്ത് ചെയ്യണം എന്നറിയാതെ നിന്നു.

മോള് അത് കുടിക്ക്.. രാവിലെ മുതൽ ഒന്നും കഴിച്ചിട്ടില്ലല്ലോ..

കുടിക്ക്.. അവർ നിർബന്ധിച്ചു. അവൾ വേഗം ആ പാല്

കുടിച്ച് ഗ്ലാസ്സ് മേശയിൽ വച്ചു.

മോള് വാ .. വീട് ഒക്കെ ഒന്ന് കാണാം.. പറഞ്ഞുകൊണ്ട് അവർ അവളെ

പുറത്തേക്ക് കൂട്ടി കൊണ്ട് പോയി.

അടുക്കളയിൽ എത്തിയപ്പോൾ അവളുടെ പ്രായമുള്ള ഒരു

പെണ്ണ് നിന്ന് എന്തോ ഇളക്കുന്നു..

പ്രിയ എന്നെ കണ്ടിട്ടുണ്ടോ.. അവളെ കണ്ടപ്പാടെ ആ സ്ത്രീ ചോദിച്ചു.

ഇല്ല , ഞാൻ .. അവൾ പതിയെ ഒർമ്മയിൽ ഒന്ന് തപ്പി തടഞ്ഞു....

ഇല്ല ഓർമ്മയില്ല.. അവൾ ഇല്ല എന്ന് തലയാട്ടി..

അതെ അതിന് താൻ ആരെയെങ്കിലും ഏതെങ്കിലും ചുറ്റിനും നോക്കാറുണ്ടോ..

തല കുനിച്ചു പിടിച്ചു ഒന്നും നോക്കാതെ ഒരു നടത്തി അല്ലേ.. അവർ

ഒരു ചിരിയോടെ പറഞ്ഞു അവളെ നോക്കി..

ഞാൻ ഉഷ .. ഈ നിൽക്കുന്ന നാരായണിയമ്മയുടെ മരുമകൾ..

ഇയാളുടെ കൂടെ സ്കൂളിൽ ഞാനും ഉണ്ടായിരുന്നു.. സി ഡിവിഷനിൽ ,

പക്ഷേ നീ കാണാൻ വഴിയില്ല.. നീ എപ്പോളും സ്വപ്നം കണ്ട്

ഇരിപ്പായിരുന്നല്ലോ.. അവർ ചിരിച്ചു.

ഉഷേ , ഒരു പ്രായം ആണ് എന്നുകരുതി നീ പേര് ഒന്നും വിളിക്കേണ്ട..

നിന്റെ എടത്തി സ്ഥാനമാണ്.. അങ്ങനെ വിളിച്ചാൽ മതി,തല മറന്ന്

എണ്ണ തെക്കേണ്ട.. നാണിയമ്മ ഉഷയെ ശാസിച്ചു..  

നാണിയമ്മേ .. ഞാൻ കടയിലേക്ക് പോകാണ്.. ഉച്ചയ്ക്ക് ഉണ്ണാൻ

വരാം .. പറഞ്ഞുകൊണ്ട് അയാൾ പുറത്തേക്കിറങ്ങി..

എടാ മാധവൻ കുട്ടി.. നീ എന്താ ഈ കാണിക്കുന്നത്.. ഇന്ന്

നിന്റെ കല്യാണം ആയിരുന്നു നീ അത് മറന്നോ.. അവർ അയാളെ

നോക്കി ദേഷ്യപ്പെട്ടു..

അത് പറഞ്ഞിരുന്നാൽ അവിടെ കടയിൽ ആരുമില്ല .. ആ ഭായി

മാത്രമാണ് ഉള്ളത്.. ദാസൻ കൂടി ഇല്ലാത്തതാ.. ഞാൻ പോയിട്ട് വരാം..

അയാൾ പറഞ്ഞുകൊണ്ട് മുണ്ട് മടക്കി കുത്തി സകൂടെർ എടുത്ത്

പോയി.

