നായകൻ|ഓരോപുരുഷനും പറയാൻ ഓരോ കഥയുണ്ട്, ആരും കേൾക്കാത്ത ആ കഥകൾ ഇന്നുതന്നെ ലോകത്തോടു പങ്കുവെക്കൂ! 

പുരുഷ വായനക്കാർ എങ്ങനെയുള്ള കഥകളാണ് വായിക്കാൻ ഇഷ്ടപ്പെടുന്നതെന്ന് എപ്പോഴെങ്കിലും ആലോചിച്ചിട്ടുണ്ടോ?

പ്രതിലിപി ഇതാ ഒരു പുതിയ മത്സരവുമായി നിങ്ങൾക്ക് മുന്നിലേക്ക്  എത്തുകയാണ്. പ്രതിലിപിയിൽ ട്രെൻഡിങ് ആയി കൊണ്ടിരിക്കുന്ന പുരുഷ - കേന്ദ്രീകൃത രചനകളെ  മുൻനിർത്തിയാണ് ഈ മത്സരം സംഘടിപ്പിക്കുന്നത്. ഇതുവരെ ആരും പറയാത്ത, എന്നാൽ എല്ലാവരും കേൾക്കാൻ ആഗ്രഹിക്കുന്ന ആ കഥകൾ ഇനി വെളിച്ചം കാണട്ടെ.

സ്ത്രീ അനുഭവിക്കുന്ന വേദനകളെയും, പ്രശ്നങ്ങളെയും പറ്റി പറയുമ്പോൾ ചിലപ്പോഴെങ്കിലും പുരുഷന്റെ കഠിനാധ്വാനവും, ത്യാഗങ്ങളും കേവലം "കടമകൾ" മാത്രമായി മുദ്രകുത്തപ്പെടാറുണ്ട്. വിവാഹമോചനത്തിന്റെ മനോവേദന, ജീവനാംശം നൽകാനുള്ള നെട്ടോട്ടം, അച്ഛനാകാൻ കഴിയാത്തതിന്റെ വിഷമം, അഴിമതി നിറഞ്ഞ വ്യവസ്ഥിതിയോടുള്ള ഒറ്റയാൾ പോരാട്ടം അങ്ങനെ ഒരു പുരുഷൻ ജീവിതത്തിൽ നേരിടുന്ന വെല്ലുവിളികളും ഒട്ടും ചെറുതല്ല. 

ഉള്ളിന്റെയുള്ളിൽ ഒരിക്കലെങ്കിലും തന്റെ ജീവിതം തന്നെ  മാറ്റിമറിക്കാൻ കഴിയുന്ന ഒരു സൂപ്പർ പവർ തനിക്ക് ഉണ്ടായിരുന്നുവെങ്കിൽ എന്ന് ആലോചിക്കാത്ത പുരുഷന്മാർ ഉണ്ടാകില്ല.

അവിടെയാണ് ഒരു നായകൻ ജനിക്കുന്നത്!

ഓരോ പുരുഷൻറെയും ഉള്ളു സ്പർശിക്കുന്ന, അവനെ സ്വാധീനിക്കുന്ന കഥകൾക്കായുള്ള തിരച്ചിലിലാണ് ഞങ്ങൾ. ദൈനംദിന ജീവിതത്തിലെ സമ്മർദ്ദങ്ങളിൽ നിന്ന് അവരെ മാറ്റിനിർത്തുന്ന വൈകാരികമായ കുടുംബ കഥകളോ, മുൾമുനയിൽ നിർത്തുന്ന ക്രൈം ത്രില്ലറുകളോ, നിഗൂഢത നിറഞ്ഞ അമാനുഷിക അനുഭവങ്ങളോ, അല്ലെങ്കിൽ കഠിനാധ്വാനത്തിലൂടെ തളരാതെ പോരാടി വിജയിച്ചവരുടെ കഥകളോ ആകാം. അവ ഓരോ രചയിതാക്കളിലൂടെയും ലോകം അറിയട്ടെ! 

