എന്റേതു മാത്രം🌻

ഇട്ടിരുന്ന ലഹങ്ങ ഊരി മാറ്റി മുറിയിലെ ഹാങ്കറിൽ തൂക്കി ഇട്ടുകൊണ്ട് ഒരു തോർത്തും ചുറ്റി ബാത്റൂമിലേക് പാഞ്ഞവൾ...

ഷവറിൽ നിന്നും ഒഴുകുന്ന തണുത്ത വെള്ളം തലയിലൂടെ മേലാകെ പടരുമ്പോൾ ശരീരത്തിനൊപ്പം ആ മനസ്സിലും കുളിർ പടരുന്നത് അവൾ അറിഞ്ഞു..

കുറച്ചു നിമിഷം കണ്ണുകൾ അടച്ചു വെള്ളത്തിൽ നിന്നവൾ.. പിന്നെ വേഗം തന്നെ അതേ തോർത്തും ചുറ്റി മുറിയിലേക്കിറങ്ങി...

കബോർഡിൽ നിന്നും ഒരു നൈറ്റ്‌ ഡ്രെസ്സും എടുത്തിട്ട് കണ്ണാടിയുടെ മുമ്പിൽ പോയി നിന്നു തല തുവർത്തി..

മുന്നിലെ മേശയിൽ മാലയും കമ്മലും നെറ്റിപ്പട്ടവും പൂവും എല്ലാം ഒരു നെടുവീർപ്പോടെ നോക്കി നിന്നു...

പിന്നെ കയ്യിൽ ചുവന്നിരിക്കുന്ന മൈലാഞ്ഞിയിൽ കണ്ണുകൾ ഉടക്കി..

നന്നായി ചുവന്നിട്ടുണ്ട്......പോരാത്തതിന് നല്ല ഡിസൈനും
അവൾ ഓർക്കാത്തിരുന്നില്ല...

മുടി നന്നായി ഉണക്കി തോർത്ത്‌ ഡ്രെസ്സിങ് റൂമിലെ സ്റ്റാൻഡിൽ ഇട്ടവൾ ബാൽക്കണിയിലേക്ക് ഇറങ്ങി..

വീടാകെ വെളിച്ചം കൊണ്ടു നിറഞ്ഞിരിക്കുന്നു.... ആളും ബഹളവും ഇപ്പോഴും കേൾക്കാം... അച്ഛനും ഏട്ടന്മാർക്കും ഇന്ന് ഉറക്കം ഉണ്ടാവില്ലെന്നറിയാം...എല്ലാവരും അവരുടേതായ തിരക്കിൽ ആണ്.. തനിക്ക് മാത്രം ഒന്നും ചെയ്യാനില്ല.. അല്ലെങ്കിൽ തന്നെ കല്യാണ പെണ്ണ് എന്ത് ചെയ്യാനാണ്.. തന്റെ ജോലി അണിഞ്ഞൊരുങ്ങി എല്ലാവരുടെയും മുമ്പിൽ ഇരിക്കുക എന്നുള്ളതാണ്... അത് കഴിഞ്ഞു...

അവൾ ഒന്ന് ദീർഘമായി വിശ്വസിച്ചു....

പെട്ടന്നു മുറിയിലെ വാതിലിൽ മുട്ട് കേട്ടതും അവൾ വേഗം ചെന്നു വാതിൽ തുറന്നു.

ഉറങ്ങിയില്ലേ കുഞ്ഞി.... ഇനിയും വൈകിക്കണ്ട നാളെ രാവിലെ എഴുന്നേൽക്കാൻ ഉള്ളതാണ് വേഗം ഉറങ്ങിക്കോ..
വാതിൽ തുറന്നപാടെ ഉള്ള അമ്മയുടെ വർത്തമാനം കേട്ടതും അവൾ തലയാട്ടി..

എന്തു പറ്റി... മുഖം ഒക്കെ വല്ലാതിരിക്കുന്നെ... കരഞ്ഞോ നി..

ഇല്ലമ്മ.... വൈകിട്ട് തുടങ്ങിയതല്ലേ അണിഞ്ഞൊരുങ്ങി നിൽക്കാൻ അതാണ് കൂടെ ശബ്ദം ഒക്കെ ആയോണ്ട് ആയിരിക്കും നല്ല തലവേദന..
അവൾ ഒരു ചിരിയോടെ പറഞ്ഞു..

