ഭാഗം 1

“Congratulations.. You are pregnant..”

ഡോക്ടറുടെ വാക്കുകൾ ദക്ഷയുടെ ചെവിയിൽ മുഴങ്ങിക്കൊണ്ടിരുന്നു. നെഞ്ചിൽ വല്ലാത്തൊരു ഭാരം നിറയുന്നതവൾ അറിഞ്ഞു.

പെട്ടെന്നാണ് കൈതുടയിൽ അവൾക്ക് വേദന അനുഭവപ്പെട്ടത്.. അപ്പോൾ മാത്രമാണ് ദക്ഷ തന്റെ ചിന്തകളിൽ നിന്നും പുറത്ത് വന്നതും.

“നീയിത് എന്ത് ആലോചിച്ചിരിക്കുവാ.. Are you out of your mind..??”

വൈഭവിന്റെ ഘനമേറിയ ശബ്‌ദം ചെവിയിൽ പതിഞ്ഞതും അവളൊരു പിടപ്പോടെ മുഖമുയർത്തി നോക്കി.

ദക്ഷയ്ക്ക് എന്തെങ്കിലും മറുപടി കൊടുക്കാൻ കഴിയും മുൻപേ വൈഭവിന്റെ കൈകൾ അവളുടെ പിൻങ്കഴുത്തിൽ മുറുകി, ചുണ്ടുകൾ അവളുടെ ചൊടികളെ ശക്തമായി നുണഞ്ഞെടുത്തു..

ഏതാനും നിമിഷങ്ങൾ നീണ്ടു നിന്ന ആ ചുംബനത്തിന് ശേഷം അവൻ എണീറ്റ് വാഷ്‌റൂമിലേക്ക് പോയിരുന്നു.

ആ വലിയ കട്ടിലിൽ ദക്ഷ അങ്ങനെ തന്നെ കിടന്നു. മുടിയിഴകൾ വിയർപ്പിൽ നനഞ്ഞൊട്ടി അവളുടെ നെറ്റിയിലും കവിളുകളിലുമായി പറ്റിപ്പിടിച്ചിരുന്നു. വെറുതെ സീലിങ്ങിൽ നോട്ടമെയ്തു കിടക്കുമ്പോൾ അവളുടെ കണ്ണുകൾ നിറഞ്ഞു വന്നു. നഗ്നമായ ശരീരത്തിൽ ചെറുതായി വേദന അനുഭവപ്പെടുന്നുണ്ടായിരുന്നു അപ്പോൾ.

കുറച്ചു നിമിഷങ്ങൾ അങ്ങനെ തന്നെ കിടന്ന ശേഷം നൈറ്റ് സ്റ്റാൻഡിന്റെ ഡ്രോയറിൽ നിന്നും അവളാ പ്രെഗ്നൻസി ടെസ്റ്റ് റിപ്പോർട്ട് എടുത്തു നോക്കി.

അന്നേ ദിവസം ഉച്ചയ്ക്ക് ശേഷം വയറുവേദനയും ഛർദിയും മൂലമാണ് ദക്ഷ ഹോസ്‌പിറ്റലിൽ പോയത്. ഡോക്ടറുടെ നിർദ്ദേശ പ്രകാരം യൂറിൻ ടെസ്റ്റ് ചെയ്തപ്പോഴാണ് ആ വാർത്ത അവളറിയുന്നത്.. താൻ അഞ്ചാഴ്ചയോളം ഗർഭിണിയാണ് എന്ന്..!!

അത് ദക്ഷയ്ക്ക് വലിയൊരു ഷോക്ക് തന്നെ ആയിരുന്നു. കാരണം അവളും വൈഭവും ഇന്റിമേറ്റ് ആകുമ്പോഴൊക്കെയും പ്രൊട്ടക്ഷൻ യൂസ് ചെയ്തിരുന്നു.

ഭ്രാന്ത് പിടിപ്പിക്കുന്ന ചിന്തകൾക്കൊടുവിൽ കൺസെപ്ഷൻ നടക്കാനിടയുള്ള ആ ദിവസം അവൾ ഓർത്തെടുത്തു. കഴിഞ്ഞ മാസം നടന്ന ഓഫീസ് പാർട്ടിക്ക് ശേഷമായിരുന്നു അത്. അന്ന് വൈഭവ് ആയിരുന്നു ദക്ഷയെ വീട്ടിൽ ഡ്രോപ്പ് ചെയ്തത്. അവനോട് യാത്ര പറഞ്ഞു വീട്ടിലേക്ക് കയറാൻ തിരിഞ്ഞ നിമിഷം പെട്ടെന്നാണ് കൈയിൽ പിടിച്ചു സേഫ് പീരീഡ് ആണോ എന്നവൻ തിരക്കിയത്.