പുരുഷൻ ഒരിക്കലും തുറന്നു പറയാത്ത വികാരങ്ങളെയും അനുഭവങ്ങളെയും ലോകത്തിന് മുന്നിൽ എത്തിക്കുകയാണ് ഈ മത്സരത്തിന്റെ ലക്ഷ്യം. ഇവിടെ നായകൻ വെറുമൊരു ഇരയല്ല മറിച്ച് എത്ര വലിയ തകർച്ചകളുണ്ടായാലും, പ്രതിസന്ധികളിൽ തളരാതെ പോരാടി, സ്വന്തം ജീവിതം സ്വയം കെട്ടിപ്പടുക്കുന്ന കരുത്തുറ്റ നായകന്മാരുടെ കഥകളറിയാൻ ഞങ്ങൾ കാത്തിരിക്കുന്നു.

 

സൂപ്പർഹിറ്റ് വിജയി ആകാൻ എങ്ങനെയുള്ള കഥകൾ എഴുതാം?

പുരുഷ കേന്ദ്രീകൃത കഥകളുടെ ലോകം വളരെ വലുതാണ്. നിങ്ങളുടെ രചനകളുടെ വിജയസാധ്യത വർധിപ്പിക്കാൻ ചുവടെ നൽകിയിരിക്കുന്ന കിടിലൻ തീമുകളിൽ ഉള്ള കഥകൾ എഴുതാം

• അധികാരവും, പ്രതികാരവും:  അതിസമ്പന്നനാണെന്നോ അതീവ ശക്തനാണെന്നോ ഉള്ള സത്യം മറച്ചുവെച്ച് സാധാരണക്കാരനായി ജീവിക്കുന്ന നായകൻ. ശത്രുക്കൾ അയാൾ അവൻ ദുർബലനാണെന്ന് കരുതി ആക്രമിക്കാൻ വരുമ്പോൾ, തന്റെ യഥാർത്ഥ സ്വരൂപം വെളിപ്പെടുത്തി അവരെ തകർക്കുന്ന നായകന്റെ മാസ്സ് അതിജീവനത്തിന്റെ കഥകൾ!

• സമൂഹത്തോടും, വ്യവസ്ഥിതിയോടുമുള്ള പോരാട്ടം: വേദനനിറഞ്ഞ വിവാഹമോചനം, ജീവനാംശത്തിന് വേണ്ടിയുള്ള കോടതി യുദ്ധങ്ങൾ, മക്കളിൽ നിന്ന് അകന്നു കഴിയേണ്ടി വരുന്ന പിതാവിന്റെ സങ്കടം.  പുരുഷൻ നേരിടുന്ന യഥാർത്ഥ ജീവിത പ്രതിസന്ധികൾ. അഴിമതി നിറഞ്ഞ സിസ്റ്റത്തോടും പക്ഷപാതപരമായ സമൂഹത്തോടും പൊരുതി ജയിക്കുന്ന നായകന്റെ കഥകൾ

• ഫാന്റസി കഥകൾ: പുരാതന ശാപങ്ങൾ, താന്ത്രിക വിദ്യകൾ, നിഗൂഢ രഹസ്യങ്ങൾ എന്നിവയുടെ ലോകം തന്നെ ഒരുക്കുന്ന കഥകൾ. അതിൽ നിന്നും തന്റെ ഭയത്തെ അതിജീവിച്ച് ഈ മായിക ലോകങ്ങളിൽ മുന്നേറുന്ന നായകൻ.

• ത്രില്ലർ കഥകൾ: ശാരീരിക ശക്തിയേക്കാൾ ബുദ്ധിശക്തി കൊണ്ട് ക്രിമിനൽ സംഘങ്ങളെയും വലിയ ഗൂഢാലോചനകളെയും തകർത്തെറിയുന്ന നായകൻ. ഓരോ നീക്കത്തിലും ആകാംക്ഷ നിറയ്ക്കുന്ന മികച്ച ഇൻവെസ്റ്റിഗേറ്റീവ് അല്ലെങ്കിൽ ക്രൈം ത്രില്ലറുകൾ

• മറയ്ക്കുന്ന വികാരങ്ങൾ: തങ്ങളുടെ  വികാര- വിചാരങ്ങളെ കുറിച്ച് അധികം സംസാരിക്കാത്ത ആളുകളാണ് പുരുഷന്മാർ. ആരും കാണാതെ പോകുന്ന അവന്റെ ആത്മസംഘർഷങ്ങളും നിശബ്ദമായ ത്യാഗങ്ങളും നിറഞ്ഞ വൈകാരികമായ ജീവിതയാത്രയുടെ കഥകൾ

 