ഹ്മ്മ്... ഒന്നും അലോചിക്കാൻ നിൽക്കണ്ട ഉറങ്ങിക്കോ എനിക്ക് താഴെ കുറച്ചു പണി ബാക്കി ഉണ്ട്...
അതും പറഞ്ഞു കവിളിൽ തഴുകി അമ്മ താഴേക്കു പോയി..

നിറഞ്ഞു വന്ന കണ്ണുകൾ പെയ്യാൻ വിട്ടവൾ വാതിൽ അടച്ചു അതിലേക്കു ചാരി നിന്നു..

മനസ്സിലാക്കെ ഒരു കാർമേഘം മൂടുന്നത് അവൾ അറിഞ്ഞു..

ഇനി താൻ ഈ വീട്ടിൽ നിന്നും ഒരുപാടു ദൂരെ ആണ്.... അതും ആരുടെയോ കൂടെ..
അലോചിക്കുംതോറും നെഞ്ചിൽ കത്തി കുത്തുമ്പോലെ തോന്നിയവൾക്ക്..

അവൾ വേഗം തന്നെ ബെഡിലേക്കിരുന്നു.... കൂടെ സൈഡ് ടേബിളിലായി വച്ചിരിക്കുന്ന ഫാമിലി ഫോട്ടോ കയ്യിലെടുത്തു..

അച്ഛനും അമ്മയും ഏട്ടന്മാരും അവളും..
അതായിരുന്നു അവളുടെ ലോകം...



അച്ഛൻ മാധവൻ അമ്മ മാലതി...അവർക്കു മക്കൾ മൂന്ന് ആണ്.. രണ്ട് ആണും ഒരു പെണ്ണും..
മൂത്തത് കാർത്തിക് എന്ന കിച്ചു ആൾ ഒരു എഞ്ചിനീയർ ആണ്.... രണ്ടാമത്തത് അഭിഷേക് എന്ന അഭി ആൾ ഡൽഹിയിൽ ചാർട്ടഡ് അക്കൗണ്ടന്റ് ആണ്... ഇളയവൾ ആണ് ജാനിക എന്ന ജാനു ഫാഷൻ ഡിസൈനിങ് ഡിഗ്രി കഴിഞ്ഞു...


അച്ഛൻ വലിയ ഒരു ബിസിനസ് ആയത് കൊണ്ട് തന്നെ നല്ല രീതിയിലാണ് അവളുടെ കുടുംബം.. വലിയ രണ്ടു നില വീടും ആർഭാടം നിറഞ്ഞ ജീവിതവും ആയിരുന്നു ജാനുവിന്റേത്...
ഏട്ടന്മാരുടെ പഞ്ചാര കുടവും അച്ഛന്റെ ഇള്ളകുഞ്ഞുമായിരുന്നു അവൾ..

അവൾക്കും അതുപോലെ തന്നെയായിരുന്നു... അച്ഛനും. അമ്മയും ഏട്ടന്മാരും അതായിരുന്നു അവളുടെ സന്തോഷം.. അവർക്കു വേണ്ടി എന്തു ചെയ്യാനും അവൾക്കു ഒരു മടിയും തോന്നില്ല.. കാരണം അവരുടെ പുഞ്ചിരിയിലാണ് തന്റെ സന്തോഷം എന്നവൾക്ക് അറിയാം..
അതുകൊണ്ട് തന്നെയാവാം അച്ഛന് വേണ്ടി ഇത്ര പെട്ടന്നൊരു കല്യാണത്തിന് സമ്മതിച്ചത്..


പക്ഷെ ഹൃദയത്തിന്റെ ഉൾകാടുകളിൽ നട്ടുവളർത്തിയ ഒരു പ്രണയ വള്ളി അവളിലും പടർന്നു പന്തലിച്ചിരുന്നു.... വർഷങ്ങളോളം അവളുടെ മനസ്സിലെ ഇരുട്ടറയിൽ അവ അവളുടെ രഹസ്യമായി പൂത്തു നിന്നു... ആരോടും പറയാതെ എന്തിനു!! അവൻ പോലും അറിയാതെ ജാനു അവനെ പ്രണയിച്ചു...

