ഉസ്താദ് --1

              ഒന്നാം ക്ലാസ്സിൽ നിന്നും ക്ലാസ്സെടുത്തു കൊണ്ടിരിക്കെയാണ് കരീമുസ്താദിന്റെ ഫോണിലേക്ക് സൗദയുടെ കാൾ വന്നത്.... ക്ലാസ്സിൽ ആയത് കൊണ്ട് എടുക്കാതിരുന്നതാണ് തുടരേതുടരെയുള്ള വിളികൾ അദ്ദേഹത്തെ അസ്വസ്ഥാനക്കി..... പെട്ടെന്ന് പുറത്തിറങ്ങി അറ്റൻഡ് ചെയ്തതും അവൾ പറഞ്ഞത് കേട്ട് ഉസ്താദ് ഞെട്ടിപ്പോയി..... മോൾക്ക് ശക്തിയായ പനിയും വലിവും.... മരുന്ന് കൊടുത്തിട്ടും മാറ്റമില്ലത്രേ...
പെട്ടെന്ന് ചെന്നാലേ dr വീട്ടിലുണ്ടാവുള്ളൂ.. പെട്ടെന്ന് ഓഫീസിൽ ചെന്ന് സദർ ഉസ്താദിനോട് കാര്യമവതരിപ്പിച്ചു....ഉസ്താദ് ലീവ് നൽകിയെന്നു മാത്രമല്ല.... ഒന്നാം ക്ലാസ്സ്‌ ഞാൻ ശ്രദ്ധിച്ചോളാം എന്ന് പറയേം ചെയ്ത  ആശ്വാസത്തിൽ കരീമുസ്താദ് ബൈക്കിൽ കയറി സ്റ്റാർട്ട്‌ ചെയ്തു.... അപ്പോയാണ് അത് ശ്രദ്ധിച്ചത് മദ്രസ്സ ഗേറ്റ് കടന്നു വരുന്നു സെക്രെട്ടറി അസ്സൈനാർക്ക..... ഇന്നലെ സാലറി തരുമെന്ന് പറഞ്ഞു ഒരുപാട് സമയം വെയിറ്റ് ചെയ്തിരുന്നു അയാളെ.... വന്നില്ല... ഇന്നിപ്പോൾ അഞ്ഞൂറ് രൂപയെ കയ്യിലുള്ളൂ.... സാലറി ചോദിക്കണോ... വേണ്ട... പെട്ടെന്ന് നാട്ടിലെത്തണം.... കുറച്ച് കൂടി കഴിഞ്ഞാൽ dr വീട്ടിലുണ്ടാവില്ല... ഹോസ്പിറ്റലിൽ പോവേണ്ടി വരും... അവിടെ നല്ല തിരക്കുമുണ്ടാവും........ ഓരോ ചിന്തയിൽ മുഴുകിയാണേലും ഉസ്താദ് നാട്ടിലേക്കു വിട്ടു......

ഉസ്താദിന്റെ പോക്കും നോക്കി നിൽക്കാണ് അസ്സൈനാർക്ക..... ഇതെന്ത് പോക്കാ ഈ പോയെ... ഒരു സെക്രട്ടറിയാണ് ഇവിടയുള്ളെ എന്നൊരു ചിന്തയുണ്ടോ....അല്ലേലും മദ്രസ്സ തുടങ്ങിട്ട് 15 മിനുട്ട് ആയിട്ടേയുള്ളൂ..... എപ്പോളും ലീവ്.... എന്നാലോ സാലറി തരേണ്ട ദിവസം സാലറി ഇപ്പോൾ വേണം ന്നു ചോദിച്ചു വിളിക്കും....... അല്ലേലും കാലമൊക്കെ ആകെ മാറീനു...ഈ ഉസ്താദ് മാരൊക്കെ പൈസ പിരാന്തമാരായിട്ട ഉള്ളേ... പണ്ടത്തെ ഉസ്താദ് മാരൊക്കെ ആഖിറം ആഗ്രഹിച്ചവരാണ്... ഇപ്പോൾ ഫുൾ ദുനിയാവ്..... അന്നൊരു മൊയ്‌ലാരെ വയളിന് വിളിച്ചപ്പോൾ പറയാ നൽപ്പത്തിനായിരം വേണമെന്ന്..... ശൂ..... ഇന്നലെ 5മിനിറ്റ് ലേറ്റ് ആയതിനാണ് ഉസ്താദ് പോയത്..... ഇന്നോ....