വിജയത്തിലേക്ക്  എത്താൻ ചില നുറുങ്ങ്  വിദ്യകൾ കൂടി 

മുകളിൽ പറഞ്ഞിരിക്കുന്ന തീമുകൾ കൂടാതെ നിങ്ങൾക്ക് ഇഷ്ടപ്പെട്ട  ഏത് തീമുകളിലും രചനകൾ എഴുതാം. നിങ്ങളെ വിജയത്തിലേക്ക് എത്തിക്കുവാൻ കൃത്യമായ ഗൈഡ് ലൈനുകൾ ഉൾപ്പെടുത്തി ഞങ്ങൾ ഒരു പ്ലേബുക്ക് കൂടി തയ്യാറാക്കിയിട്ടുണ്ട്. വായനക്കാരെ ആകർഷിക്കുന്ന പുരുഷ കേന്ദ്രീകൃത കഥകൾ എങ്ങനെ എഴുതാമെന്നതിനെക്കുറിച്ചുള്ള ടിപ്പുകൾ ഇതിൽ ലഭ്യമാണ്.

കൂടുതലറിയാൻ ഇവിടെ നൽകിയ ലിങ്കിൽ ക്ലിക്ക് ചെയ്യൂ: പ്ലേബുക്ക്

 

ലക്ഷ്യം ലളിതമാണ്: തളർന്നു വീണടത്തുനിന്ന് ഇരയാകാൻ വിസമ്മതിക്കുന്ന ഒരു നായകന്റെ കഥ! സ്വന്തം ജീവിതത്തിന്റെ നിയന്ത്രണം ഏറ്റെടുത്ത്, തനിക്ക് ചുറ്റുമുള്ള ലോകത്തിന്റെ അധികാരിയായി അവൻ മാറുന്ന പോരാട്ടത്തിന്റെ കഥ.

സമ്മാന വിഭാഗങ്ങളും അവാർഡുകളും

 

1. തെരഞ്ഞെടുക്കുന്ന വിജയികൾക്കുള്ള സമ്മാനങ്ങൾ:

→ ഒന്നാം സമ്മാനം -  ₹9000 ക്യാഷ് പ്രൈസ് + പ്രതിലിപി  അവാർഡ് + സോഷ്യൽ മീഡിയയിലെ പ്രത്യേക ‘ഓഥർ സ്പോട്ട്ലൈറ്റ് പോസ്റ്റ്’ 

→ രണ്ടാം സമ്മാനം - ₹7000 ക്യാഷ് പ്രൈസ് + പ്രതിലിപി  അവാർഡ് + സോഷ്യൽ മീഡിയയിലെ പ്രത്യേക ‘ഓഥർ സ്പോട്ട്ലൈറ്റ് പോസ്റ്റ്’ 

→ മൂന്നാം സമ്മാനം - ₹5000 ക്യാഷ് പ്രൈസ് +പ്രതിലിപി  അവാർഡ് + സോഷ്യൽ മീഡിയയിലെ പ്രത്യേക  ‘ഓഥർ സ്പോട്ട്ലൈറ്റ് പോസ്റ്റ്’ 

→ 4 മുതൽ 10 വരെയുള്ള സ്ഥാനങ്ങള്‍ നേടുന്നവർക്ക്  - ₹2000 ക്യാഷ് പ്രൈസ് + പ്രതിലിപി  അവാർഡ് + സോഷ്യൽ മീഡിയയിലെ പ്രത്യേക  ‘ഓഥർ സ്പോട്ട്ലൈറ്റ് പോസ്റ്റ്’ 

→ 11 മുതൽ 30 വരെയുള്ള സ്ഥാനങ്ങള്‍ നേടുന്നവർക്ക്  - ₹1000 ക്യാഷ് പ്രൈസ് + പ്രതിലിപി  അവാർഡ് + സോഷ്യൽ മീഡിയയിലെ പ്രത്യേക  ‘ഓഥർ സ്പോട്ട്ലൈറ്റ് പോസ്റ്റ്’ 

→ 31-നും 50-നും ഇടയിലുള്ള സ്ഥാനങ്ങള്‍ നേടുന്നവർക്ക് - ഫലത്തിൽ പ്രത്യേക പരാമർശം + ഡിജിറ്റൽ സർട്ടിഫിക്കറ്റ്

2. വായനക്കാർ തെരഞ്ഞെടുക്കുന്ന രചനകൾക്കുള്ള സമ്മാനങ്ങൾ 

→ നൂറ് അദ്ധ്യായങ്ങൾ പൂർത്തിയാക്കുന്ന എല്ലാ രചയിതാക്കൾക്കും ഫലപ്രഖ്യാപനത്തിൽ പ്രത്യേക പരാമർശവും, കൂടാതെ പ്രതിലിപിയുടെ 'അക്ഷര ശതക’ ഡിജിറ്റൽ സർട്ടിഫിക്കറ്റും  ലഭിക്കുന്നതാണ്.

