🔥ജഗൻ🔥

Part -1



നെഞ്ചിൽ പറ്റിച്ചേർന്ന് കിടക്കുന്ന മഞ്ഞ ചരടിൽ കോർത്ത താലിയും നെറുകയിലെ ചുവപ്പും  അത് കാണുതോറും മനസ്സിൽ ആശങ്ക മാത്രമാണ്....കണ്ണുകൾ നിറയുന്നു പക്ഷെ എന്തിന് സന്തോഷമോ  അതോ സങ്കടമോ അറിയില്ല 😓ഒരുതരം നിർവികാരത മാത്രം  അപ്പോഴും ഉള്ളിന്റെ ഉള്ളിൽ ഒരു ആശ്വാസം


"ഏട്ടത്തി..."ആ വിളിയാണ് അവളെ ചിന്തകളിൽ നിന്ന് മുക്തയാക്കിയത് അവൾ ഒരു ഞെട്ടലോടെ തിരിഞ്ഞു നോക്കി......  തന്നെ നോക്കി പുഞ്ചിരിക്കുന്ന ഒരു ചെറുപ്പക്കാരൻ കണ്ടാൽ ഒരു 17,18വയസ്സ് തോന്നിക്കും അവളും തിരിച്ച് ഒരു നേർത്ത പുഞ്ചിരി നൽകി എങ്കിലും വന്നയാളെ മനസിലാകാത്തതിന്റെ ഒരു അങ്കലാപ്പ് അവളുടെ  മുഖത്ത് വ്യക്തമായി

"ഏട്ടത്തിക്ക് എന്നെ മനസിലായില്ല അല്ലെ"
അതിനവൾ ഇല്ലെന്ന്  തലയാട്ടി

"എനിക്കറിയാം ആ മുരടൻ എന്നെകുറിച്ച് ഒന്നും പറഞ്ഞുകാണില്ലെന്ന് ഞാൻ വിച്ചു ഏട്ടന്റെ അനിയനാ"
അവൻ പറഞ്ഞതും അവൾ വീണ്ടും സംശയത്തോടെ അവനെ നോക്കി

"എന്റെ പൊന്ന് ഏട്ടത്തി  നിങ്ങടെ കെട്ടിയോൻ ജഗൻ ഇല്ലേ അങ്ങേരെ അടുപ്പം ഉള്ളവർ വിച്ചൂന്നാ വിളിക്കുവ ഞാൻ അങ്ങേര്ടെ ഒരേയൊരു അനിയൻ ഗഗൻ എല്ലാരും അച്ചുന്ന് വിളിക്കും ഇപ്പോ മനസിലായോ"

അച്ചു ചോദിച്ചതും അവൾ പുഞ്ചിരിയോടെ ആയെന്ന രീതിയിൽ തലയാട്ടി

"അല്ല ഏട്ടത്തിടെ പേര് എന്തുവാ"

"ദേവയാമി"

"ആഹാ കൊള്ളാല്ലോ നല്ലടിപൊളി പേര് മനുവേട്ടൻ വിളിച്ച് ഒരു സർപ്രൈസ് ഉണ്ടെന്ന് പറഞ്ഞപ്പോ അതിതായിരിക്കുംന്ന് ഞാൻ ഒട്ടും പ്രതീക്ഷിച്ചില്ലട്ടോ എന്തൊക്കെ സ്വപ്‌നങ്ങൾ ആയിരുന്നു ഏട്ടന്റെ കല്യാണം അടിച്ച് പൊളിക്കണം..... ഫ്രണ്ട്സിന് ട്രീറ്റ്‌ കൊടുക്കണം....എല്ലാം വെള്ളത്തിൽ വരച്ച  വരപോലായി ബട്ട്‌ സരൂല ആം ഹാപ്പി എനിക്ക്  നല്ല ചുന്ദരി ഏട്ടത്തിയമ്മയെ തന്നെ എന്റെ ഏട്ടൻ കൊണ്ടുവന്നല്ലോ"
അരികിലായി ഇരുന്ന് സന്തോഷത്തോടെ പറയുന്നവനെ  ദേവു പുഞ്ചിരിയോടെ നോക്കി അതുവരെ അവളിൽ ഉണ്ടായിരുന്ന ഭയമെല്ലാം ആ നിമിഷം എവിടെയോ പോയി മറഞ്ഞിരുന്നു


