പ്രതിലിപിരചയിതാക്കൾക്കായുള്ള കണ്ടന്റ് പോളിസി മാർഗ്ഗനിർദ്ദേശങ്ങൾ
AI ഉപയോഗവുമായി ബന്ധപ്പെട്ട മാർഗ്ഗനിർദ്ദേശങ്ങൾ
വ്യാകരണവും അക്ഷരത്തെറ്റുകളും പരിശോധിക്കുന്നതിനും, കൃത്യമായ കഥാഘടന രൂപപ്പെടുത്തുന്നതിനും, കഥകളുടെ പ്ലോട്ട് പ്ലാൻ ചെയ്യുന്നതു പോലുള്ള ആവശ്യങ്ങൾക്കും നിങ്ങൾക്ക് എഐ ഉപയോഗിക്കാവുന്നതാണ്.
ഒരു രചയിതാവിന് രചന മുന്നോട്ട് എഴുതാൻ കഴിയാതെ 'റൈറ്റേഴ്സ് ബ്ലോക്ക്' നേരിടുമ്പോൾ, ഇതിനെ മറികടക്കാൻ നിങ്ങൾക്ക് എഐയെ ഒരു ക്രിയേറ്റീവ് അസിസ്റ്റന്റ് ആയി ഉപയോഗപ്പെടുത്താം.
രചനകൾക്ക് അനുയോജ്യമായ കവർ ചിത്രങ്ങൾ തയ്യാറാക്കുന്നതിനും എഐ ഉപയോഗപ്പെടുത്താവുന്നതാണ്.
മറ്റൊരു രചയിതാവിന്റെ കഥകൾ, അവരുടെ രേഖാമൂലമായ അനുവാദം ഇല്ലാതെ എഐ ഉപയോഗിച്ച് വിവർത്തനം ചെയ്ത് പ്രസിദ്ധീകരിക്കുന്നത് കർശനമായി നിരോധിച്ചിരിക്കുന്നു.
എഐ ഉപയോഗിച്ച് തയ്യാറാക്കുന്ന രചനകൾ നിങ്ങളുടെ പേരിൽ പ്രസിദ്ധീകരിക്കുന്നതും പൂർണ്ണമായി ഒഴിവാക്കണം. ഇത്തരം രചനകളിൽ ചെറിയ ചില മാറ്റങ്ങൾ വരുത്തിയിട്ടുണ്ടെങ്കിലും എഐ വഴി തയ്യാറാക്കിയ രചനകൾ ആണെങ്കിൽ അതിനെ എഐ നിർമ്മിത രചനയായി തന്നെ കണക്കാക്കും.
അശ്ലീലവും ലൈംഗികതയും അടങ്ങിയ രചനകൾക്കുള്ള മാർഗ്ഗനിർദ്ദേശങ്ങൾ
-
കലാപരമായ മൂല്യവും, കഥാപാത്രങ്ങൾ, കഥാഗതി എന്നിവയുമായി ബന്ധവും ഇല്ലാതെ, വായനക്കാരിൽ ലൈംഗിക വികാരം ഉണർത്താൻ മാത്രം ലക്ഷ്യമിട്ട് എഴുതുന്ന രചനകൾ, എത്ര മനോഹരമായി എഴുതിയതാണെങ്കിലും അവ പ്രതിലിപിയിൽ അനുവദനീയമല്ല.
-
കഥയിലെവിടെയും ലൈംഗിക പ്രവർത്തികളെ വളരെ കൃത്യമായോ അശ്ലീലമായോ വിവരിക്കുകയോ, ശരീരഭാഗങ്ങളെ സൂചിപ്പിക്കാൻ മോശം വാക്കുകൾ ഉപയോഗിക്കുകയോ ചെയ്യരുത്.
-
കവർ ചിത്രങ്ങളിൽ നഗ്നതയോ ലൈംഗികത പ്രകടമാക്കുന്ന രീതിയിലുള്ള ചിത്രങ്ങളോ ഒരു കാരണവശാലും ഉൾപ്പെടുത്താൻ പാടില്ല. കഥയുടെ ഉള്ളടക്കം എന്തുതന്നെയായാലും ഈ നിർദ്ദേശം കൃത്യമായി പാലിച്ചിരിക്കണം.
-
പരസ്പര സമ്മതമില്ലാത്ത ലൈംഗിക ബന്ധം ലൈംഗിക അതിക്രമങ്ങൾ, കുട്ടികൾ ഉൾപ്പെടുന്ന ലൈംഗിക പ്രവർത്തികൾ എന്നിവയെ പ്രോത്സാഹിപ്പിക്കുന്നതോ മഹത്വവൽക്കരിക്കുന്നതോ ആയ ഉള്ളടക്കങ്ങൾ ഗുരുതരമായ കുറ്റകൃത്യവും പ്രതിലിപി പോളിസികളുടെ ലംഘനവുമാണ്.