എന്നാൽ ഇപ്പോൾ മനസിലാകുന്നു.. ആ സമയം ഒട്ടും സേഫ് ആയിരുന്നില്ല എന്ന്…

ഷവറിൽ നിന്നും വെള്ളം വീഴുന്ന ശബ്‌ദമാണ് ദക്ഷയെ വർത്തമാന കാലത്തിലേക്ക് കൊണ്ടുവന്നത്.

വൈഭവ് ആര്യൻ ശ്രീവാസ്തവ.. ദക്ഷിണ മാധവൻ എന്ന ദക്ഷയുടെ ഭർത്താവ്. ആരുമറിയാതെ രഹസ്യമായി അവരുടെ വിവാഹം കഴിഞ്ഞിട്ട് ഇപ്പോൾ രണ്ടു വർഷങ്ങൾ ആകുന്നു.

ദക്ഷ ജോലി ചെയ്യുന്ന ശ്രീവാസ്തവ ഗ്രൂപ്പിന്റെ CEO യാണ് വൈഭവ്.

എല്ലാം വളരെ പെട്ടെന്നാണ് സംഭവിച്ചത്. ആദ്യമായി ദക്ഷ വൈഭവുമായി ബെഡ് ഷെയർ ചെയ്യുമ്പോൾ അവൾ ജോലിക്ക് കയറി ഏതാനും മാസങ്ങൾ മാത്രമേ ആയിട്ടുണ്ടായിരുന്നുള്ളു. കമ്പനി നടത്തിയ ഒരു നൈറ്റ് പാർട്ടിക്ക് ശേഷം വളരെ യാദൃച്ഛികമായാണ് അന്നവർക്കിടയിൽ അങ്ങനെ സംഭവിച്ചത്.

ആ സംഭവത്തിന് ശേഷം കുറച്ചു ദിവസങ്ങൾ കഴിഞ്ഞപ്പോഴാണ് വൈഭവിന്റെ മുത്തശ്ശന് വയ്യാതെ ഹോസ്‌പിറ്റലൈസ്‌ഡ്‌ ആവുന്നത്. അങ്ങനെയാണ് വൈഭവ് ദക്ഷയുമായി ഒരു ഫേക്ക് മാര്യേജ് നടത്താൻ തീരുമാനിക്കുന്നതും.. തന്റെ മുത്തശ്ശന്റെ അവസാന ആഗ്രഹം എന്നോണം.

വൈഭവ് ഒരു എഗ്രിമെന്റ് തയ്യാറാക്കിയിരുന്നു. അതിൻ പ്രകാരം അവരുടെ വിവാഹ ബന്ധം പബ്ലിക്കിന് മുൻപിൽ രഹസ്യമായി തന്നെ സൂക്ഷിക്കണം.. അതുപോലെ ആ വിവാഹം എപ്പോൾ വേണമെങ്കിലും റദ്ധാക്കുവാനും സാധിക്കും.

ചുരുക്കി പറഞ്ഞാൽ ഒരു താലിയുടെ ഉറപ്പോ വിശ്വാസമോ ഇല്ലാതെ വെറും രേഖകളിൽ മാത്രമുള്ളൊരു വിവാഹ ബന്ധം.

ദക്ഷയെ പോലെ ഒരു സാധാരണ പെൺകുട്ടിക്ക് ഒരിക്കലും അംഗീകരിക്കാൻ കഴിയാത്ത ഒരു കാര്യം തന്നെയായിരുന്നു അത്.. എന്നിട്ടും അവൾ അങ്ങനെയൊരു ഫേക്ക് മാര്യേജിന് തയ്യാറായതിന് ഒരു കാരണം മാത്രമേ ഉണ്ടായിരുന്നുള്ളു.. എട്ടു വർഷമായി മനസ്സിൽ കൊണ്ട് നടക്കുന്നവന്റെ സ്വന്തമാവുക.

അതുകൊണ്ട് തന്നെ ഇത് തന്റെ ഭാഗ്യമാണെന്ന് അവൾ കരുതി..

കല്യാണ ശേഷം വൈഭവ് വളരെ അധികം തിരക്കിലായിരുന്നു.. കൂടുതൽ സമയവും ഓഫീസിൽ തന്നെയവൻ ചിലവഴിച്ചു.