ഈ ചെറുക്കന്റെ ഒരു കാര്യം പറഞ്ഞാൽ.. അവർ പിറുപിറുത്തുകൊണ്ട്

അടുക്കളയിലേക്ക് തിരിഞ്ഞു..

മധ്വേട്ടൻ പോയി അല്ലേ അമ്മേ.. ഉഷ ചിരിയോടെ ചോദിച്ചു.   

അതെ , ദാസൻ ഇല്ലല്ലോ അതാ അവൻ ഓടിയത്.. അവർ ഭാനുപ്രിയയെ

നോക്കി പറഞ്ഞു.

അവൾ ചിരിച്ചു..

ഈ ദാസൻ ആണ് എന്റെ കെട്ടിയവൻ.. ആള്  കടയിലേക്ക് സാധനങ്ങൾ

എടുക്കാൻ പോയതാ.... അതും കോയബത്തൂർ ആണ്.. രാത്രി വരും..

ആളാണ് കടയിലെ ഒരു സ്റ്റാഫ് .. പിന്നെ ഒരു ഭായി ഉണ്ട്.. അവൻ

പുതിയതാണ് ഒന്നും അറിയില്ല .. അതാ മധ്വേട്ടൻ  ഓടിയത്.. ഉഷ

ചിരിയോടെ പറഞ്ഞു.

മോള് വാ ഈ സാരിയെല്ലാം മാറ്റാം.... പറഞ്ഞുകൊണ്ട് നാണിയമ്മ

അവളെ കൊണ്ട് നടന്നു.

ദാ ,ഇതാണ് നിങ്ങളുടെ റൂം.. മോള് വാ.. അവർ കൈ പിടിച്ച്

അകത്തേക്ക് കയറ്റി....

ഭാനുപ്രിയ നോക്കിയപ്പോൾ ഒരു ഇടത്തരം റൂം.. അത്ര വലുത് അല്ല

എന്നാൽ ചെറുതുമല്ല.. റൂമിൽ ഒരു മരത്തിന്റെ അലമാരയും മേശയും

കസേരയും ഉണ്ട്..ഒരു ഷെൽഫു നിറയെ പുസ്തകങ്ങൾ .. അത് കണ്ട്

അവളുടെ കണ്ണ് തിളങ്ങി..

ഇനി മുതൽ ഇതാണ് മോളുടെ റൂം.. എന്താ ഇഷ്ടമായോ..

ഉം, അവൾ തലയാട്ടി..   ഒരു റൂം സ്വന്തം വീട്ടിൽ പോലും

ഇല്ലാത്തവൾക്ക് , ഇതാ സ്വന്തം റൂം.. അപ്പോൾ പിന്നെ ഇഷ്ടമാകാതെ

വരോ...അവൾ ഓർത്തു..

വല്യമ്മേ .. അവൾ നാണിയമ്മയെ വിളിച്ചു..

എന്താ മോളേ..

എനിക്ക് ഇടാൻ വേറെ ഒന്നുമില്ല.... വീട്ടിൽ നിന്നും ഒന്നും കൊണ്ട് വന്നില്ല

ഓ അങ്ങനെ ഉണ്ടല്ലോ.... ഇനി എന്താ ചെയ്യാ.... ഞാൻ പോയി

ഇവിടത്തെ അമ്മയുടെ അലമാര നോക്കാം.. അതിൽ നിറയെ

സെറ്റ് മുണ്ടുകൾ ഉണ്ടായിരുന്നു.. നോക്കട്ടെ.. കുറെ എണ്ണം നവ്യ

മോളുടെ കുഞ്ഞിന് വേണ്ടി കീറി എടുത്തായിരുന്നു.. അവർ പറഞ്ഞുകൊണ്ട്

പോയി..

ഭാനുപ്രിയ ചുറ്റും ഒന്ന് നോക്കി , ചുമരിൽ അണിയിൽ

മൂഷിഞ്ഞതും അല്ലാത്തതുമായി കുറെ ഷർട്ടുകൾ തൂക്കിയിട്ടിരിക്കുന്നു.