"നിനക്ക് വിച്ചന്റെ കല്യാണം അടിച്ച് പൊളിക്കാൻ പറ്റില്ലെങ്കിൽ എന്താടാ അച്ചു നല്ല പാവം ഏട്ടത്തി കൊച്ചിനെ കൊണ്ടുവന്നില്ലേ പിന്നെ  ഫ്രണ്ട്സിന് ട്രീറ്റ്‌ ചെയ്യണംന്ന്  ഉണ്ടേൽ പോയി നിന്റെ ഏട്ടനോട് പറ അവൻ അതിന് ഏർപ്പാടാക്കി തരും"
ചെറുപ്പകാരൻ അങ്ങോട്ട്‌ കേറി വന്നു  കൊണ്ട് പറഞ്ഞു

"എന്റെ പൊന്ന് മനുവേട്ടാ നിങ്ങക്ക് ഞാൻ സമാധാനത്തോടെ ഇരിക്കുന്നത് തീരെ പിടിക്കുന്നില്ലല്ലെ ഞാൻ ഇതും പറഞ്ഞോണ്ട് അങ്ങ് ചെന്നാൽ അങ്ങേര് എന്നെ ഭിത്തിൽ ഒട്ടിക്കും "
🤣🤣🤣🤣
അച്ചു പരിഭാവത്തോടെ പറഞ്ഞതും മനു പൊട്ടിച്ചിരിച്ചു പിന്നെ പതിയെ അവനരികിലായി നിൽക്കുന്ന ദേവുവിനെ നോക്കി

"ആഹാ ഇവൻ വന്നപ്പോ പെങ്ങള് കൊറച്ച് ഉഷാർ ആയല്ലോ.... ഇന്നലെ പെട്ടെന്നുള്ള  നിങ്ങടെ  കല്യാണം പിന്നെ ഇങ്ങോട്ട് ഉള്ള യാത്ര ഒക്കത്തിനും ഇടക്ക് ഒന്ന് പരിചയപ്പെടാൻ കൂടി പറ്റിയില്ല ദേവയാമി അതല്ലേ പേര് ഞാൻ മാനവ് എല്ലാരും മനുന്ന് വിളിക്കും വിച്ചു ശേ  ജഗന്റെ ഫ്രണ്ട്  ആണ്   ഇനിമുതൽ മോൾടെ ചേട്ടനും "
പുഞ്ചിരിയോടെ മനു പറഞ്ഞതും അവളും തിരിച്ച് ഒരു പുഞ്ചിരി നൽകി

"ന്റെ പൊന്ന്  മനുവേട്ടാ ജഗൻ ന്ന് പറഞ് ബുദ്ധിമുട്ടണ്ട  ഏട്ടന്റെ നിക്ക് നെയിം വിച്ചൂന്ന് ആണെന്ന് ഞാൻ പറഞ്ഞു കൊടുത്തിട്ടുണ്ട്........
എന്റെ പൊന്ന് ഏട്ടത്തി ഈ മനുവേട്ടൻ ഫുൾ ശോകം ആണ് മനുഷ്യൻ ആണെന്ന് മനസിലാക്കാൻ മാനവ് ന്ന് പേരിട്ട് ആളെ പറ്റിക്കാൻ ഇറങ്ങിയേക്കുവാ കാലൻ "

"ടാ.. അനിയൻ തെണ്ടി കൂടെ നിന്ന് ഊതല്ലേ പെങ്ങള് നിൽക്കുന്നോണ്ട് ഞാൻ ഒന്നും പറയുന്നില്ല നീ പൊറത്തോട്ട് വാട്ടാ നിനക്ക് ഞാൻ കാണിച്ച് തരാം"

"അയ്യേ.... എനിക്കൊന്നും കാണണ്ട🙈...... അല്ല അതൊക്കെ വിട് ഏട്ടത്തി......എവിടെ നിങ്ങടെ പുന്നാര കെട്ടിയോൻ എന്റെ സേട്ടൻ😁"

"അറിയില്ല.... എന്നെ ഇവിടെ ആക്കിട്ട് എങ്ങോട്ടോ പോയി"

"എന്നിട്ട് എങ്ങോട്ടാ  പോണേന്ന്  ഏട്ടത്തി ചോദിച്ചില്ലേ"


"ഇല്ല എനിക്ക് പേടിയാ😔"


