വേദാഗ്നി 🔥 1

" ഇറക്കിവിടെഡോ അവളെ ഞാനൊന്ന് കാണട്ടെ ആ മഹാറാണിയെ, കല്യാണ തലേന്ന് വരെ ബന്ധം വളർത്തികൊണ്ട്  വന്നിട്ട് അവസാന നിമിഷം കാലുമാറിയ അവളെ എനിക്ക് ഒന്ന് കാണണം ഇറങ്ങി വാടീ ഇങ്ങോട്ട്..."

കൈയ്യിലെ ഇടിവള ഇത്തിരികൂടി കയറ്റി കഴുത്തിലെ ചെയിൻ നെഞ്ചിലേക്ക് വലിച്ചിട്ടു കൊണ്ട് ആ വീടിന് മിറ്റത്ത് നിന്ന് അവൻ അകത്തേക്ക് നോക്കി അലറി അവൻ.

അവിടെ നിന്നവർ ഒക്കെയും അവനൊരുത്തനെയാണ് ശ്രദ്ധിക്കുന്നത്.

എന്നാൽ അവൻറെ നോട്ടം അത്രയും വീടിന് അകത്തേക്ക് ആയിരുന്നു.

ആരെയോ പ്രതീക്ഷിച്ചു നിൽക്കുന്നത് പോലെ ഉള്ള ഒരു നോട്ടം.

കുറച്ചു കഴിഞ്ഞതും അകത്ത് നിന്ന് ഒരു പെൺകുട്ടി വെളിയിലേക്ക് ഇറങ്ങി വന്നു.

സാധാരണ രീതിയിൽ ഉള്ള സൗന്ദര്യം അവൾക്ക് ഉണ്ടായിരുന്നു.

അവളെ കണ്ടതും അവന്റെ ദേഷ്യം ഇരട്ടിച്ചു.

" ആഹാ അകത്ത് ഉണ്ടായിരുന്നോ കെട്ടിലമ്മ, എന്നിട്ടെന്താ പുറത്തേക്ക് എഴുന്നുള്ളാൻ വൈകിയത്..."

അവളുടെ മുഖത്ത് നോക്കി പുശ്ചത്തോടെ അവൻ ചോദിച്ചു.

" അഗ്നി നീ തിരിച്ചു പോ, വെറുതെ ഇവിടെ കിടന്ന് ബഹളം ഉണ്ടാക്കുരുത്..."

അകത്തുനിന്ന് ഇറങ്ങിവന്നവൾ അവൻറെ അടുത്തേക്ക് വന്നു നിന്നുകൊണ്ട് പറഞ്ഞു.

" തിരിച്ചു പോവാൻ തന്നെയാണെടി വന്നത് അല്ലാതെ നിന്റെ കൂടെ ഒന്നിച്ച് ജീവിക്കാൻ ഒന്നും പോകുന്നില്ല ഞാൻ, പക്ഷെ പോകുന്നതിന് മുൻപ് എനിക്ക് അറിയണം ഇത്ര നാളും സ്നേഹിച്ചിട്ട് കല്യാണത്തിന്റെ അവസാന നിമിഷം നീ എന്നെ ചതിച്ചത് എന്തിനാണെന്ന്...?

എന്നെ വേണ്ടെന്ന് പറഞ്ഞത് എന്തിനാണെന്ന്...? "

അവൻറെ വാക്കുകൾക്ക് വല്ലാത്തൊരു ശക്തി ഉണ്ടായിരുന്നു.

" എനിക്ക് നിന്നെ ഇഷ്ടമല്ല അഗ്നി, നിന്റെ കൂടെ ജീവിക്കാൻ ഞാൻ ആഗ്രഹിക്കുന്നില്ല, ഞാൻ സ്നേഹിച്ചത് ആ നിൽക്കുന്ന അഖിലിനെ ആണ്  അല്ലാതെ നീ വിചരിച്ചത് പോലെ നിന്നെ ഞാൻ സ്നേഹിച്ചിട്ടില്ല അഗ്നി...