അതിന്റെ ഒരു വാടമണം മുറി നിറയെ ഉണ്ട്.. അവൾ വേഗം ജനൽ

തുറന്നിട്ടു.. നോക്കിയപ്പോൾ നിറയെ തെങ്ങും കവുങ്ങു൦ നിറഞ്ഞ

വലിയ പറമ്പും പാടവും .. നെല്ല് വിളഞ്ഞ മണം അവളുടെ മൂക്കിലേക്ക്

അടിച്ചു കയറി..

എല്ലാം ഇവിടത്തെ ആണ് കുട്ടി.... ആ പാടവും അങ്ങനെ കരയിലെ

പറമ്പും എല്ലാം.... അവൾ നോക്കുന്നത് കണ്ടുകൊണ്ട് നാണിയമ്മ

പറഞ്ഞു.

ഇതാ മോള് തൽകാലം ഇത് ഇട്ടോ.. നാളെ മാധവനോട് പറഞ്ഞ്

കുറച്ച് ഡ്രസ് വാങ്ങിപ്പിക്കാം.. അവന് അതൊന്നും അറിയില്ല..

അറിയാവുന്നവര് സഹകരിച്ചില്ലല്ലോ.. മക്കൾക്ക്  ദേഷ്യം

ഉണ്ടാകും.. അവരുടെ അമ്മയുടെ സ്ഥാനത്ത് വേറെ ഒരാൾ .. എന്നാൽ

രണ്ട് പെങ്ങൻമാർ ഉള്ളതാ.. ഇങ്ങോട്ട് തിരിഞ്ഞു നോക്കിയോ.. അടുത്തു

തന്നെ ഈ നാട്ടിൽ തന്നെ ഒരു മോളും ഉണ്ട്.. എന്നിട്ടോ.. അവർ

കലിയോടെ പറഞ്ഞുകൊണ്ട് റൂമിൽ നിന്നും വെളിയിലേക്ക്

പോയി.

ഭാനുപ്രിയ ആദ്യം തന്നെ സെറ്റ് സാരി എടുത്ത് ഇടുപ്പിൽ കുത്തി,

എന്നിട്ട് ബാത്ത് റൂമിൽ നിന്നും ഒരു ബക്കേറ്റ് എടുത്ത് മുഷിഞ്ഞ

ഷർട്ടുകളെല്ലാം എടുത്തിട്ടു.... അത് എടുത്ത് കൊണ്ട് പോയി സോപ്പ്

പൊടിയിൽ മുക്കി വച്ചു.. പിന്നെ മുറിയിൽ തിരിച്ച് വന്ന് നല്ല ഷർറ്റെല്ലാം

എടുത്ത് അലമാരിയിൽ മടക്കി വച്ചു.

റൂം എല്ലാം ഒന്ന് അടക്കി പെറുക്കി വച്ചു. പൊടിയെല്ലാം തൂത്തു

കളഞ്ഞു.... അവൾ കുളിക്കാൻ കയറി .. മേല് കഴുകി സെറ്റ് മുണ്ട്

എടുത്ത് ചുറ്റി.. വീട്ടിൽ അതാണ് പതിവ്.. അല്ലേല്ലും തന്റെ പ്രായത്തിന്

അതാണ് നല്ലത്.... ഇനി ഈ മൂപ്പത്തിയേട്ടാ൦ വയസ്സിൽ അതിന് ഒരു മാറ്റം

വേണ്ടാ..

എടത്തി  തനിക്ക് കൽപ്പിച്ച വേഷം ഇതാണ്.... അതും ഇരുപ്പത്തിനാല്

വയസ്സിൽ.... അലെങ്കിലും തനിക്ക് പ്രായം കൂട്ടി കാണിക്കാൻ അവർക്ക്

എന്നും ഒരു തിടുക്കം ആണ്.... സെറ്റ് മുണ്ട് ആകുമ്പോൾ എപ്പോളും

മുഷിഞ്ഞു കരിയും ചെളിയും പിടിച്ച് ഇരിക്കുമല്ലോ.... അപ്പോൾ കാണാനും

ഭംഗി കുറയുമല്ലോ.... അവൾ ഓർത്തുകൊണ്ട് മുണ്ട് ചുറ്റി

ഇറങ്ങിയപ്പോളാണ് അദേഹം അകത്തേക്ക് കയറി വന്നത്..