"ആരെ ഏട്ടനെയോ"അച്ചു പൊട്ടിച്ചിരിയോടെ ചോദിച്ചതും  ദേവു ചമ്മലോടെ തലയാട്ടി

"ആഹാ ബെസ്റ്റ് എന്നിട്ടാണോ ഏട്ടൻ കെട്ടാൻ വന്നപ്പോ സന്തോഷത്തോടെ നിന്ന് കൊടുത്തേ  വെറുതെയല്ല  ഈ പൂച്ചാകുഞ്ഞിനെ എന്റെ ഏട്ടന് ഇഷ്ടയെ..... എന്റെ ഏട്ടൻ ആയോണ്ട് പറയല്ല  ഏട്ടത്തി  കാണാൻ ഒരു കലിപ്പൻ ലുക്ക്‌ ഉണ്ടെന്നേ ഉള്ളു ആളൊരു പാവാ ഒരു ഉറുമ്പിനെ പോലും നോവിക്കാത്തവൻ അല്ലെ മനുവേട്ടാ...."
😓അച്ചു ഫുൾ നിഷ്കു ലുക്കിട്ട് മനുവിനെ നോക്കി ചോദിച്ചതും മനു ഇതൊക്കെ എപ്പോ എന്ന രീതിയിൽ അവനെ 😲മിഴിച്ച് നോക്കി ദേവു അപ്പോഴും ഒന്നും മിണ്ടാതെ അവരെ നോക്കി ഒരു പുഞ്ചിരിയോടെ ഇരുന്നു😊


"അല്ല സാധാരണ ഒരു പെണ്ണ് കല്യാണം കഴിഞ്ഞ് ഭർത്തുന്റെ വിട്ടിൽ വരുമ്പോ  വിട്ടിൽ ഉള്ള സ്ത്രീ i മീൻ അമ്മയോ ചേച്ചിയോ മറ്റും വിളക്ക് കൊടുത്ത് വലതുകാൽ വെച്ച് സ്വീകരിക്കുന്ന ചടങ്ങ് ഉണ്ടല്ലോ ഇവിടെ  അങ്ങനെ സ്ത്രീകൾ ഇല്ലാത്തോണ്ട്  അതൊന്നും ഇല്ലാതെയാണോ എന്റെ ഏട്ടൻ ഈ പാവത്തെ ഇങ്ങോട്ട്  കേറ്റിയത്"
ഗൗരവത്തോടെ ഉള്ള അച്ചുവിന്റെ ചോദ്യം കേട്ട് മനു ഒരു നിമിഷം പകച്ചുപോയി സംഭവം വേറൊന്നും അല്ല ചോക്ലേറ്റിന് വേണ്ടി അടികൂടിനടന്ന ചെക്കന് പെട്ടെന്ന് എവിടുന്നാ ഇത്രേം ബോധം വന്നെന്ന് ഓർത്താ...

"അയ്യോ.....അല്ല എന്റെ കാർന്നോരെ എന്റെ അമ്മ വന്ന് വിളക്ക് കൊടുത്ത് എല്ലാ ചടങ്ങോടും കൂടിയാ ഇങ്ങോട്ട് കേറ്റിയത് അമ്മ ഇപ്പോ നീ വരുന്നെന് കുറച്ച് മുൻപേയാ വിട്ടിൽ പോയത്  ഓ.... ഞാൻ പറയാൻ മറന്നു നേരത്തെ വിളക്ക് തന്നത് എന്റെ അമ്മയാട്ടോ ദേവൂട്ടി പേര് ശാരദ സമയംപോലെ പരിചയപെട്ടോ തൊട്ടപ്പുറത്ത് ഉള്ളതാ എന്റെ വീട്  യാത്രക്ഷീണം ഒക്കെ മാറിട്ട് വിച്ചന്റെ അച്ചുന്റേം കൂടെ അങ്ങ് പോര്"

ദേവു അതിന് നിറഞ്ഞ പുഞ്ചിരിയോടെ തലയാട്ടി അച്ചുവിന്റെയും മനുവിന്റെയും സ്നേഹം അവളിൽ വല്ലാത്ത സന്തോഷം നിറച്ചിരുന്നു

" മനുവേട്ട ഈ ഏട്ടൻ ഇത് എവിടെ പോയതാ"

"അറിയില്ല അച്ചു വന്നപ്പോ തന്നെ എന്തോ ആവിശ്യം ഉണ്ട്ന്നും പറഞ് പോയതാ....ആഹാ വന്നല്ലോ  നിന്റെ ഏട്ടൻ" വീണ്ടും അച്ചു എന്തോ ചോദിക്കാൻ വന്നതും  മനു പറഞ്ഞത് കേട്ട് അവൻ നോക്കുന്നിടത്തേക്ക് നോക്കിയതും കണ്ടു തങ്ങളെ നോക്കി കയ്യിൽ നിറയെ കവറുമായി  നിൽക്കുന്നവനെ....