നാളെ കല്യാണം നടക്കാൻ പോകുന്നത് എന്റേയും അഖിലിന്റേയും ആണ്...

ദയവ് ചെയ്ത് ഇനിയും ഇഷ്ടം പറഞ്ഞ് പിന്നാലെ വരരുത്...

എനിക്ക് അഖിലിന്റെ കൂടെ ജീവിക്കണം..."

പെട്ടന്ന് അവന്റെ കൈകൾ ഉയർന്നു.

പക്ഷേ അഗ്നി അടിച്ചില്ല.

ഞെട്ടലോടെ അവൾ കവിളിൽ കൈ അമർത്തി അവനെ നോക്കി.

അടി കിട്ടുമോ എന്നായിരുന്നു ഭയം.

എന്തോ ഭാഗ്യത്തിന് അത് ഉണ്ടായില്ല.

അവന്റെ കണ്ണുകളിൽ തന്നെ ചുട്ടെരിക്കാൻ പാകത്തിന് ഉള്ള അഗ്നി ആളി കത്തുന്നുണ്ടെന്ന് അവൾ മനസ്സിലാക്കി.

പക്ഷേ പ്രതികരിക്കാൻ പോയില്ല.

" ഒരു പെണ്ണ് ഇട്ടിട്ട് പോയാൽ ഞാൻ കരഞ്ഞ് മെഴുകി നടക്കും എന്നുള്ള ചിന്ത ഒന്നും വേണ്ട, നാളെ ഈ മിറ്റത്ത് വെച്ച് അഖിൽ നിന്റെ കഴുത്തിൽ താലി കെട്ടുമ്പോൾ പറഞ്ഞ മുഹൂർത്തത്തിൽ തന്നെ അവിടെ എന്റെ കുടുംബ ക്ഷേത്രത്തിൽ വെച്ച് ഈ അഗ്നിദേവിന്റേയും കല്യാണം നടന്നിരിക്കും...

വധുവിന്റെ സ്ഥാനത് നിനക്ക് പകരം ഒരുവളെ ഞാൻ കണ്ടെത്തും, അവസാനത്തോളം എന്റെ കൂടെ ഉണ്ടാവും എന്ന് എനിക്ക് ഉറപ്പുള്ള ഒരു പെണ്ണിനെ...

അവളെ കാണണം എങ്കിൽ നാളെ നിന്റെ കെട്ട് കഴിഞ്ഞ് നീ വാ മംഗലത്തേക്ക്, അവിടെ ഉണ്ടാവും ഈ അഗ്നിദേവ്, എന്റെ ഭാര്യയോടൊപ്പം..."

വലം കൈ വിരിച്ച് ഇടനെഞ്ചിൽ ശക്തിയായി അടിച്ചുകൊണ്ട് അഗ്നി പറഞ്ഞു.

" അഗ്നി നിന്നോട് തിരിച്ച് പോകാനാണ് പറഞ്ഞത്...

അവൾക്ക് നിന്നെ വേണ്ട പിന്നെ എന്തിനാ നീ ഇവിടെ നിന്ന് കലിതുള്ളുന്നത്..."

ദീപ്തിയുടെ അച്ഛൻ രാജസേനൻ പുറത്തേക്ക്  വന്ന് അഗ്നിയോട് പറഞ്ഞു.

അഗ്നി രാജസേനന്റെ അടുത്തേക്ക് നടന്നു.

" അല്ലേലും ഇനി തന്റെ മോളെ എനിക്ക് വേണ്ട, ഇതൊന്നു ഉറപ്പിക്കാൻ വേണ്ടി  വന്നതാണ് ഞാൻ, ഇതാകുമ്പോ ബന്ധുക്കൾ എല്ലാവരും ഇവിടെ തന്നെ ഉണ്ടല്ലോ, കല്ല്യാണം മുടങ്ങിയത് എല്ലാവരും ഒന്നിച്ച് അറിയട്ടെ..."