ആ പതിനെട്ടുകാരിയിൽ വിരിഞ്ഞ പ്രണയത്തിനു വിധിയുടെ കൈപ്പർന്ന സ്വാത് നിറഞ്ഞതും അവ എന്നെന്നേക്കുമായി നഷ്ടമാകുന്നത് അവൾ അറിഞ്ഞു..
പക്ഷെ ഒന്നും ചെയ്യാൻ അവൾക്കു കഴിഞ്ഞില്ല... രാത്രിയുടെ യാമങ്ങളിൽ കണ്ണീർ പൊഴിച്ചവൾ തന്റെ വേദനയെ മയിച്ചുകളയാൻ നോക്കിയവൾ പക്ഷെ തോറ്റു പോയിരുന്നു..


അതിനിടയിൽ എപ്പോഴോ ആണ് ഒരുപാടു പ്രൊപോസലും ആയി അച്ഛന്റെ വരവ്.... ആദ്യമൊന്നും ഒന്നിനും സമ്മതിച്ചില്ലെങ്കിലും അവസാനം ഏതോ ഒന്നിനവൾ സമ്മതം മൂളി..
ആരാണെന്നോ എന്താണെന്നോ അറിയാൻ അവൾ ശ്രമിച്ചില്ല എന്നായിരുന്നു സത്യം..

വീട്ടിലാകെ തന്റെ കല്യാണ ചർച്ചകൾ തുടങ്ങി.. കൂടെ പെണ്ണ് കാണലും.. ചെക്കന്റെ അച്ഛനും അമ്മയും അനിയനും വന്നാണ് ആ ചടങ്ങ് തീർത്തത് അന്ന് ചെക്കനെ കാണാൻ കഴിഞ്ഞില്ല..

അവർക്കു ഇഷ്ടമായതും പിന്നെ എല്ലാം പെട്ടന്നായിരുന്നു... അടുത്ത മുഹൂർത്തത്തിൽ തന്നെ കല്യാണം നടത്താൻ എല്ലാവരും തീരുമാനിച്ചു.. താനും അതിനു സമ്മതം മൂളി.. സമ്മതിക്കാതിരിക്കാൻ മാത്രം കാരണമൊന്നും അവൾ അതിൽ കണ്ടിരുന്നില്ല..

മൂന്ന് മാസത്തിൽ കല്യാണം ഉറപ്പിചപ്പോഴും ചെക്കനെ അവൾ കണ്ടിരുന്നില്ല....
ഒന്ന് കാണാനും കുറച്ചു സംസാരിക്കാനും അവൾ ആഗ്രഹിച്ചിരുന്നു.. പക്ഷെ ഓരോ തിരക്കുകൾ ആണെന്ന് പറഞ്ഞു അവന്റെ അമ്മ സമാധാനിപ്പിച്ചു..

അങ്ങനെ ദിവസങ്ങളിൽ ഒരിക്കൽ അവന്റെ കോൾ വന്നെത്തിയതും നെഞ്ചിടിപ്പോടെ ആണ് സംസാരിച്ചത്.. അതികം ഒന്നും മിണ്ടിയില്ലെങ്കിലും അവന്റെ സംസാര രീതി ഇഷ്ടപ്പെടുവാൻ തക്കയുള്ളതായിരുന്നു എന്ന് അവൾ ഓർത്തു..

വെറും അഞ്ചാറു തവണ മാത്രമേ സംസാരിച്ചിട്ടുള്ളു എങ്കിലും ആ ഒരാളെ മനസ്സിൽ പ്രണയിക്കാൻ അവൾ ശ്രമിച്ചിരുന്നു... ആ സംസാരം മാത്രം മതിയായിരുന്നു അവനോടുള്ള അടുപ്പം കൂടാൻ... പക്ഷെ ഇതുവരെ നേരിട്ട് കാണാതെ ഫോണിൽ മാത്രമുള്ള സംസാരം അവളിൽ ചെറു അകൽച്ച ഏൽക്കാതിരുന്നില്ല...


ഇപ്പൊ ഒന്ന് വിളിച്ചാലോ...
ചിന്തകളിൽ കുടുങ്ങിയ അവളുടെ മനസ്സിൽ പെട്ടന്നൊരു ചോദ്യം ഉതിർന്നതും ജാനു ഒന്ന് ആലോചിച്ചു..


വിളിക്കണോ.....
ഇനി വല്ല തിരക്കിലും ആയിരിക്കുമോ....