ഷേപ് ആക്കി വെട്ടി ഒതുക്കി വച്ച താടിയും മീശയും ഓരോ മുടി അലസമായി മുഖത്തേക്ക് വീണു കിടപ്പുണ്ട് ഇടതുകയ്യിൽ ഒരു സിൽവാറിന്റെ ഇടിവള കിടപ്പുണ്ട്...കുഞ്ഞി കണ്ണുകൾ... കല്യാണത്തിന് ധരിച്ച  വെള്ള ഷർട്ടും ഗോൾഡൻ കര മുണ്ടും തന്നെയാണ് വേഷം മുണ്ട് മടക്കി കുത്തി വച്ചിരിക്കുകയാണ് മുഖത്ത് അപ്പോഴും സ്ഥായി ഭാവം ഗൗരവം തന്നെ.... അവനെ കണ്ടതും ദേവു കട്ടിലിൽ നിന്ന് ചാടി എഴുന്നേറ്റ് എന്ത് ചെയ്യണം എന്ന് അറിയാതെ പേടിയോടെ തലതാഴ്ത്തി നിന്നു

ദേവു എണിച്ചതിന്റെ പിന്നാലെ തന്നെ അച്ചുവും എണിച്ചു നിന്നു ജഗനെ നോക്കി നല്ല ക്ലോസപ്പിന്റെ ഒരു ഇളി പാസാക്കി

"ഏട്ടാ ഏട്ടൻ എപ്പോ വന്നു ഞാൻ കണ്ടില്ലല്ലോ"

"ഏട്ടൻ വന്നിട്ട് 10,28 കൊല്ലായി എന്തെ എന്റെ പുന്നാര അനിയന് വല്ല പ്രശ്നോം ഇണ്ടോ "ജഗൻ ഗൗരവത്തോടെ ചോദിച്ചതും അച്ചു ഇല്ലെന്ന രീതിയിൽ തലയാട്ടി

"നീ എന്തിനാടാ വിച്ചു ചെക്കനെ ഇങ്ങനെ പേടിപ്പിക്കുന്നെ... അല്ല നീ ഇത് എവിടെ പോയിട്ട് വരുവാടാ ഇതെന്താ കുറെ കവറുണ്ടല്ലോ"


"ഞാ.. ഞാൻ ഇവക്ക് കൊറച്ച് ഡ്രസ്സ്‌ വാങ്ങാൻ പോയതാ അല്ലാതെ ജീവിതകാലം മുഴുവൻ ഈ കല്യാണസാരിയും ഇട്ട് നിർത്താൻ പറ്റുവോ "😠😠മനുവിന്റെ ചോദ്യത്തിൽ ആദ്യം ഒന്ന് പതറിയെങ്കിലും ഗൗരവം വിടാതെ ജഗൻ പറഞ്ഞൊപ്പിച്ചു

"ഓഹോ അങ്ങനെ... മ്മ് നടക്കട്ടെ...നടക്കട്ടെ... വാടാ അച്ചു നമ്മക്ക് ഹോളിൽ പോയി ഇരിക്കാം ഇനി അവർ ഭാര്യയും ഭർത്താവും എന്താ വച്ചാ ആയിക്കോട്ടെ "ഇത്രയും പറഞ് മനു അച്ചുവിന്റെ തോളിൽ കയ്യിട്ട് പുറത്തേക്ക് നടന്നതും  ജഗൻ മനുവിനെ തുറിച്ച്  നോക്കി പല്ല്കടിച്ചു... അവർ പോയതും പതിയെ അവന്റെ കണ്ണുകൾ അവന് മുൻപിലായി പേടിയോടെ തലകുനിച്ച് നിൽക്കുന്ന പെണ്ണിൽ എത്തി നിന്നു...