→ മാത്രമല്ല, ഇവയിൽ നിന്നും വായനക്കാർ തെരഞ്ഞെടുക്കുന്ന ഏറ്റവും മികച്ച 10 രചനകൾക്ക്  പ്രതിലിപി  അവാർഡ് ട്രോഫിയും ലഭിക്കുന്നതാണ്.

 3. എല്ലാ മത്സരാർത്ഥികൾക്കും സമ്മാനങ്ങൾ 

→ എല്ലാ മത്സരാർത്ഥികൾക്കും ഡിജിറ്റൽ പാർട്ടിസിപ്പേഷൻ സർട്ടിഫിക്കറ്റ് ലഭിക്കുന്നതാണ്.

→ മത്സരത്തിൽ ഉൾപ്പെടുത്തുന്ന എല്ലാ രചനകളും ഞങ്ങളുടെ ഫേസ്ബുക്ക് പേജിൽ ഷെയർ ചെയ്യും.

→ എല്ലാ രചനകളും പ്രതിലിപി ഹോം പേജ് ബാനറിലും ഷെയർ ചെയ്യപ്പെടുന്നതാണ്.

→ നിങ്ങൾ ഒരു പ്രീമിയം സീരീസാണ് എഴുതുന്നതെങ്കിൽ, അതിൽ നിന്ന് നിങ്ങൾക്ക് ആജീവനാന്തം പ്രതിമാസ വരുമാനവും നേടാനാകും.

നിയമങ്ങളും മാർഗ്ഗനിർദ്ദേശങ്ങളും

1. ഗോൾഡൻ ബാഡ്ജ് രചയിതാക്കൾ: മത്സരത്തിൽ യോഗ്യത നേടാൻ നിങ്ങളുടെ സീരീസ് നിർബന്ധമായും പ്രീമിയം സബ്സ്ക്രിപ്ഷനിൽ ഉൾപ്പെടുത്തിയിരിക്കണം. (നിങ്ങളുടെ സീരീസ് പ്രീമിയത്തിൽ ഉൾപ്പെടുത്തിയിട്ടുണ്ടോയെന്ന് പരിശോധിക്കേണ്ടത് എങ്ങനെ?)

2. ഗോൾഡൻ ബാഡ്ജ് ഇല്ലാത്ത രചയിതാക്കൾക്കായി: ഗോൾഡൻ ബാഡ്ജ് ഇല്ലെങ്കിൽ, നിങ്ങളുടെ സീരീസ്  സാധാരണ രീതിയിൽ പ്രസിദ്ധീകരിച്ചാൽ  മതി. (സീരീസ് പബ്ലിഷ്  ചെയ്യേണ്ടത് എങ്ങനെ?)

3. സീരീസ് ഭാഗങ്ങൾ: നിങ്ങളുടെ തുടർക്കഥയ്ക്ക് നിർബന്ധമായും 50 ഭാഗങ്ങളെങ്കിലും ഉണ്ടായിരിക്കണം. (ഉയർന്ന പരിധിയില്ല).

4. വാക്കുകളുടെ എണ്ണം: രചനയിലെ ഓരോ ഭാഗത്തിലും  കുറഞ്ഞത് 1000 വാക്കുകൾ ഉണ്ടായിരിക്കണം. വാക്കുകൾക്ക് ഉയർന്ന പരിധിയില്ല. (വാക്കുകൾ പരിശോധിക്കേണ്ടത് എങ്ങനെ?)

5. സമർപ്പണം: രചന പ്രസിദ്ധീകരിക്കുമ്പോൾ 'നായകൻ' എന്ന വിഭാഗം തെരഞ്ഞെടുത്താൽ മതി. (വിഭാഗം ചേർക്കേണ്ടത് എങ്ങനെ?)

