നിങ്ങളുടെ ആദ്യത്തെ 100+ ഭാഗങ്ങളുള്ള സീരീസ് പ്ലാൻ ചെയ്യാം

പ്രിയ രചയിതാവേ,

1. 1

   ദീർഘകാലം നിലനിൽക്കുന്ന വൈകാരിക സാധ്യതകളുള്ള ഒരു കഥാ ആശയത്തിൽ തുടങ്ങുക

   ബന്ധങ്ങൾ, രഹസ്യങ്ങൾ, വൈകാരിക സംഘർഷങ്ങൾ, കുടുംബ മഹിമകൾ/പ്രശ്നങ്ങൾ, ശത്രുത, വളർച്ച അല്ലെങ്കിൽ നിഗൂഢതകൾ എന്നിവയ്ക്ക് കൃത്യമായ ആഴമുള്ള ഒരു ആശയം തിരഞ്ഞെടുക്കുക. എങ്കിൽ മാത്രമേ കഥ സ്വാഭാവികമായി പല ഭാഗങ്ങളിലേക്ക് വ്യാപിപ്പിക്കാൻ സാധിക്കൂ.

2. 2

   എഴുതാൻ തുടങ്ങുന്നതിന് മുൻപ് സീരീസിനെ പ്രധാന ഘട്ടങ്ങളായി തിരിക്കുക

   കഥയ്ക്ക് എപ്പോഴും കൃത്യമായൊരു ദിശയുണ്ടാകാൻ കഥയുടെ യാത്രയെ ആമുഖം, ബന്ധങ്ങൾ വളർത്തിയെടുക്കൽ, പ്രശ്നങ്ങൾ വഷളാകൽ, വൈകാരികമായ തകർച്ച, വലിയൊരു ട്വിസ്റ്റ്, തിരിച്ചുവരവ്, ക്ലൈമാക്സ് എന്നിങ്ങനെ വിവിധ ഘട്ടങ്ങളായി തിരിക്കുക.

3. 3

   പ്ലോട്ടിന് മാത്രം പ്രാധാന്യം നൽകാതെ ശക്തമായ കഥാപാത്ര യാത്രകൾ നിർമ്മിക്കുക

   നിങ്ങളുടെ പ്രധാന കഥാപാത്രങ്ങളുടെ ലക്ഷ്യങ്ങൾ, ഭയങ്ങൾ, പോരായ്മകൾ, വൈകാരിക മുറിവുകൾ, അവരുടെ മാറ്റങ്ങൾ എന്നിവ മനസ്സിലാക്കി അവരെ കൃത്യമായി നിർവ്വചിക്കുക. കാരണം വായനക്കാർക്ക് സംഭവങ്ങളേക്കാൾ കൂടുതൽ അടുപ്പം തോന്നുക മനുഷ്യരോടാണ്.

4. 4

   പ്രധാന ട്വിസ്റ്റുകളും, വെളിപ്പെടുത്തലുകളും, വൈകാരിക നിമിഷങ്ങളും മുൻകൂട്ടി പ്ലാൻ ചെയ്യുക

   കഥയിലെ വായനക്കാരുടെ ആവേശവും താല്പര്യവും നിലനിർത്തുന്നതിനായി വഞ്ചനകൾ, വീണ്ടും ഒന്നിക്കൽ, മറഞ്ഞിരുന്ന സത്യങ്ങൾ, ഹൃദയഭേദകമായ നിമിഷങ്ങൾ, നേർക്കുനേരെയുള്ള ഏറ്റുമുട്ടലുകൾ, വിജയങ്ങൾ എന്നിവ കൃത്യമായ ഇടവേളകളിൽ ഉൾപ്പെടുത്തുക.

5. 5

   100 ഭാഗങ്ങളെക്കുറിച്ച് ഒന്നിച്ച് ചിന്തിക്കാതെ ചെറിയ ചാപ്റ്റർ ബ്ലോക്കുകളായി ആലോചിക്കുക

   ചാപ്റ്ററുകളെ 5-10 ഭാഗങ്ങളുള്ള ഗ്രൂപ്പുകളായി പ്ലാൻ ചെയ്യുക. ഓരോ ബ്ലോക്കും ഒരു പ്രശ്നം അവതരിപ്പിക്കുകയും, ഉദ്വേഗം കൂട്ടുകയും, ഒടുവിൽ വൈകാരികമായ ഒരു പരിഹാരത്തോടെയോ അല്ലെങ്കിൽ അടുത്ത ഘട്ടത്തിലേക്കുള്ള ജിജ്ഞാസയോടെയോ അവസാനിക്കുകയും വേണം.