സാരിത്തുമ്പിൽ തെരുത്ത് പിടിച്ചുള്ള അവളുടെ നിൽപ്പും വിറയ്ക്കുന്ന ചുണ്ടുകളും തന്നോടുള്ള ഭയത്താൽ പിടിയുന്ന മിഴികളും കാണെ ഇതുവരെ അറിയാത്ത  എന്തൊക്കെയോ  വികാരങ്ങൾ തന്നിൽ മുളയിടുന്നത് അവൻ അറിഞ്ഞതും സ്വയം ഒന്ന് നിയന്ത്രിച്ച് ദേഷ്യത്തിന്റെ മൂടുപടം അണിഞ്ഞു

"ഡീ.....😠"ഗൗരവത്തോടെ ഉള്ള അവന്റെ വിളിയിൽ അവൾ ഒന്ന് ഞെട്ടി അവനെ നോക്കി കണ്ണുകൾ തമ്മിൽ ഇടഞ്ഞതും രണ്ടുപേരും വേഗം നോട്ടം മാറ്റി

"ഇന്നാ ഇത് പിടിക്ക് ഇതിൽ നിനക്ക് ആവിശ്യം ഉള്ള ഡ്രെസ്സും മറ്റ് സാധനങ്ങളും ഉണ്ട് വേറെ എന്തേലും വേണേൽ പറഞ്ഞാമതി... പോയി ഫ്രഷ് ആയിട്ട്  ഹോളിലേക്ക് വാ എനിക്ക് കുറച്ചു കാര്യങ്ങൾ അറിയാനുണ്ട് "
കവറുകൾ തന്റെ കയ്യിൽ തന്ന് ഗൗരവത്തോടെ പറഞ് പുറത്തേക്ക് പോകുന്നവനെ ഒരു നിമിഷം നോക്കി നിന്നവൾ പിന്നെ കയ്യിൽ കിട്ടിയ ഒരു സ്കെർട്ടും ടോപ്പും എടുത്ത് പതിയെ റൂമിനോട് അറ്റാച്ച് ചെയ്ത ബാത്റൂമിലേക്ക് കേറി....

❤❤❤❤

തലയിലേക്ക് വീഴുന്ന തണുത്ത വെള്ളത്തിൽ കണ്ണടച്ച് ഇന്ന് നടന്ന ഓരോ സംഭവവും അവൾ ഓർത്തെടുത്തു കാണാൻ ആഗ്രഹിക്കാത്ത മുഖങ്ങൾ മനസിലേക്ക് ഓടിയെത്തിയതും പെട്ടെന്നവൾ കണ്ണുകൾ വലിച്ച് തുറന്നു

❤❤❤❤❤

ഹോളിലെ സോഫയിലായി ഇരുന്ന് മനുവിനോട് എന്തൊക്കെയോ കാര്യമായി പറയുകയാണ് അച്ചു... ജഗനും അവർക്ക് അടുത്തായി തന്നെ ഇരിപ്പുണ്ട് നോട്ടം കയ്യിലുള്ള ഫോണിൽ ആണെങ്കിലും ഇടയ്ക്കിടെ അച്ചുവിന്റെയും മനുവിന്റെയും സംസാരം ശ്രെദ്ധിക്കുന്നുണ്ട്

"ഐവ... ഇപ്പോ ചുന്ദരിമണി ആയല്ലോ എന്റെ ഏട്ടത്തിപ്പെണ്ണ്...ഏട്ടത്തിക്ക് ഈ ഡ്രസ്സ്‌ നന്നായി ചേരുന്നുണ്ട് കേട്ടോ ഇപ്പോ കുഞ്ഞി കുട്ടിയാണെന്നെ കരുത്തു അല്ലേലും ആരുടെയാ സെലെക്ഷൻ ന്ന് നോക്കണ്ടേ ഏട്ടൻ സെലക്ട്‌ ചെയ്ത ഏട്ടത്തിയമ്മയും സൂപ്പർ ഡ്രെസ്സും സൂപ്പർ അല്ലെ മനുവേട്ടാ"