അവനൊപ്പം കൂടുതൽ സമയം പങ്കിടാൻ കഴിഞ്ഞിരുന്നു എങ്കിലെന്ന് ദക്ഷ ഒരുപാട് ആഗ്രഹിച്ചിരുന്നു എങ്കിലും അവളതൊരിക്കലും പുറത്ത് കാട്ടിയില്ല. കിട്ടിയ ജീവിതത്തിൽ സന്തോഷമായിരിക്കാൻ ശ്രമിച്ചു. ഈ രണ്ടു വർഷ കാലയളവിൽ വൈഭവിന്റെ പേര് മറ്റൊരു പെണ്ണിനൊപ്പവും കേൾക്കാത്തതും അവൾക്ക് ആശ്വാസമായിരുന്നു.

ചെറിയ അവഗണനകൾ ഒഴിച്ചാൽ വൈഭവ് ഒരു നല്ല ഭർത്താവ് തന്നെയായിരുന്നു.

ആ പ്രെഗ്നൻസി റിപ്പോർട്ടിൽ നോക്കി ഇരിക്കെ ദക്ഷയുടെ ഉള്ളിൽ സമ്മിശ്രിത വികാരങ്ങൾ നിറഞ്ഞു. ഒടുവിൽ താൻ പ്രെഗ്നന്റ് ആണെന്ന സത്യം വൈഭവിനെ അറിയിക്കാൻ തന്നെയവൾ തീരുമാനിച്ചു.

അതോടൊപ്പം അവൾക്ക് മറ്റൊരു കാര്യം കൂടി പറയാനുണ്ടായിരുന്നു. രണ്ടു വർഷങ്ങൾക്ക് മുൻപ് ആ ഓഫീസിൽ വച്ച് കാണുന്നതിനും ഏറെ കാലം മുതൽക്കേ തന്റെ ഹൃദയത്തിൽ ഇടം നേടിയവനാണ് അവനെന്ന്.

പിന്നെയും കുറച്ചു നേരം കൂടി കഴിഞ്ഞതും വാഷ്‌റൂമിൽ നിന്നും വെള്ളം വീഴുന്ന ശബ്‌ദം നിലച്ചു.

വൈഭവ് കുളിച്ചിറങ്ങിയ ആ നിമിഷം തന്നെയാണ് അവന്റെ ഫോൺ റിങ് ചെയ്തത്. ബാത്ത് ടവൽ ചുറ്റികൊണ്ട് തന്നെ ആ ഫോണുമായി അവൻ ബാൽക്കണിയിലേക്ക് ഇറങ്ങി.

ദക്ഷയുടെ കണ്ണുകൾ ക്ലോക്കിലേക്ക് നീണ്ടു.. സമയം അർദ്ധരാത്രി കഴിഞ്ഞിരുന്നു.

അവൾക്കെന്തോ വല്ലായ്മ തോന്നി.. ഈ സമയം ഇത്ര അത്യാവശ്യപ്പെട്ട് വിളിക്കാനും മാത്രം ആരായിരിക്കും..??

അല്പ നേരത്തിന് ശേഷം വൈഭവ് ബാൽക്കണിയിൽ നിന്നും മടങ്ങി വന്നു. ശേഷം ഉടുത്തിരുന്ന ബാത്ത് ടവൽ അഴിച്ചു മാറ്റി.

അവന്റെ ശരീര ഘടന ഏതൊരു പെണ്ണിനേയും ആകർഷിക്കാൻ പോന്നതായിരുന്നു. വയറിലെ കൃത്യമായി മുറിച്ചു വച്ചത് പോലെയുള്ള പേശികളും, വീതിയേറിയ പുറവും, വിരിഞ്ഞ നെഞ്ചും.. അവന്റെ കാലുകൾ നീളമുള്ളതും ബലമേറിയതുമായിരുന്നു..

ദക്ഷ ആദ്യമായല്ല അവനെ നഗ്നനായി കാണുന്നത്.. എന്നിട്ടും അവളുടെ കവിളുകൾ ചുവന്നു തുടുത്തു.. ശ്വാസഗതി ഉയർന്നു.