ഇനി ഉറങ്ങിക്കാണുമോ.... ഏയ്യ്... നാളെ കല്യാണം അല്ലെ... എന്നാലും വിളിച്ചു നോക്കിയാലോ...
ഓരോനും അലോചിച്ചവൾ ഫോട്ടോ ഫ്രെയിം ടേബിളിൽ വെച്ചുകൊണ്ട് ഫോൺ കയ്യിലെടുത്തു...
അപ്പോഴേക്കും നെഞ്ഞെല്ലാം പട പടാണ് മിടിക്കുന്നത് ജാനു അറിഞ്ഞു..
അല്ലെങ്കിലും അവന്റെ കാൾ വരുമ്പോൾ തന്നെ ഹൃദയം കിടന്നു പിടക്കുന്നത് പതിവുള്ളതാണ്..

അവൾ ഫോൺ അൺലോക്ക് ആക്കി കാൾ ലിസ്റ്റിൽ അമൻ❤️!! എന്നു സേവ് ചെയ്ത നമ്പറിലേക്ക് ഡയൽ ചെയ്തു...

ഫോൺ ബെല്ലിനൊപ്പം തന്റെ കൈകൾ വിറക്കുന്നതും തൊണ്ട വളരുന്നതും ജാനു അറിഞ്ഞു.. അവൾ ഉമ്മിനീർ വിഴുങ്ങിക്കൊണ്ട് ഫോണിലേക്ക് നോക്കിയിരുന്നു..


പെട്ടന്ന് അപ്പുറത്ത് ഫോൺ എടുത്തതും ജാനു ഞെട്ടികൊണ്ട് ഫോൺ ചെവിയിലേക്ക് വെച്ചു..

ആദ്യം തന്നെ ചെവി തുളച്ചുകയറുമ്പോലെയുള്ള പാട്ടാണ് കേട്ടത്.. ജാനു കണ്ണുകൾ മുറുക്കെ അടച്ചുപോയി.. പതിയേ അവ കുറഞ്ഞു വരുന്നതും അവസാനം അവിടെ പൂർണമായി നിശബ്ദത പടരുന്നതും അവൾ അറിഞ്ഞു..


❤️ഹലോ.... ജാനിക  കേൾക്കുന്നില്ലേ..
അവന്റെ ശബ്ദം കേട്ടതും ജാനു പിടച്ചിലോടെ ഫോൺ ഒന്നുകൂടി ചെവിയിലേക്ക് ചേർത്തു പിടിച്ചു..
ദേഹമാകെ തളരുന്നതും മുഖത്തു വിയർപ്പു പൊടിയുന്നതും അവൾ അറിഞ്ഞു... എന്തിന്....
അതു അവൾക്കു മനസ്സിലായില്ല...

❤️ഹലോ... പെണ്ണെ കേൾക്കുന്നില്ലേ...

ആ.. കേൾക്കാം..
വീണ്ടും അവന്റെ ശബ്ദം കേട്ടതും അവൾ വേഗം തന്നെ മറുപടി പറഞ്ഞു..


❤️എന്താ ഒന്നും മിണ്ടാതെ... ഇങ്ങനെ ഫോണും കയ്യിൽ പിടിച്ചു നില്കാനാണോ വിളിച്ചേ..
അവന്റെ സൗമ്യമായ ശബ്ദത്തിൽ അവൾ വേഗം തന്നെ അല്ലെന്ന് തലയാട്ടി..
പിന്നെ ചിരിച്ചുകൊണ്ട് നാവ് കടിച്ചു..

❤️വല്ലതും പറ ജാനിക...


ഞാൻ... വെറുതെ വിളിച്ചതാ... അവിടുത്തെ വിശേഷ അറിയാൻ....
എങ്ങെനെയോ പറഞ്ഞവൾ...

❤️ഹ്മ്മ്... ഇവിടെ ചെറിയ പാർട്ടി കഴിയാറായി... ഫ്രണ്ട്സും കസിൻസും ഒക്കെ ഏർപ്പാട് ആക്കിയതാണ്... അവിടെ എല്ലാം കഴിഞ്ഞോ...


കഴിഞ്ഞു.... ഞാൻ കിടക്കാൻ വന്നതാ... അവിടെ കിടക്കാൻ ആയില്ലേ...

❤️ഇല്ലെടോ... കുറച്ചു വൈകും എല്ലാം കഴിഞ്ഞു ഫുഡിന്റെ കുറച്ചു പരുവാടി ഉണ്ട്.. അപ്പോഴേക്കും നേരം വെളുക്കുവായിരിക്കും..
അവന്റെ നേർത്ത ചിരി കേട്ടതും ജാനുവും ഒന്ന് ചിരിച്ചു...