ആള് ഒരു നിമിഷം അവളെ നോക്കി നിന്നു,പിന്നെ റൂം ആകെ ഒന്ന്

നോക്കി..തിരിഞ്ഞ് അവളെ നോക്കുമ്പോളെക്കും അവൾ റൂമിൽ

നിന്നും ഇറങ്ങി പോയിരുന്നു. അയാൾ കാലും കൈയും കഴുകി

ഉണ്ണാൻ വന്നിരുന്നു....

നാണിയമ്മ അവളോട് വിളമ്പി കൊണ്ടുക്കൻ പറഞ്ഞു.. എന്നാൽ

അവൾ പേടിയും വിഷമവും കലർന്ന ഭാവത്തിൽ അവരെ നോക്കി..

അവർ ചിരിച്ചുകൊണ്ട് അദ്ദേഹത്തിന് ഊണ് വിളമ്പി കൊടുത്തു.

അവൾ അടുക്കളയിൽ ഉഷയോട് സംസാരിച്ച് നിന്നു.. ആളുടെ

കഴിക്കൽ കഴിഞ്ഞപ്പോൾ അവർ ഉണ്ണാൻ ഇരുന്നു.... അപ്പോളേക്കും

ആള് പോകാൻ ഇറങ്ങി വന്നു....

ഞാൻ ഇറങ്ങാണ്.. നാണിയമ്മ ഞാൻ വണീട്ടല്ലേ പോകൂ.... പോകുന്നതിന്

മുന്ന് അയാൾ ചോദിച്ചു.

നീ ഒരുപാട് വൈകിയാൽ ഞാൻ നിന്റെ പെണ്ണിനെയും കൊണ്ട്

പോകും പറഞ്ഞേക്കാം.... അവർ ഉറക്കെ പറഞ്ഞു.

അത് കേട്ട് ഭാനുപ്രിയയുടെ തല കുനിഞ്ഞു..

അയ്യോ അമ്മേ ഈ കൊച്ചിന് നാണം വന്നു....ഉഷ അവളെ കളിയാക്കി.

അതെ ഈ  നാണം ഒക്കെ ഇന്നതോടെ മാധവേട്ടൻ മാറ്റി തരും കേട്ടോ....

പ്രായം അന്പത്തിനാല് ആയാലും ആളെ കണ്ടില്ലേ .. എന്താ ഒരു മസിലും 

പവറും .. .. എടത്തി കുറെ പാട്പ്പെടും  .... ഉഷ ഒരു കുലുങ്ങി

ചിരിയോടെ പറഞ്ഞു.  

ഭാനുപ്രിയ ഒരു പകപ്പോടെ അവളെ നോക്കി....

മതിയെഡി ആ കൊച്ചിനെ പേടിപ്പിച്ചത്, അത് അല്ലാതെ തന്നെ പേടിച്ചാണ്

നിൽക്കുന്നത്.. നാണിയമ്മ ഉഷയെ ചീത്ത പറഞ്ഞു,

അവർ ഒരുമിച്ച് ഊണ് കഴിച്ചു.... ഉഷ കുട്ടികൾ വരും എന്ന് പറഞ്ഞ്

വീട്ടിലേക്ക്  പോയി.... നാണിയമ്മ അവളെയും കൊണ്ട് ഉമ്മറത്ത്

വരാന്തയിൽ ചെന്നിരുന്നു....