വൈഭവ് വാൾ ക്ലോസെറ്റിൽ നിന്നും ഷർട്ടും പാന്റ്റും എടുത്ത് ധരിച്ചു. കണ്ണാടിയിൽ നോക്കി സൂക്ഷ്മമായി ടൈ കൂടെ കെട്ടിയ ശേഷം മുടി ചീകി ഒതുക്കി വച്ചു. അല്പം വളർന്നിറങ്ങിയ അവന്റെ മുടിയിഴകൾ നെറ്റിയിലേക്ക് വീണു കിടക്കുന്നുണ്ടായിരുന്നു. സ്വതവേ ചുവന്നു വെളുത്ത അവന്റെ മുഖം ഈ രാത്രി കൂടുതൽ തിളങ്ങി നിൽക്കുന്നത് പോലെ.

ബ്ലേസർ കൂടി കൈയിലെടുത്ത് ഡ്രസിങ് റൂമിൽ നിന്നും ഇറങ്ങി വരുന്നവനെ ദക്ഷ സംശയത്തോടെ നോക്കി.

“എന്നെ കാത്തിരിക്കണ്ടാ.. Good Night..” കൈയിലേക്ക് വാച്ച് കെട്ടിക്കൊണ്ട് വൈഭവ് പറഞ്ഞു.

എന്താ..?? അവൻ പുറത്തേക്ക് പോകുവാണോ..?? അതും ഈ സമയത്ത്..??

അവനെ നിരാശയോടെ നോക്കും നേരം ദക്ഷയുടെ വിരലുകൾ പ്രെഗ്നൻസി ടെസ്റ്റ് റിപ്പോർട്ടിൽ മുറുകി. കുറച്ചു നേരം അവനെ നോക്കി കിടന്ന ശേഷം അവൾ പതിയെ പറഞ്ഞു.

“ഇപ്പോൾ തന്നെ ഒരുപാട് വൈകിയില്ല.. ഈ സമയത്ത്…”

വൈഭവിന്റെ വിരലുകൾ വാച്ച് കെട്ടുന്നതിനിടയിൽ ഒരു നിമിഷം നിഛലമായി. അവന്റെ മുഖത്ത് വശ്യമായ ഒരു പുഞ്ചിരി നിറഞ്ഞു.

“Are you still h**ny.. Want me to make you c*m again..??”

മുഖം കുനിച്ചു അവളുടെ ചെവിയിൽ പതിഞ്ഞ സ്വരത്തിലാണ് അവൻ ചോദിച്ചത്.

ആ ചോദ്യം കേൾക്കെ ദക്ഷയുടെ മുടിനാഴിര പോലും നാണത്താൽ ചുവന്നു. അവളുടെ ഹൃദയം ക്രമാതീതമായി മിടിച്ചു. വറ്റി വരണ്ട തന്റെ ചുണ്ടുകൾ നനച്ചു അവളെന്തോ പറയാൻ തുടങ്ങിയ നിമിഷം തന്നെയാണ് വൈഭവ് അകന്നു മാറിയത്.

“ഉറങ്ങിക്കോ.. എനിക്ക് അത്യാവശ്യമായി ഒരിടം വരെ പോകാനുണ്ട്..”

പറഞ്ഞശേഷം അവൻ വാതിലിന് നേരെ നടന്നു.

“വൈഭവ്..” ദക്ഷ കിടന്നിടത്ത് നിന്നും എണീറ്റ് അവന് അരികിലേക്ക് ഓടി ചെന്നു.

വൈഭവ് തിരിഞ്ഞു അവളെ ഗൗരവത്തോടെ നോക്കി.

“Now what..??”

അപ്പോൾ അവന്റെ സ്വരത്തിൽ കടുപ്പമേറിയിരുന്നു. കണ്ണുകൾ സൂക്ഷ്മമായി അവളെ നിരീക്ഷിച്ചു.

അവന്റെയാ നോട്ടത്തിൽ പതറിക്കൊണ്ട് ദക്ഷ തന്റെ കണ്ണുകൾ താഴ്ത്തി, പതിഞ്ഞ സ്വരത്തിൽ ചോദിച്ചു.

“നാളെ എനിക്കെന്റെ അച്ഛമ്മയെ കാണാൻ പോകണമെന്നുണ്ട്.. വൈഭവിന് എന്റെ കൂടെ വരാൻ കഴിയുമോ..??”

പ്രായത്തിന്റേതായ ഒരുപാട് ബുദ്ധിമുട്ടുകൾ ഉണ്ട് അച്ഛമ്മയ്ക്ക്.. ഈ ലോകത്ത് ദക്ഷയ്ക്ക് അവശേഷിക്കുന്ന ഏക രക്തബന്ധം. വൈഭവിനെ അച്ഛമ്മയ്ക്ക് മുൻപിൽ കൊണ്ട് ചെന്ന് നിർത്തിയാൽ തന്റെ കാര്യത്തിലുള്ള ആ മനസ്സിലെ ഭയങ്ങൾ ഒഴിയുമെന്ന് അവൾക്ക് തോന്നി.