എന്നാ ശെരി ഞാൻ കിടക്കട്ടെ..... രാവിലേ എണിക്കാനുള്ളതാ...
ജാനു കുറച്ചു മടിയോടെ പറഞ്ഞു..

❤️ഓക്കേ ഓക്കേ... താൻ കിടന്നോ.... നന്നായി ഉറങ്ങിക്കോ നാളെ ഉറങ്ങാൻ പറ്റിയെന്നു വരില്ല...
ചിരിയോടെ അവൻ പറഞ്ഞതും ജാനു വാ പുളച്ചു പോയി....

❤️ഏയ്‌... Am just kidding yaar.... ഇനി അതും ചിന്തിച്ചു ഉറക്കം കളയണ്ട... Then good night..

Good night...
ചിരിയോടെ അവൻ പറഞ്ഞതും ചമ്മൽ മറച്ചുവെച്ചവൾ വേഗം തന്നെ കോൾ കട്ട് ആക്കി ഫോൺ ബെഡിലേക്കിട്ടു...

ഔഫ്ഫ്.....
ഒന്ന് ആഞ്ഞു ശ്വാസം വലിച്ചു വിട്ടവൾ...

എന്റെ പൊന്നോ..... ഇങ്ങനെ ആണ് ഇയാളുടെ സംസാരം എങ്കിൽ ഞാൻ എപ്പോ വീണെന്ന് ചോതിച്ചാൽ മതി...... എന്തു ക്യൂട്ട് ആയിട്ടാ സംസാരിക്കുന്നെ...
കണ്ണുക്കൂർപ്പിച്ചു ചിരിച്ചവൾ ബെഡിലേക്ക് വീണു..

അങ്ങനെ നാളെ ആദ്യമായി അയാളെ കാണാൻ പോകുന്നു..... അതും തന്റെ പാതി ആയിക്കഴിഞ്ഞു...
ചിന്തകളിൽ ആണ്ടവൾ മെല്ലെ ഉറക്കത്തിലേക്കു വഴുതി..



🌻🌻🌻🌻🌻🌻



ഗ്ലാസിലുള്ള വോഡ്ക വായിലേക്കാക്കിയവൻ മുന്നിലിരിക്കുന്നവനെ നോക്കി...
അവൻ ഫോണിൽ നോക്കുവാണ്...

ഡാ അമൻ.... ഒരു പെഗ് അടിക്കെടാ....
വിജയ് എന്ന വിജ്ജു ഒരു ഗ്ലാസ്‌ അവനു നേരെ നീട്ടികൊണ്ട് പറഞ്ഞതും അമൻ തല ഉയർത്തി അവനെ നോക്കി... പിന്നെ വേണ്ടെന്ന് തലയാട്ടി..

എന്താടാ.. നാളെ അല്ലെ നിന്റെ...കല്യാണം....സോറി മോനെ.... സമയം നാലാവാറായി... അപ്പൊ ഇന്ന്... എന്നിട്ടും നി.. ഒരു പെഗ് അടിച്ചില്ലെങ്കിൽ... മോശം.... ആണ്...
വൈദിക് നാക്ക് കുഴഞ്ഞു കൊണ്ടു പറഞ്ഞു...

വേണ്ട അമൻ... അവന്മാർ പലതും പറയും അതൊന്നും നി കേൾക്കാൻ നിൽക്കണ്ട.... നല്ല ഒരു ദിവസമായി കുടിക്കാൻ നിന്നാൽ.... വെറുതെ വേണ്ട...
സെമീൻ എന്ന സെമി അമന്റെ നോക്കികൊണ്ട് വേണ്ടെന്ന് തലയാട്ടികൊണ്ട് പറഞ്ഞു..

ഷേ... അവൻ അങ്ങനെ ഒക്കെ പറയും... അവനു കുടിക്കാൻ കഴിയില്ലല്ലോ ഹറാമല്ലേ... നി എടുക്കെടാ...

വേണ്ട വിജ്ജു.... കുടിച്ചാൽ ശെരിയാവില്ല..ഇപ്പൊ തന്നെ സമയം വൈകി..
അതും പറഞ്ഞുകൊണ്ട് അമൻ എഴുനേറ്റു...