അച്ചുവിന്റെ പറച്ചിൽ കേട്ടാണ് ജഗൻ ഫോണിൽ നിന്നും കണ്ണ്ഉയർത്തിയത്...താൻ അണിയിച്ച താലിയും  അണിഞ് നിൽക്കുന്നവളെ അവൻ കണ്ണിമാക്കാതെ നോക്കി നിന്നു നനവാർന്ന തലമുടി തോർത്ത്‌ ഉപയോഗിച്ച് കേറ്റിവച്ചിട്ടുണ്ട്  സീമന്തരീകയിലെ ചുവപ്പല്ലാതെ മറ്റ് ഒരു ചമയങ്ങളും ഇല്ല എങ്കിലും എന്തോ ഒരു സൗന്ദര്യം ഉള്ളത് പോലെ താൻ വാങ്ങിക്കൊടുത്ത ഡ്രസ്സ്‌ അവൾക്ക് നന്നായി ഇണങ്ങുന്നുണ്ട്


"ഡാ വിച്ചു മതി നോക്കിയത് അത് നിന്റെ സ്വന്തം പ്രോപ്പർട്ടിത്തന്നാ"മനുവിന്റെ വിളിയിലാണ്  താൻ ഇത്രയും നേരം അവളെ നോക്കുകയായിരുന്നെന്ന ബോധം ജഗന് വന്നത് ചെറിയ ചമ്മൽ തോന്നി എങ്കിലും മുഖത്ത് ഇച്ചിരി കലിപ്പ് ഫിറ്റ്‌ ചെയ്ത് അവനെ നോക്കി പേടിപ്പിച്ചു....വീണ്ടും പതിയെ അവളിലേക്ക് നോട്ടം മാറ്റി

"ഡീ....വന്ന് ഇരിക്ക് എനിക്ക് കുറച്ച് കാര്യങ്ങൾ ചോദിക്കാൻ ഉണ്ട് "താൻ പറഞ്ഞിട്ടും ഒരടി അനങ്ങാതെ നിൽക്കുന്നവളെ അവൻ നോക്കി അപ്പോഴേക്കും അച്ചു അവളുടെ കയ്യിൽ പിടിച്ച് വലിച്ച് അവനരികിലായി ഇരുത്തിയിരുന്നു


"ഡീ...പെണ്ണെ  നിന്റെ പേരെന്താ"ജഗന്റെ ചോദ്യം കേട്ടതും ദേവു കണ്ണും തള്ളി അവനെ നോക്കി അവന്റെ മിഴികളും തന്നിലാണെന്ന് അറിഞ്ഞതും വേഗം തലയും താഴ്ത്തിയിരുന്നു അച്ചുവിന്റെയും  മനുവിന്റെയും അവസ്ഥയും മറിച്ചാല്ലായിരുന്നു അവരും കണ്ണും തള്ളി അവനെ നോക്കിയിരുന്നു സ്വന്തം ഭാര്യയുടെ പേര് പോലും അറിയാത്ത ഭർത്താവ് 🤣

"ഡീ.....ഞാൻ ചോദിച്ചത് കേട്ടില്ലേ 😠"

"ദേവ..... ദേവയാമി"
ജഗൻ വീണ്ടും കലിപ്പിട്ടതും ദേവു വിക്കലോടെ
എങ്ങനെയൊക്കെയോ പറഞ്ഞൊപ്പിച്ചു
കഴിഞ്ഞതും വന്നു അടുത്ത ചോദ്യം

"നിനക്കെത്ര വയസായി 🤨"

"20"
ഉത്തരം പറയാതിരുന്നാൽ വീണ്ടും അവൻ ദേഷ്യപ്പെടും എന്ന് പേടിച്ച് വേഗം പറഞ്ഞു അപ്പൊഴും രണ്ടെണ്ണം ഒന്നും മനസിലാക്കാത്ത പോലെ നോക്കി ഇരുന്നു

"നിങ്ങൾ എന്നെ ഇങ്ങനെ നോക്കുവൊന്നും വേണ്ട ഇവള്ടെ അമ്മാവന്  ചെയ്ത് കൊടുക്കേണ്ട ഉപകാരത്തിന് പകരം ഇവളെ വേണംന്ന്   അയാളോട് ഞാൻ ആവിശ്യപെട്ടത് നേരാ പക്ഷെ എനിക്ക് ഇവളെക്കുറിച്ച് ഒന്നും അറിയില്ല അതാണ്‌ സത്യം....എന്തായാലും  നിനക്ക് 18വയസ്സ് കഴിഞ്ഞിനല്ലെ  ഇപ്പോഴാ ഒന്ന് സമാധാനം ബാലവിവാഹത്തിന് ഞാൻ ജയിലിൽ പോകേണ്ടിവരുവോന്ന് പേടിച്ചുപോയി"