“നമുക്കിതിനെ കുറിച്ചു നാളെ സംസാരിക്കാം.. Okay..??” അത്രമാത്രം പറഞ്ഞുകൊണ്ട് വൈഭവ് ധൃതിയിൽ അവിടെ നിന്നും പോയി.

കുളിക്കുമ്പോഴും പിന്നീട് ബെഡിൽ വന്നു കിടക്കുമ്പോഴും ദക്ഷയുടെ മനസ്സിൽ പല പല ചിന്തകൾ നിറഞ്ഞുകൊണ്ടിരുന്നു. അതുകൊണ്ട് തന്നെ അവൾക്ക് അല്പം പോലും ഉറങ്ങാൻ സാധിച്ചില്ല.

ഒരുപാട് നേരം തിരിഞ്ഞും മറിഞ്ഞും കിടന്ന ശേഷം അവൾ കൈ നീട്ടി തന്റെ ഫോൺ എടുത്തു. നെറ്റ് ഓൺ ചെയ്തതും ഒരുപാട് നോട്ടിഫിക്കേഷൻസ് വന്നു.

അതിലൊന്നും അവൾക്ക് ഒട്ടും താല്പര്യം തോന്നിയില്ല. വെറുതെ എല്ലാം ഓടിച്ചു നോക്കുന്നതിനിടയിലാണ് ഒന്നിൽ അവളുടെ കണ്ണുകൾ ഉടക്കിയത്. സുപരിചിതമായ ആ പേരാണ് ആ നോട്ടിഫിക്കേഷൻ ഓപ്പൺ ചെയ്യാൻ ദക്ഷയെ പ്രേരിപ്പിച്ചത്.

“”ഫേമസ് ഡിസൈനറായ നടാഷ റാതോറിനെ ഇന്ന് അവരുടെ രഹസ്യ കാമുകനൊപ്പം എയർപോർട്ടിൽ വച്ച് കണ്ടിരിക്കുന്നു..””

നടാഷ ഒരു ബക്കറ്റ് ഹാറ്റ് വച്ച് അവരുടെ മുഖം പാതി മറച്ചിരുന്നു. കൂടെയുള്ള ചെറുപ്പക്കാരന്റെ മുഖം വ്യക്തമല്ല. പക്ഷെ അയാളുടെ ശരീര ഘടനയിൽ നിന്ന് തന്നെ അയാൾ എത്രത്തോളം ഹാൻഡ്‌സമാണെന്ന് മനസിലാക്കാൻ സാധിക്കും.

ദക്ഷ ആ ഫോട്ടോഗ്രാഫ് സൂം ചെയ്തു നോക്കി. അടുത്ത നിമിഷം അവളുടെ ഹൃദയമിടിപ്പ് നിഛലമായി.

ആ ഫോട്ടോയിൽ കാണുന്ന ചെറുപ്പക്കാരൻ വൈഭവാണ്..

അപ്പോൾ അവൻ ഉച്ചയ്ക്ക് ശേഷം ഉണ്ടായിരുന്ന മീറ്റിംഗ് ക്യാൻസൽ ചെയ്തത് എയർ പോർട്ടിൽ നിന്നും എക്സ് ഗേൾഫ്രണ്ടിനെ കൂട്ടാൻ വേണ്ടിയായിരുന്നോ..??

ആ തിരിച്ചറിവ് ദക്ഷയുടെ നെഞ്ചിൽ വലിയൊരു പാറക്കല്ല് എടുത്ത് വച്ചത് പോലെ ആയിരുന്നു..

അവൾക്ക് ശരീരം തളരുന്ന പോലെ തോന്നി. പാതി ബോധത്തിൽ ഫോണിൽ വൈഭവിന്റെ നമ്പർ ഡയൽ ചെയ്തു.

മുഴങ്ങി കേട്ട ഡയൽ ടോണാണ് അവളെ ബോധത്തിലേക്ക് കൊണ്ടുവന്നത്. ധൃതിയിൽ ദക്ഷ ആ കാൾ കട്ട് ചെയ്യാനൊരുങ്ങിയ നിമിഷം മറുതലയ്ക്കൽ കാൾ അറ്റൻഡ് ചെയ്തിരുന്നു.