-
മുകളിൽ പറഞ്ഞിരിക്കുന്ന നിർദ്ദേശങ്ങളിൽ ഏതെങ്കിലും ലംഘിക്കുന്ന പക്ഷം രചന പ്രതിലിപിയിൽ നിന്ന് നീക്കം ചെയ്യുകയും, വായനക്കാരിലേക്ക് എത്തുന്നത് തടയുകയും ചെയ്യുന്നതാണ്. തുടർച്ചയായി ഇത്തരം വീഴ്ചകൾ ഉണ്ടായാൽ ആ രചയിതാവിന്റെ പ്രൊഫൈലിന് എതിരെയും നടപടികൾ സ്വീകരിക്കുന്നതാണ്.
പകർപ്പവകാശ ലംഘനവുമായി ബന്ധപ്പെട്ട മാർഗ്ഗനിർദ്ദേശങ്ങൾ
-
നിങ്ങളുടെ സ്വന്തം രചനകൾ മാത്രം പ്രസിദ്ധീകരിക്കുക
-
പുസ്തകങ്ങൾ, സിനിമകൾ, ടിവി ഷോകൾ, ബ്ലോഗുകൾ അല്ലെങ്കിൽ മറ്റ് രചയിതാക്കളുടെ കഥകൾ എന്നിവയിൽ നിന്ന് മുഴുവനായോ, ഭാഗികമായോ കോപ്പി ചെയ്ത ഭാഗങ്ങൾ സ്വന്തം രചനയായി പ്രസിദ്ധീകരിക്കാൻ പാടുള്ളതല്ല. ഇത്തരത്തിൽ കോപ്പി ചെയ്യുന്ന രചനകൾ എഡിറ്റ് ചെയ്ത് പ്രസിദ്ധീകരിക്കുന്നതും ഒഴിവാക്കണം.
-
മറ്റൊരാളുടെ രചന അതേപടി മാറ്റിയെഴുതുകയോ, ചുരുക്കം ചില മാറ്റങ്ങൾ മാത്രം വരുത്തി ആ കഥയുടെ പ്ലോട്ട്, കഥാപാത്രങ്ങൾ, കഥാഘടന എന്നിവ ഉപയോഗിക്കുകയോ ചെയ്യുന്നതും പകർപ്പവകാശ ലംഘനമായി കണക്കാക്കും. (ഇത് പൂർണ്ണമായും പകർപ്പവകാശ ലംഘനത്തിന്റെ പരിധിയിൽ വരുന്നില്ലെങ്കിലും)
-
മറ്റൊരു രചയിതാവിന്റെ രചന മറ്റൊരു ഭാഷയിലേക്ക് വിവർത്തനം ചെയ്യാനോ അനുവർത്തിക്കാനോ അവരുടെ മുൻകൂട്ടിയുള്ള രേഖാമൂലമുള്ള അനുമതി ആവശ്യമാണ്. യഥാർത്ഥ എഴുത്തുകാരന്റെ പേര് ക്രെഡിറ്റായി നൽകിയാൽ പോലും അനുമതിയില്ലാതെ ഇത്തരം രചനകൾ പ്രസിദ്ധീകരിക്കുന്നത് നിയമലംഘനമാണ്.
-
ഒരു രചയിതാവിന്റെ കഥകൾ സ്വന്തം പ്രൊഫൈലിൽ പ്രസിദ്ധീകരിച്ചതിന് ശേഷം ക്രെഡിറ്റ് നൽകുന്നത് ഒരിക്കലും അനുമതിക്ക് പകരമാവില്ല. മറ്റൊരാളുടെ രചന ക്രെഡിറ്റ് നൽകി കൊണ്ട് പങ്കുവെക്കുന്നതിനും അവരുടെ കൃത്യമായ സമ്മതം ആവശ്യമാണ്.
-
പ്രതിലിപിയിൽ പ്രസിദ്ധീകരിക്കുന്ന ഓരോ രചനയും പ്രതിലിപിയുടെ ലൈബ്രറിയിൽ ഇതിനോടകം തന്നെ പ്രസിദ്ധീകരിച്ചിട്ടുള്ള ഏതെങ്കിലും രചയുമായി സാമ്യമുണ്ടോ എന്ന് ഓട്ടോമാറ്റിക്കായി പരിശോധിക്കപ്പെടും. പരാതികൾ ലഭിച്ചില്ലെങ്കിലും ഇത്തരം സമാനതകൾ കണ്ടെത്തിയാൽ രചനകൾ പരിശോധിക്കുകയും നീക്കം ചെയ്യുകയും ചെയ്യും.
-
നിയമലംഘനത്തിന്റെ തോതനുസരിച്ച് രചന ഡ്രാഫ്റ്റിലേക്ക് മാറ്റുകയോ, പൂർണ്ണമായി നീക്കം ചെയ്യുകയോ ചെയ്യപ്പെടും. അതെ സമയം തുടർച്ചയായി ഇത്തരം ലംഘനങ്ങൾ ഉണ്ടായാൽ പ്രൊഫൈൽ ബ്ലോക്ക് ചെയ്യുകയും ചെയ്യുന്നതാണ്. പകർപ്പവകാശ ലംഘനത്തെ കുറിച്ച് ഔദ്യോഗികമായി പരാതികൾ നൽകിയാൽ അത് എഴുത്തുകാരനെതിരെ നിയമനടപടികൾ ഉണ്ടാകുന്നതിനും കാരണമായേക്കാം.