" മതി അഗ്നി നമ്മുക്ക് പോകാം...
നീ വന്ന് വണ്ടിയിൽ കയറ്..."

ആരവ് വന്ന് അഗ്നിയെ വലിച്ചുകൊണ്ട് പറഞ്ഞു.

ദീപ്തിയെ  ഒന്ന് നോക്കിയിട്ട് അഗ്നി വണ്ടിയിൽ കയറി ഇരുന്നു.

അവന് പിറകെ ആരവും വന്ന് വണ്ടിയിൽ കയറി.

പോകുന്ന വഴിക്ക് അഗ്നി പറഞ്ഞത് കൊണ്ട് ആരവ് വണ്ടി ഒരു ബാറിലേക്ക് കയറ്റി.

ഒരു ബോട്ടിൽ എടുത്ത് വായിലേക്ക് ഒറ്റയടിക്ക് കമഴ്ത്തുന്ന കണ്ട് ആരവിൻ്റെ കണ്ണുകൾ മിഴിഞ്ഞ് പോയി.

ഇതൊന്നും പതിവുള്ള കാര്യം അല്ല.

ഇന്ന് ആദ്യമായിട്ടാണ്.

ഒടുവിൽ അരവ് തടഞ്ഞപ്പോൾ ആണ് അഗ്നി കുടി നിർത്തിയത്.

" നീയിത് എന്ത് ഉദ്ദേശത്തിലാണ് അഗ്നി ഇങ്ങനെ ബോധമില്ലാതെ കുടിക്കുന്നത്...

നാല് കാലിൽ കയറി ചെന്നാൽ വീട്ടിൽ എല്ലാവരും എല്ലാം അറിയും കേട്ടോ..."

" അല്ലേൽ തന്നെ ഇനി മറച്ച് വെച്ചിട്ട് എന്തിനാടാ ഇന്ന് തന്നെ ഇതിന് ഞാൻ ഒരു തീരുമാനം ഉണ്ടാക്കും...

ഈ അഗ്നി ഒരു കാര്യം തീരുമാനിച്ചിട്ടുണ്ടെങ്കിൽ അത് നടത്തിയിരിക്കും...

നീ നോക്കിക്കോ നാളെ തന്നെ എന്റെ കല്യാണം ഞാൻ നടത്തും..."

അതും പറഞ്ഞ് മുൻപിൽ ഇരിക്കുന്ന ഗ്ലാസ്സിലെ ബാക്കി ഉണ്ടായിരുന്ന മദ്യവും അവൻ അകത്താക്കി.

🔥

രാവേറെ കഴിഞ്ഞതും ആരവ് അഗ്നിയേയും കൊണ്ട് മംഗലത്ത് വീട്ടിൽ എത്തി.

ഇതിനോടകം തന്നെ ദീപ്തി കല്യാണത്തിൽ നിന്ന് പിൻമാറിയെന്ന് രാജസേനനും കുടുംബവും മംഗലത്ത് വിളിച്ച് വീട്ടുകാരെ അറിയിച്ചിരുന്നു.

കല്യാണം മുടങ്ങിയതറിഞ്ഞ് മംഗലത്ത് വീട് ആകെ മൂടി കെട്ടി കിടക്കുകയായിരുന്നു.

അഗ്നി അവിടെ ചെന്ന് ബഹളം ഉണ്ടാക്കിയത് ഇതിനോടകം തന്നെ ഇവിടെ എല്ലാവരും അറിഞ്ഞു.

ഇനി അവൻ വരുമ്പോൾ എന്തൊക്കെ പുകിലാണ് ഉണ്ടാവുക എന്നോർത്ത് ടെൻഷൻ അടിച്ചു നിൽക്കുകയാണ് ഇവിടെയുള്ളവർ.