“ഹലോ..”

അതൊരു സ്ത്രീയുടെ ശബ്‌ദം ആയിരുന്നു.

ഒരു നിമിഷം ദക്ഷ തറഞ്ഞു പോയി.. അടുത്ത നിമിഷം അവളാ ഫോൺ വലിച്ചെറിഞ്ഞു.

പെട്ടന്ന് അവൾക്ക് വയറിൽ എന്തോ ഉരുണ്ടു കയറുന്നത് പോലെ തോന്നി.. തൊണ്ടയിൽ കൈപ്പുള്ളത് എന്തോ നിറയുന്നത് പോലെ..

അടുത്ത നിമിഷം വാ കൈകൾ കൊണ്ട് മൂടികൊണ്ടവൾ വാഷ്‌റൂമിലേക്ക് ഓടി. വാഷ് ബേസിന്റെ മുന്നിൽ ചെന്ന് വായിൽ നിറഞ്ഞ കയ്പ്പ് വെള്ളം ഛർദിച്ചു കളഞ്ഞു.

അടുത്ത ദിവസം രാവിലെ ദക്ഷ പതിവ് പോലെ ജോലിക്ക് പോയി.

അവരുടെ കല്യാണ ശേഷം വൈഭവ് അവൾ ജോലി ചെയ്യുന്നത് നിർത്താൻ ശ്രമിച്ചിരുന്നു. എന്നാൽ ആ ഒരു കാര്യം മാത്രം ദക്ഷ അവനെ എതിർത്തു. സ്വന്തം കാലിൽ നിൽക്കാനും പണം സമ്പാദിക്കാനും അവൾ നിർബന്ധം പിടിച്ചതോടെ വൈഭവ് പിന്നെ തടഞ്ഞില്ല.

പക്ഷെ അവനവൾക്ക് തന്റെ പേർസണൽ അസിസ്റ്റന്റ് ആയി പ്രൊമോഷൻ കൊടുത്തു.

ആ സമയം ഹെഡ് അസ്സിസ്ടന്റ് ആയ ആന്റണി കമ്പനിയുടെ മറ്റു മേജർ പ്രോജെക്ടസ് നോക്കുന്നതിനായി മാറിയിരുന്നു.

ശ്രീവാസ്തവ ഗ്രൂപ്പിലെ സ്റ്റാഫ്‌സിൽ അവരുടെ കല്യാണത്തെ കുറിച്ചറിയാവുന്ന ഒരേ ഒരാൾ ആന്റണി മാത്രമാണ്.

ആദ്യം മുതലേ മെയ്ൽ അസ്സിസ്റ്റന്റ്‌സിനെ മാത്രമാണ് CEO യുടെ ഓഫീസിൽ എടുത്തിട്ടുള്ളത്. ദക്ഷയാണ് ഒരേ ഒരു ഫീമെയ്ൽ അസിസ്റ്റന്റ്.. അവളുടെ ആ നിയമനം അവരുടെ കമ്പനി പ്രോട്ടോക്കോളിന് തന്നെ എതിരായിരുന്നു. അതുകൊണ്ട് തന്നെ ദക്ഷയ്ക്ക് വൈഭവുമായി മറ്റെന്തെങ്കിലും ബന്ധമുണ്ടോ എന്ന് പോലും മറ്റു സ്റ്റാഫിസിന് സംശയങ്ങൾ ഉണ്ടായിരുന്നു.

വൈഭവ് അവൾക്ക് പ്രത്യേക പരിഗണനകൾ ഒന്നും നൽകുന്നില്ല എന്ന് അവർക്കൊക്കെയും ബോധ്യമാകാൻ പിന്നെയും ഒരുപാട് സമയമെടുത്തു. എന്നാൽ അതവളോടുള്ള ദേഷ്യം കുറച്ചില്ലന്നു മാത്രമല്ല, ദക്ഷയെ അവരിൽ പലർക്കും ഒട്ടും ഇഷ്ടമായിരുന്നില്ല.

അതിനും അപ്പുറം, ഒരാളുടെ സൗന്ദര്യം കൊണ്ട് മാത്രം ഒരുപാട് നാളുകൾ ഒന്നും ശ്രീവാസ്തവ പോലൊരു കമ്പനിയിൽ പിടിച്ചു നിൽക്കാൻ കഴിയില്ലെന്ന് അവർക്കൊക്കെയും അറിയാം.. അതുകൊണ്ട് തന്നെ ദക്ഷ ഇത്രയും നാളുകളായി അവിടെ ജോലി തുടരുന്നു എന്നത് അവർക്കൊക്കെയും അത്ഭുതമായിരുന്നു.