ജഗൻ പകുതി കാര്യമായും പിന്നെ കളിയായും പറയുന്നത് കേട്ട് ദേവൂവും അച്ചുവും മനുവും കണ്ണും തള്ളിയിരുന്നു തന്നെ കളിയാക്കിയതാണെന്ന് മനസിലായതും ദേവുവിന്റെ മുഖത്ത് അറിയാതെ ഒരു കുഞ്ഞു പരിഭവം മോട്ടിട്ടു


"സൊ ഇനി എനിക്ക് അറിയേണ്ട കാര്യത്തിലേക്ക്  കടക്കാം"
ഇനി ജഗൻ എന്താണ് ചോദിക്കാൻ പോകുന്നതെന്ന് അറിയാൻ എല്ലാവരും അവനിൽ തന്നെ കണ്ണും നട്ടിരുന്നു

"ശെരിക്കും എന്താ നിന്റെ ഐഡന്റിറ്റി അയാള് പറഞ്ഞത് നീ അയാളുടെ അനിയത്തീടെ മോളാണെന്ന പക്ഷെ നിന്റെ ആ  പരട്ട കെളവൻ അമ്മാവന് നിന്നോടുള്ള സ്നേഹം എത്രയാണെന്ന് എനിക്ക് നല്ലോണം മനസിലായതാ.....നീ ചത്താലും ജീവിച്ചാലും അയാൾക്ക് ഒരു കോപ്പും ഇല്ല അല്ലാതെ പെങ്ങടെ മോളോട് സ്നേഹം ഇണ്ടായിരുന്നെങ്കി  എന്നെപോലെ ഊരും പേരും അറിയാത്ത ഒരു തല്ലുകൊള്ളിയെ  ഒന്നും അന്വേഷിക്കാതെ ....... അതും അയാൾ പറഞ്ഞ ആളെ കൂലിക്ക് തല്ലാൻ റെഡി ആയി  നിൽക്കുന്ന എനിക്ക് പണത്തിനു പകരം ഈ  പെണ്ണിനെ മതിന്ന് ഞാൻ  പറഞ്ഞപ്പോ തല്ലി ഇറക്കിയേനെ അല്ലാതെ അതിന് സമ്മതം മൂളില്ലായിരുന്നു  നിന്നെകുറിച്ച് അറിയാൻ ആ നാട്ടിൽ അന്വേഷിക്കാൻ എനിക്ക് അറിയാം പക്ഷെ വീണ്ടും അവിടേക്ക് ഒരു തിരിച്ചു പോക്ക് അത് ഈ ജഗൻ ആഗ്രഹിക്കുന്നില്ല എനിക്ക് അറിയേണ്ടത് നീ പറഞ്ഞാ മതി സൊ പറ ആരാ നീ ആ വീടും അവിടുത്തെ ആൾക്കാരും ആയിട്ട് നിനക്കെന്താ ബന്ധം"

ജഗന്റെ ഓരോ ചോദ്യത്തിലും നിറഞ്ഞു നിൽക്കുന്ന ഗൗരവം ഒരുമാത്ര അവളിൽ ഭയം നിറച്ചിരുന്നു അപ്പോഴും പഴയ ഓർമകളിൽ അവളുടെ കണ്ണുകൾ ഈറനണിഞ്ഞു     തന്നെ കേൾക്കാൻ കാത്തിരിക്കുന്നവരെ കാണെ അവളിൽ ഒരു നേർത്ത  ഭയം ഉണ്ടായിരുന്നു എങ്കിലും അവൾ പറഞ്ഞു തുടങ്ങി


തുടരും.....


ഇന്നലെമുതൽ  എന്റെ ഉറക്കം കെടുത്തിയ ഒന്നാണ് ഈ കഥ പെട്ടെന്ന് തുടങ്ങിയതാണ് പെട്ടെന്ന് അവസാനിക്കുകയും ചെയ്യും എന്ന് ഉറപ്പാണ് കൂടിപ്പോയാൽ ഒരു 10പാർട്ട്‌ അതും daily തരുന്നതായിരിക്കും ഇല്ലെങ്കിൽ എനിക്കൊരു സമാധാനം കിട്ടില്ല അതാ 😁   കൈലാസം വേഗം തന്നെ തരാട്ടോ

നിങ്ങളുടെ സ്വന്തം
ശിവ ❤