റോഡിൽക്കും നോക്കി ചിന്തമഗ്നനായിരിക്കുന്ന അസൈനാർക്കാനെ നോക്കി അലവി ഉസ്താദ് ഒന്ന് തൊണ്ടയനക്കി.....

ശബ്ദം കേട്ട് തിരിഞ്ഞു നോക്കിയ അസൈനാർക്ക ഒന്ന് ചിരിച്ചു....

"അസ്സലാമു അലൈകും... "

"വഅലൈകുമുസ്സലാം....."

അലവിയുസ്താദ് നീട്ടിയ കൈകളിൽ മുറുക്കി പിടിച്ച് അസൈനാർക്ക മറുപടിയും ചൊന്നു.....

"എന്തെല്ലാ അസ്സൈനാർക്ക വിശേഷങ്ങൾ..."

"വിശേഷന്താപ്പാ..... അല്ല.... ഈ ഖതീബ് ഉസ്താദ് എവിടെ പ്പോയി...."

"അതേയ് ഉസ്താദിന്റെ മോൾക്ക്‌ സുഖമില്ലായിരുന്നു.... ഡോക്ടറെടുത്തു പോയതാണ്..."

"ഓഹ്...!കഴിഞ്ഞയാഴ്ച്ച ഉപ്പാക്ക് സുഖമില്ല... ഈ ആഴ്ച മോൾക്ക്... ഇനി അടുത്താഴ്ച ആർക്കാണാവോ...."

പുച്ഛം കലർന്ന സ്വരത്തിലുള്ള അസ്സൈനാർക്കയുടെ വാക്കുകൾ അലവിയുസ്താദിന്റെ ഉള്ളിൽ പ്രകമ്പനം കൊള്ളിച്ചു..... വേറെ ആരെ പറഞ്ഞാലും ഖത്തീബുസ്താദിനെ പറയുന്നത് അലവിയുസ്താദിന് ഇഷ്ടമല്ല..... പൊതുവെ വിനയസ്വഭാവത്തിന് ഉടമയാണ് കരീമുസ്താദ്..... തനിക്കേറെ പ്രയോജനമുള്ള ഒരുപാട് കാര്യങ്ങൾ അദ്ദേഹം നടപ്പിൽ വരുത്തിയിട്ടുണ്ട്..... അതിലൊന്നാണ് നാട്ടിൽ പോയി അവിടെ എത്തിയ ഉടനെ മഹല്ലിലെ ആരെങ്കിലും മരിച്ചാൽ തിരിച്ചെത്തണമെന്ന നിയമം മാറ്റി മറിച്ചുകൊണ്ട് ഖത്തീബും മുക്രിയും ഇല്ലെങ്കിലും ഇവിടെ മരണാനന്തര ചടങ്ങുകൾ നടക്കണം എന്നുള്ളതാണ്... അത്രയ്ക്ക് ബുദ്ധിമുട്ടിയിട്ടുണ്ട് ആ ഒരു കരിനിയമത്തെ കൊണ്ട്.... അൽഹംദുലില്ലാഹ്... അങ്ങനെയെത്ര യെത്ര കാര്യങ്ങൾ..... സെക്രട്ടറി ക്ക് മറുപടിയൊന്നും നൽകാതെ അലവിയുസ്താദ് തിരിഞ്ഞു നടന്നു.....

                 *തുടരും.......*

✒️ *HCM*