കുടിച്ച് ബോധം ഇല്ലാതെ വരുന്ന മകനെ കണ്ട് ദേവാനന്ദന്റെ ഉള്ള് നീറി.

ആദ്യമായാണ് മകനെ ഇങ്ങനെ ഒരു അവസ്ഥയിൽ അയാൾക്ക് കാണേണ്ടി വന്നത്.

ആ പിതൃ ഹൃദയം നീറുകയായിരുന്നു.

" മോനെ അഗ്നി..."

പടികടന്ന് അഗ്നി അകത്തേക്ക് ചെന്നതും ശ്രീദേവി അവന്റെ അടുത്തേക്ക് ചെന്നു.

അമ്മയുടെ മുഖത്ത് നോക്കാതെ അവൻ ഇടം കൈ കൊണ്ട് മുഖം ഒന്ന് തുടച്ചു.

" അമ്മ സങ്കടപ്പെടേണ്ട അവള് പോയെന്ന് കരുതി എന്റെ കല്യാണം മുടങ്ങാൻ ഒന്നും പോകുന്നില്ല നാളെ നമ്മള് തീരുമാനിച്ച മുഹൂർത്തത്തിൽ തന്നെ കല്യാണം നടന്നിരിക്കും..."

അഗ്നി പറയുന്നതൊന്നും മനസ്സിലാവാതെ എല്ലാവരും പരസ്പരം നോക്കി.

" പക്ഷെ അഗ്നി പെട്ടന്ന് ഒരു പെൺകുട്ടിയെ കണ്ട് പിടിക്കുക എന്നൊക്കെ പറഞ്ഞാൽ..."

ദേവാനന്ദൻ മനസ്സിൽ തോന്നിയത് അവനോട് തുറന്ന് പറഞ്ഞു.

" അതിന് വേണ്ടി ആരും അധികം ബുദ്ധിമുട്ടെണ്ട പെൺകുട്ടി ഇവിടെ തന്നെ ഉണ്ട്..."

" ഇവിടെയോ...? നീ ആരുടെ കാര്യമാണ് അഗ്നി
പറയുന്നത്..."

ദേവാനന്ദൻ അവൻറെ അരികിലേക്ക് ഇത്തിരി കൂടി നീങ്ങി നിന്നു.

" വേദാത്മിക..."

അഗ്നി പറഞ്ഞത് കേട്ട് എല്ലാവരും ഒരുപോലെ ഞെട്ടി.

" അഗ്നി നീ എന്താ ഈ പറയുന്നത്..."

വിശ്വാസം വരാതെ ദേവാനന്ദൻ അഗ്നിയോട് ചോദിച്ചു.

" ഞാൻ പറഞ്ഞത് അച്ഛൻ കേട്ടില്ലേ, ഇല്ലേൽ കേട്ടോ ദേ ആ നിൽക്കുന്ന വേദാത്മികയെ അഗ്നിദേവ് നാളെ താലി കെട്ടും..."

അവൻ കൈ ചൂണ്ടിയ ഭാഗത്തേക്ക് എല്ലാവരും  നോക്കി.

കലങ്ങിയ കണ്ണുകളുമായി നിൽക്കുന്ന വേദയെ കണ്ട് അവരിൽ എല്ലാവരിലും ഒരു നിമിഷം സങ്കടം ഉടലെടുത്തു.

എത്ര സങ്കടപ്പെട്ടാലും അഗ്നിയുടെ തീരുമാനത്തിൽ ഇനി മാറ്റം ഉണ്ടാവുകയില്ലെന്ന് അവർക്ക് ഉറപ്പായിരുന്നു.

                                                  
തുടരും...🔥
പുതിയ കഥയാണ്...
കൂടെ ഉണ്ടാവും എന്ന പ്രതീക്ഷയോടെ തുടങ്ങുകയാണ്...☺️