അന്ന് രാവിലെ സ്റ്റാഫ്‌സിൽ ഒരാൾ ഒരു ഫയൽ വൈഭവിന്റെ കൈയിൽ നിന്നും സൈൻ വാങ്ങുന്നതിനായി ദക്ഷയെ ഏൽപ്പിച്ചു.

ആ ഫയലുമായി വൈഭവിന്റെ ഓഫീസിലേക്ക് പോകുമ്പോൾ ദക്ഷയുടെ മനസ്സിൽ ഒരുപാട് ചിന്തകൾ നിറഞ്ഞിരുന്നു.

ഇന്നലെ രാത്രി പിന്നീട് വൈഭവ് തിരികെ വന്നിരുന്നില്ല.. അതുകൊണ്ട് തന്നെ ദക്ഷയുടെ ഉറക്കവും കഷ്ട്ടിയായിരുന്നു.

അവന്റെ ഫോണിൽ കേട്ട ആ സ്ത്രീ ശബ്ദത്തിന്റെ ഉടമ ആരായിരിക്കും എന്ന ചോദ്യം അവളെ ഓരോ നിമിഷവും ശ്വാസം മുട്ടിച്ചു. ഇനി വൈഭവ് കഴിഞ്ഞ രാത്രി ആ പെണ്ണിന്റെ കൂടെ ആയിരുന്നോ..??

ആ ചോദ്യത്തിനുള്ള ഉത്തരം അറിയാമെങ്കിലും ദക്ഷ അതായിരിക്കില്ല സത്യം എന്ന് വിശ്വസിക്കുവാൻ ശ്രമിച്ചുകൊണ്ടിരുന്നു.

യാഥാർഥ്യം ഉൾകൊള്ളാൻ അവൾക്ക് കഴിയുന്നുണ്ടായിരുന്നില്ല.

ഭ്രാന്ത് പിടിപ്പിക്കുന്ന ചിന്തകൾ ഒഴുവാക്കി സമാധാനമായി ഇരിക്കാൻ ദക്ഷ ശ്രമിച്ചു. എന്തൊക്കെ സംഭവിച്ചാലും ഈ കഴിഞ്ഞ വർഷങ്ങൾ താൻ തന്റെ പ്രണയത്തിന് വേണ്ടി ചെയ്ത ത്യാഗത്തിന് ഫലം ഉണ്ടാകും എന്നവൾ മനസ്സിൽ പറഞ്ഞു വിശ്വസിച്ചുകൊണ്ടിരുന്നു.

ലിഫ്റ്റിന്റെ ബട്ടൺ അമർത്തി അവൾ കാത്ത് നിന്നു. വൈഭവിന്റെ ക്യാബിന് മുൻപിൽ ചെന്നിറങ്ങുമ്പോൾ ദക്ഷ തന്റെ ഡ്രെസ്സും മുടിയും നേരെയാക്കി.

ക്യാബിൻ ഡോർ അടഞ്ഞു കിടക്കുന്നത് കാണെ അവളവിടെ തന്നെ നിന്നു. ആ നിമിഷമാണ് അകത്ത് നിന്നും ഒരു പുരുഷ ശബ്‌ദം അവൾ കേൾക്കുന്നത്.

“Come on, man! നിനക്ക് ദക്ഷിണയോട് എന്തെങ്കിലും ഫീലിങ്ങ്സ് ഉണ്ടോ..??”

ആദിത്യനാണ് ആ ശബ്ദത്തിന്റെ ഉടമ.. വൈഭവിന്റെ ഏറ്റവും അടുത്ത കൂട്ടുകാരൻ.

“നീയെന്താ ഉദ്ദേശിക്കുന്നത്..??” വൈഭവന്റെ ശബ്‌ദം ശാന്തമായിരുന്നു.

“ഞാനെന്താ ഉദ്ദേശിക്കുന്നത് എന്ന് നിനക്ക് നന്നായിട്ടറിയാം.. ദക്ഷിണ ഒരു നല്ല പെൺകുട്ടിയാണ്.. എന്നിട്ടും.. എന്താ അവൾ നിന്റെ ടൈപ്പ് അല്ലേ..??”

ആദിത്യന്റെ ആ ചോദ്യത്തിൽ നിറഞ്ഞു നിന്നത് ആകാംഷയാണ്.