എന്നാ ഞാൻ ഒന്ന് പോയി കിടക്കട്ടെ... നല്ല ക്ഷീണം ഉണ്ട്... നിങ്ങൾ ഇവിടെ ചില്ല് ആയിക്കോ...
അമൻ വിജ്ജുവിന്റെ തലയിൽ ഒന്ന് കിഴുക്കികൊണ്ട് വീട്ടിലേക്ക് നടന്നു....

ഇതാണ് കല്യാണ ചെറുക്കൻ...അമൻ ദേവ് ...

നിലാ വീട്ടിലെ കിഷോറിന്റെയും ശാരതയുടെയും മൂത്ത മകൻ..
കിഷോർ വലിയ ഒരു ബിസിനസ്കാരനാണ്... KA ഗ്രൂപ്സിന്റെ സിഇഒ ആണ് കിഷോർ..
ഭാര്യ ഹൌസ് വൈഫ്‌ ആണ്..
അവർക്കു രണ്ടു മക്കൾ.
മൂത്തത് അമൻ ദേവ്...
അവൻ സ്വന്തമായി ഒരു ഇവന്റ് മാനേജ്മെന്റ് കമ്പനി നടത്തുന്നു...കൂടെ അച്ഛന്റെ കമ്പനിയിൽ എംഡി കൂടി ആണ്....

ഡിഗ്രി പഠിക്കുമ്പോൾ അവനും ഒരു ഫ്രണ്ടും കൂടി ചെറുതായ രീതിയിൽ തുടങ്ങിയതാണ് ആ കമ്പനി....പക്ഷെ പകുതിയായതും അവന്റെ ഫ്രണ്ട് എല്ലാം അമന്റെ ഏല്പിച്ചു ദുബൈക്ക് പോയി... പിന്നെ അമൻ ആയിരുന്നു എല്ലാം നോക്കി നടത്തിയത്... ആദ്യം ഒരുപാടു പരാജയവും കഷ്പാടും നേരിട്ടെങ്കിലും വർഷങ്ങൾ കടന്നപ്പോൾ ബിസിനസ് വളർന്നു ഇന്ത്യ ഒട്ടാകെ പടർന്നു...

ഇപ്പൊ ചെക്കൻ ചുമ്മാ ക്യാഷ് വാങ്ങുന്നു.... ഒരുപാടു പണിക്കാറും..എല്ലാം നോക്കി നടത്താൻ ആൾ ഉള്ളതു കൊണ്ടുതന്നെ അമൻ വീട്ടിൽ ഇരുന്നു എല്ലാം നിരീക്ഷിച്ചാൽ മാത്രം മതി...

രണ്ടാമത്തെ മകൻ ആണ് ആദിദേവ്..
ആൾ അച്ഛന്റെ കമ്പനിയിൽ ആണ്....



ദേവ് വീട്ടിലേക്ക് കയറി....
ഉമ്മറത്തു രണ്ടു മൂന്ന് പേര് ഇരിക്കുന്നുണ്ട്...

ഇവർക്കൊന്നും ഉറക്കില്ലേ..
മനസ്സാലെ ഓർത്തവൻ അകത്തേക്കു കയറി..
വീടാകെ വെളിച്ചം ഒക്കെ ഉണ്ട്.. പക്ഷെ അകത്തു ആരെയും കാണാനില്ല...

ദേവ് നേരെ കിച്ചണിലേക്ക് നടന്നു...
അവിടെ ചെറിയമ്മ എന്തോ ഗ്യാസിൽ ഉണ്ടാക്കുവാണ്..

ചെറിയച്ഛൻ തൊണ്ട വയ്യ മോനെ... അതാ ചൂട് ചുക്ക്കാപ്പി ഉണ്ടാക്കികൊടുക്കാം എന്ന് കരുതിയെ... അമനെ കണ്ടതും അവർ ചിരിയോടെ പറഞ്ഞു... അതിനു അവരെ നോക്കി പുഞ്ചിരിയോടെ തലയാട്ടിയവൻ തിരിഞ്ഞു നടന്നു സ്റ്റെപ് കയറി..


അമൻ മുറിയിലേക്കു കയറി ഇട്ടിരുന്ന ബ്രസ്‌ലറ്റ് ഊരി ഡ്രെസ്സിങ് റൂമിലെ ടേബിളിൽ ഇട്ടു...
പിന്നെ ഒന്ന് മൂരി നിവിർന്നവൻ...