6.സീരീസിന്‍റെ വിഷയം: ഏത് വിഷയത്തെ ആസ്പദമാക്കിയും നിങ്ങളുടെ  തുടർക്കഥ  നിങ്ങൾക്ക് എഴുതാവുന്നതാണ്. എന്നാൽ ഇത് നിങ്ങളുടെ പുരുഷ വായനക്കാർക്ക് ഇഷ്ടപ്പെടുന്ന തരത്തിലുള്ള പുരുഷകേന്ദ്രീകൃത രചനകൾ ആയിരിക്കണമെന്ന് മാത്രം.

7. മുന്നറിയിപ്പ്: അപൂർണ്ണമായ സീരീസുകളും, മത്സരത്തിന്‍റെ നിയമങ്ങളോ പ്രസിദ്ധീകരണ സമയപരിധിയോ പാലിക്കാത്ത സീരീസുകളും ഈ മത്സരത്തിലേക്ക് പരിഗണിക്കുന്നതായിരിക്കില്ല.

പ്രത്യേക നിർദ്ദേശം : ആദ്യഭാഗം മുതൽ തന്നെ വളരെ  സ്വാഭാവികമായ രീതിയിലായിരിക്കണം നിങ്ങളുടെ തുടർക്കഥ ആരംഭിക്കേണ്ടത്. ആമുഖം, പ്രോമോ, വായനക്കാരോട് സംസാരിക്കുന്ന രീതിയിലുള്ള കുറിപ്പുകൾ തുടങ്ങിയവ സീരീസിൻ്റെ ഭാഗമായി  പ്രസിദ്ധീകരിക്കുന്നത് ഒഴിവാക്കുക. (കുറിപ്പുകൾ 'പോസ്റ്റ്' വിഭാഗത്തിൽ ചേർക്കുന്നതാണ് നല്ലത്)

പ്രധാന തീയതികൾ

1.മത്സരം ആരംഭിക്കുന്ന തീയതി: 2026, ഫെബ്രുവരി 18

2. മത്സരം അവസാനിക്കുന്ന തീയതി: 2026, ജൂലൈ 30

3.ഫലം പ്രഖ്യാപിക്കുന്ന തീയതി: 2026, സെപ്റ്റംബർ 23 വൈകീട്ട് 5 മണി (മത്സരഫലത്തിൻ്റെ  ലിങ്ക് സഹിതം പ്രതിലിപി ടീമിൽ നിന്ന് വിജയികളായ രചയിതാക്കൾക്ക് ഒരു ഇ-മെയിൽ ലഭിക്കുന്നതാണ്.)

 

ശ്രദ്ധിക്കുക:

→ നിങ്ങളുടെ സീരീസ് 2026, ഫെബ്രുവരി 18 നോ അതിന് ശേഷമോ തുടങ്ങിയത് ആയിരിക്കണം. 2026, ഫെബ്രുവരി 18 മുമ്പ് ആരംഭിച്ച രചനകൾ മത്സരത്തിൽ പരിഗണിക്കുന്നതല്ല. 

→ മത്സരം അവസാനിച്ചതിന് ശേഷമായിരിക്കും എല്ലാ രചനകളും ഫേസ്‌ബുക്ക് പേജിലും, പ്രതിലിപി ഹോം പേജ് ബാനറിലും ഷെയർ ചെയ്യുക.

സഹായം ആവശ്യമുണ്ടോ?

ഈ മത്സരവുമായി ബന്ധപ്പെട്ട സംശയങ്ങൾക്ക് [email protected] എന്ന വിലാസത്തിൽ ഞങ്ങളുമായി ബന്ധപ്പെടുക. ഞങ്ങളുടെ ടീം നിങ്ങളുടെ എല്ലാ ചോദ്യങ്ങൾക്കും 24 മണിക്കൂറിനുള്ളിൽ മറുപടി നൽകാൻ ശ്രമിക്കുന്നതാണ്.

നിങ്ങൾക്ക് അറിയാവുന്ന രചയിതാക്കളുമായി ഈ മത്സരത്തിന്‍റെ വിവരങ്ങൾ (ഇവൻറ്റ് പേജ് ലിങ്ക്) പങ്കിടാൻ മറക്കരുത്. നിങ്ങളുടെ ഒരു ഷെയർ ഒരാളുടെ ജീവിതത്തിലെ നിർണായകമായ വഴിത്തിരിവായേക്കാം!

 

ലോകം നിങ്ങളുടെ നായകനായി  കാത്തിരിക്കുകയാണ്. ഇന്ന് തന്നെ എഴുതി തുടങ്ങൂ

ആശംസകളോടെ
ടീം പ്രതിലിപി