“Do you want me to hand her over to you..??” അലക്ഷ്യമായിരുന്നു വൈഭവിന്റെ ആ ചോദ്യം.

“You know what.. Forget it..” അടുത്ത നിമിഷം അവൻ തിരുത്തിയും പറഞ്ഞു.

ആദിത്യന്റെ പൊട്ടിച്ചിരി ഉയർന്നു. എന്നാൽ ഇതെല്ലാം കേട്ടു നിൽക്കുകയായിരുന്ന ദക്ഷയ്ക്ക് വല്ലാത്ത അപമാനം തോന്നി.

അവർ തന്നെ കുറിച്ച് ജീവനില്ലാത്ത ഒരു വസ്തുവിനെ പോലെയാണ് പറയുന്നത്…

കണ്ണുകൾ ഇറുക്കി അടച്ചവൾ ഒന്ന് ദീർഘമായി നിശ്വസിച്ചു. ശേഷം ഫയലിൽ മുറുകെ പിടിച്ചു ഡോർ തുറക്കാനായി ആഞ്ഞു.

എന്നാൽ പെട്ടെന്നാണ് ആദിത്യന്റെ ശബ്‌ദം വീണ്ടും ഉയർന്നത്.

“നടാഷ റാത്തോറിന്റെ രഹസ്യ കാമുകനെ കുറിച്ചുള്ള ആ ഗോസിപ്പ് ഞാനും കണ്ടിരുന്നു.. അത് നീയായിരുന്നില്ലേ വൈഭവ്.. ഇന്നലെ രാത്രി..??”

ആ ചോദ്യത്തിൽ ദക്ഷയുടെ നെഞ്ചിടിപ്പേറി.. അവളുടെ കാതുകൾ അകത്ത് നിന്നുള്ള ഉത്തരത്തിനായി കാത്തു.

“അതെ..” ഒറ്റ വാക്കിൽ വൈഭവ് ഉത്തരം നൽകി.

“ഹ്മ്മ്.. നടാഷയ്ക്ക് എപ്പോഴും നീയവളുടെ കൈപ്പിടിയിൽ ഉണ്ടാവണം.. അല്ല അവളെ മാത്രം പറഞ്ഞിട്ടും കാര്യമില്ല.. അവളെ പ്ളീസ് ചെയ്യാൻ നീയിങ്ങനെ പുറകെ നിന്നിട്ടല്ലേ..”

ഒരു നെടുവീർപ്പിട്ടു ആദിത്യൻ വീണ്ടും തുടർന്നു..

“നിങ്ങൾ രണ്ടാളും ഇന്നലെ രാത്രി ഒരുമിച്ചായിരുന്നില്ലേ അപ്പോൾ.. പണ്ടുള്ളവർ പറയുന്നത് പോലെ, അകന്നിരിക്കുമ്പോൾ സ്നേഹ ബന്ധത്തിന്റെ ആഴം കൂടും.... അല്ലേ..?? ഇനി പറ.. നിങ്ങൾ രണ്ടാളും ഇന്നലെ….”

അവരുടെ ആ സംഭാഷണം കേൾക്കെ ദക്ഷയുടെ ഹൃദയം പൊട്ടി തകർന്നു.

അവളുടെ മുഖം വിളറി വെളുക്കുകയും ശരീരം തണുത്തുറയുകയും ചെയ്തു.

നടാഷയും വൈഭവും ഒരു രാത്രി ഒരുമിച്ചു കഴിഞ്ഞിരിക്കുന്നു..!!

അകന്നിരിക്കുമ്പോൾ സ്നേഹ ബന്ധത്തിന്റെ ആഴം കൂടും..!!

ആ ഓരോ വാക്കുകളും അവളുടെ ഹൃദയത്തിൽ കത്തി കുത്തിയിറക്കിയത് പോലെ ആഴ്ന്നു.

എന്തൊക്കെയോ മുറുമുറുപ്പുകൾ അവളുടെ ചെവിയിൽ ആ നിമിഷം നിറഞ്ഞു. തലയ്ക്ക് ഭാരം കൂടുന്നത് പോലെ.. കാഴ്ച മങ്ങുന്നു..

പുറകിലെ ഭിത്തിയിലേക്ക് ചാരി ദീർഘമായി ശ്വാസമെടുത്തു ദക്ഷ.. അടുത്ത നിമിഷം ആ ക്യാബിൻ ഡോർ അവൾക്ക് മുൻപിൽ തുറക്കപ്പെട്ടു..

“ദക്ഷിണ..??”

(തുടരും…)