6. 6

   ആദ്യത്തെ 15-20 ഭാഗങ്ങൾ വളരെ ആകർഷകവും വായനക്കാരെ നിലനിർത്താൻ പോന്നതുമാക്കുക

   കഥയുടെ തുടക്കത്തിൽത്തന്നെ ശക്തമായ ഓപ്പണിംഗുകൾ, വൈകാരികമായ ഉദ്വേഗങ്ങൾ, ക്ലിഫ്ഹാംഗറുകൾ, ബന്ധങ്ങളിലെ പ്രശ്നങ്ങൾ, വേഗതയേറിയ ഒഴുക്ക് എന്നിവ ഉപയോഗിക്കുക. കാരണം വായനക്കാർ കഥ തുടർന്ന് വായിക്കണമോ എന്ന് തീരുമാനിക്കുന്നത് വളരെ പെട്ടെന്നാണ്.

7. 7

   ഉപകഥകളും, ബന്ധങ്ങളും, ആവർത്തിച്ചു വരുന്ന പാർശ്വകഥാപാത്രങ്ങളും ശ്രദ്ധയോടെ ഉപയോഗിക്കുക

   പ്രണയം, സൗഹൃദങ്ങൾ, കുടുംബ പശ്ചാത്തലങ്ങൾ, ശത്രുക്കൾ, ഉത്സവങ്ങൾ, മറ്റ് രഹസ്യങ്ങൾ, ഉപകഥാപാത്രങ്ങളുടെ കഥകൾ എന്നിവ ഒരേ കാര്യം തന്നെ ആവർത്തിക്കാതെ കഥയെ എപ്പോഴും സജീവമായി നിലനിർത്താൻ സഹായിക്കും.

8. 8

   ഓരോ ഭാഗത്തിനും വ്യക്തമായൊരു ലക്ഷ്യം നൽകി ഫില്ലർ ചാപ്റ്ററുകൾ ഒഴിവാക്കുക

   ഓരോ ചാപ്റ്ററും ഒന്നുകിൽ കഥയെ മുന്നോട്ട് നയിക്കുന്നതോ, വികാരങ്ങൾക്ക് ആഴം കൂട്ടുന്നതോ, പുതിയ വിവരങ്ങൾ വെളിപ്പെടുത്തുന്നതോ, പ്രശ്നങ്ങൾ വർദ്ധിപ്പിക്കുന്നതോ, കഥാപാത്രത്തിന്റെ സ്വഭാവം വ്യക്തമാക്കുന്നതോ അല്ലെങ്കിൽ വരാനിരിക്കുന്ന കാര്യങ്ങൾക്കായുള്ള കാത്തിരിപ്പ് കൂട്ടുന്നതോ ആയിരിക്കണം. അനാവശ്യമായി കഥ വലിച്ചുനീട്ടരുത്.

9. 9

   നോട്ടുകൾ, ബഫറുകൾ, തുടർച്ചകൾ എന്നിവ ട്രാക്ക് ചെയ്തുകൊണ്ട് കൃത്യത നിലനിർത്തുക

   വരാനിരിക്കുന്ന ചാപ്റ്ററുകൾക്കായി ചെറിയ നോട്ടുകൾ കുറിച്ചുവെക്കുക, പബ്ലിഷ് ചെയ്യാനായി ഒരു ബഫർ സൂക്ഷിക്കുക, കഥയിലെ സമയരേഖകളും ബന്ധങ്ങളും കൃത്യമായി ട്രാക്ക് ചെയ്യുക. വലിയ സീരീസുകളിൽ ആശയക്കുഴപ്പങ്ങൾ ഒഴിവാക്കാൻ മുൻപ് നടന്ന സംഭവങ്ങൾ എപ്പോഴും ഓർമ്മയിൽ സൂക്ഷിക്കുക.

10. 10

    എഴുതുമ്പോൾ മാറ്റങ്ങൾക്ക് തയ്യാറാകുമെങ്കിലും, കഥയുടെ വൈകാരികമായ അവസാനം മുൻകൂട്ടി മനസ്സിലാക്കുക

    കഥയിലെ ഓരോ ചെറിയ കാര്യങ്ങളും മുൻകൂട്ടി പ്ലാൻ ചെയ്യേണ്ടതില്ല, എന്നാൽ കഥ എങ്ങോട്ടാണ് അവസാനമായി എത്തിച്ചേരേണ്ടതെന്ന് അറിയുന്നത് കഥ അനാവശ്യമായി നീണ്ടുപോകുന്നത് ഒഴിവാക്കാൻ സഹായിക്കും. ഒപ്പം എഴുതുമ്പോൾ തോന്നുന്ന പുതിയ നല്ല ആശയങ്ങളെ സ്വാഭാവികമായി ഉൾപ്പെടുത്താനും ഇത് വഴിതുറക്കും.