ദോഷകരമായ രചനകൾക്കുള്ള മാർഗ്ഗനിർദ്ദേശങ്ങൾ
-
വായനക്കാരെയോ, എഴുത്തുകാറിയോ, ഏതെങ്കിലും വ്യക്തികളെയോ ഉൾപ്പെടെ ആരെയെങ്കിലും അപമാനിക്കാനോ, ഭീഷണിപ്പെടുത്താനോ, ഉപദ്രവിക്കാനോ താങ്കളുടെ കഥകൾ, റിവ്യൂകൾ, ചാറ്റുകൾ, പ്രൊഫൈൽ വിവരങ്ങൾ എന്നിവ ഉപയോഗിക്കരുത്.
-
ഒരു കഥയുടെ ഭാഗമായി ജാതി വിവേചനം, വർഗീയ സംഘർഷങ്ങൾ, ഗാർഹിക പീഡനം, ബാലവിവാഹം തുടങ്ങിയ സാമൂഹിക പ്രശ്നങ്ങൾ നിങ്ങൾക്ക് എഴുതാവുന്നതാണ്. ദോഷകരമായ ഒരു ആചാരത്തെ തുറന്നുകാട്ടുന്നതോ ചോദ്യം ചെയ്യുന്നതോ ആയ രീതിയിൽ നിങ്ങൾക്ക് അവ കഥകളിൽ എഴുതാം. എന്നാൽ അതിനെ പ്രോത്സാഹിപ്പിക്കുന്ന രീതിയിൽ ഒരിക്കലും എഴുതാൻ പാടുള്ളതല്ല
-
ഏതെങ്കിലും വ്യക്തി, സമൂഹം, ജാതി, മതം, ലിംഗവിഭാഗം, ലൈംഗിക ആഭിമുഖ്യം എന്നിവർക്കെതിരെയുള്ള അതിക്രമങ്ങൾ, വിദ്വേഷം, പീഡനം, വിവേചനം എന്നിവയെ സ്വാഭാവികവൽക്കരിക്കുന്നതോ മഹത്വവൽക്കരിക്കുന്നതോ ആയ ഉള്ളടക്കങ്ങൾ അനുവദനീയമല്ല.
-
താങ്കളുടെ പ്രൊഫൈൽ പേര്, ഫോട്ടോ, ബയോ എന്നിവയിൽ ഉൾപ്പെടെ ഏതെങ്കിലും വിഭാഗത്തിനെതിരെ വിദ്വേഷമോ അക്രമമോ പ്രേരിപ്പിക്കുന്ന അധിക്ഷേപ വാക്കുകളോ, രാഷ്ട്രീയമായി പ്രകോപനപരമായ ഉള്ളടക്കങ്ങളോ, വിദ്വേഷ ചിഹ്നങ്ങളോ ഉപയോഗിക്കരുത്.
-
അടിസ്ഥാനരഹിതമായ വ്യാജ സിദ്ധാന്തങ്ങൾ (Conspiracy theories) പ്രചരിപ്പിക്കുന്നതോ, ചരിത്രപരമായ വസ്തുതകൾ വളച്ചൊടിക്കുന്നതോ, ഒരു വിഭാഗം മറ്റൊന്നിനേക്കാൾ ശ്രേഷ്ഠമാണെന്നോ താഴ്ന്നതാണെന്നോ അവകാശപ്പെടുന്നതോ ആയ ഫിക്ഷൻ അല്ലാത്ത രചനകൾ പ്രസിദ്ധീകരിക്കരുത്.
-
കുട്ടികളെ ലൈംഗികവൽക്കരിക്കുകയോ, ബാലവിവാഹത്തെ ന്യായീകരിക്കുകയോ, സ്ത്രീകൾക്കെതിരെയുള്ള ലൈംഗിക-ശാരീരിക അതിക്രമങ്ങളെ മഹത്വവൽക്കരിക്കുകയോ ചെയ്യുന്ന ഉള്ളടക്കങ്ങൾ ഗുരുതരമായ പോളിസി ലംഘനമാണ്.
-
മുകളിൽ പറഞ്ഞിരിക്കുന്ന പോളിസി ലംഘനങ്ങളുടെ ഗൗരവത്തിനനുസരിച്ച് മുന്നറിയിപ്പ് നൽകുന്നതു മുതൽ പ്രൊഫൈൽ സ്ഥിരമായി ബ്ലോക്ക് ചെയ്യുന്നതുവരെയുള്ള നടപടികൾ സ്വീകരിക്കും. നിയമവിരുദ്ധമായ ഉള്ളടക്കങ്ങൾക്ക് യാതൊരു മുന്നറിയിപ്പുമില്ലാതെ പ്രൊഫൈൽ ബ്ലോക്ക് ചെയ്യുകയും ആവശ്യമായ നിയമനടപടികൾക്കായി അധികാരികളെ അറിയിക്കുകയും ചെയ്യും.