@@@@@@@@@@@@@@@@@@@@@@@@@@

മോളേ , മോള് അവനെ നല്ലവണ്ണം സ്നേഹിക്കണം കേട്ടോ.. അത്രയ്ക്ക്

പാവമാണ് മാധവൻകുട്ടി.... മുന്നത്തെ ജീവിതമൊക്കെ ഒരു കണക്ക്

ആയിരുന്നു.... ആ പെണ്ണ് വിമല ഒരു പരിഷ്ക്കരി ആയിരുന്നു.. പിന്നെ

ജോലിക്കാരിയും.. ജാതകം ചേരാത്തതുകൊണ്ട് കഴിച്ചതാ.. അവർക്ക്

വല്യ ഇഷ്ടമൊന്നും ഉണ്ടായിരുന്നില്ല.. ഇവിടെയും .. പക്ഷേ കല്യാണം

നടക്കാതെ ആയപ്പോൾ അമ്മാവൻ വന്ന് കാല് പിടിച്ചതുകൊണ്ട്

നടത്തിയതാ.. കുറെ നാൾ നല്ലപോലെ ജീവിച്ചു.. പിന്നെ ജോലി കിട്ടി

അവൾ തമിഴ്നാട്ടിൽ പോയി.. കുട്ടികളെയും കൊണ്ട് മാധവനും പോയി..

താഴെയുള്ള കുട്ടി അവിടെ വച്ചാണ് ജനിച്ചത്.. 

പിന്നെ വിമല മരിച്ചാണ് അവർ ഇങ്ങോട്ട് വന്നത്. അപ്പോളേക്കും

ഇവിടത്തെ അച്ഛനും അമ്മയും അവശനിലയിൽ ആയിരുന്നു.. പിന്നെ

കട മാധവൻ കുട്ടി ഏറ്റെടുത്തു.. ഇപ്പോൾ കുഴപ്പമില്ലാതെ പോകുന്നു..

എല്ലാവരും ഈ കല്യാണത്തിന് എതിര് ആയിരുന്നു.. സ്വത്ത് കുറെ

ഉണ്ടല്ലോ.. അതിനല്ലേ ആ മീനാക്ഷിയുടെ ഇളയ ചെറുക്കൻ ഇവിടത്തെ

നിത്യ മോളേ പ്രേമിച്ച് വളച്ചെടുത്തത്,എത്ര നല്ല ആലോചനകൾ

വന്നതാ.. പെണ്ണിന് അവനെ മതി.... ഒരു ജോലിയും കൂലിയും

ഇല്ലാതെ നടക്കാണ് , എല്ലാം ഇവിടെ നിന്നും ചെയ്യണം.. ആ

കൊച്ചിന് ഒരു അസുഖം വന്നാൽ പോലും മാധവൻ കുട്ടി

ചെല്ലണം ഒന്ന് ആശുപത്രിയിൽ കൊണ്ട് പോകാൻ.. അതാ അവസ്ഥ..

നാണിയമ്മ പറഞ്ഞ് നിർത്തി..

ഇനി എല്ലാം കൂടി പറഞ്ഞ് കുട്ടിയെ പേടിപ്പിക്കുന്നില്ല .. ഞാൻ

ഇരുട്ടുന്നതിന് മുന്ന് ഒന്ന് വീട് വരെ പോയി വരാം..ഒന്ന് കുളിക്കണം.

പറഞ്ഞുകൊണ്ട് അവർ എണീറ്റ് പുറത്തേക്ക് ഇറങ്ങി ..

മോള് പേടിക്കൊന്നും വേണ്ടാ കേട്ടോ.. ദാ ആ കാണുന്നതാ ഞങ്ങളുടെ

വീട്.. ഇവിടെ നിന്ന് നോക്കിയാൽ കാണാം.. അതുപോലെ അവിടെ

നിന്നു നോക്കിയാൽ ഇവിടെ ഉമ്മറത്ത് ആര് വന്നാലും കാണാൻ പറ്റും

കേട്ടോ.. ഞാൻ വേഗന്ന്  പോയിട്ട് വരാം.. അവർ നടന്നു..

@@@@@@@@@@@@@@@@@@@@@@@

തുടരും