പിന്നെ ഷർട്ട്‌ മാറ്റി ഒരു ടവലും എടുത്തു ഫ്രഷ് ആവാൻ കയറി...


ഫ്രഷ് ആയി വന്നതും ഒരു ട്രാക്ക് എടുത്തിട്ടവൻ വേഗം തന്നെ ബെഡിലേക്ക് വീണു.. ക്ഷീണം കൊണ്ടോ ഇത്ര നാളത്തെ അലച്ചിൽ കൊണ്ടോ അവൻ വേഗം തന്നെ ഉറങ്ങിയിരുന്നു....





🌻🌻




രാവിലെ വാതിലിൽ മുട്ട് കേട്ടാണ് ജാനു കണ്ണുകൾ തുറന്നത്.. ആദ്യം അവൾ മടിയോടെ തിരിഞ്ഞു കിടന്നെങ്കിലും പെട്ടന്നു ബോധം വന്നപോലെ ചാടി എണീറ്റു...

വേഗം തന്നെ വാതിൽ തുറന്നതും മുന്നിൽ തന്നെ അമ്മ നിൽപ്പുണ്ട്..

ഫ്രഷ് ആയി വാ കുഞ്ഞി... ചായ കുടിച്ചു കിച്ചുവിന്റെ കൂടെ അമ്പലത്തിൽ പോയിട്ട് വാ...
അത്രയും പറഞ്ഞു അമ്മ പോയതും ജാനു മടിയോടെ ഫ്രഷ് ആവാൻ കയറി...

തണുത്ത വെള്ളം മേലാകെ ഒഴുകിയതും അവൾ ഒന്ന് വിറച്ചുപോയി.... പിന്നെ വേഗം തന്നെ കുളിച്ചു വന്നു ഒരു സെറ്റ് സാരി ഉടുത്തു...

ചെറുതായി ഒരുങ്ങി താഴെ ഇറങ്ങിയതും എല്ലാവരും ഹാളിൽ തന്നെ ഉണ്ട്..
അച്ഛനും വല്യച്ഛനും ചെറിയച്ഛനും അങ്ങനെ കുടുംബം തന്നെ ഉണ്ട്..

എല്ലാവരെയും നോക്കി പുഞ്ചിരിച്ചുകൊണ്ട് നേരെ അടുക്കളയിലേക്ക് പോയവൾ..
പുറകിൽ അവർ ഓരോനും പറയുന്നുണ്ട് കൂടെ അവളെ കളിയാകുന്നുണ്ട് അതൊന്നും മൈൻഡ് ചെയ്യാതെ ജാനു അമ്മയുടെ അടുത്തേക്ക് നടന്നു.

പക്ഷെ അപ്പച്ചിയാണ് ചായ തന്നത്...
ചായ കുടിച്ചുകൊണ്ട് അവർ ചോദിക്കുന്നതിന് മറുപടിയും കൊടുത് അവിടെ ഇരുന്നു..


കുഞ്ഞി.... വാ അമ്പലത്തിൽ പോണ്ടേ....
കിച്ചേട്ടൻ വന്നു വിളിച്ചതും വേഗം തന്നെ ഗ്ലാസും അവിടെ വെച്ചു ഹാളിലേക്ക് പാഞ്ഞു...

നോക്കുമ്പോൾ കുടുംബത്തിലെ പേരക്കുട്ടികൾ മുഴുവനും അവിടെ ഉണ്ട്..
എല്ലാം അമ്പലത്തിൽ പോകാൻ നിൽക്കുവാണ്..

കൂടെ ജാനുവും വന്നതും എല്ലാവരും രണ്ടു കാറിലായി അമ്പലത്തിലേക്ക് തിരിച്ചു...


തുടരും🌻



പുതിയ സ്റ്റോറി ആണ്..... ഒരു കുഞ്ഞു പ്രണയ കഥ....
ഒരുപാടു പാർട്ട് ഒന്നും ഉണ്ടാവില്ല....
പിന്നെ ഞാൻ ഇതുവരെ വായിക്കാതെ ഒരു തീം ആണ്... അതു എന്റേതായ രീതിയിൽ ഞാൻ ഉണ്ടാക്കി.. എല്ലാവരും അഭിപ്രായം പറയണം...


ഷാൻ💕🦋