പ്രതിലിപിനിങ്ങളുടെ സ്വന്തം ലിപി
പ്രിയപ്പെട്ട രചയിതാവേ,
ഒരു കമ്പനി എന്നതിലുപരി, പ്രതിലിപിയിലെ കുറച്ചു സുഹൃത്തുക്കൾ എന്ന നിലയിലാണ് ഞങ്ങൾ ഈ കത്തെഴുതുന്നത്. കാരണം, നിങ്ങളെപ്പോലെ തന്നെ എഴുത്തിനെ ഇഷ്ടപ്പെടുന്ന ഒരുപാട് പേർ ഞങ്ങളുടെ ടീമിലുമുണ്ട്.
ഒരു വായനക്കാരൻ നിങ്ങളുടെ കഥ വായിക്കുമ്പോൾ അതിന്റെ പൂർണ്ണരൂപം മാത്രമേ കാണുന്നുള്ളൂ. എന്നാൽ ആ കഥയ്ക്ക് പിന്നിലെ അധ്വാനം അതിന്റെ രചയിതാവിന് മാത്രമേ അറിയുള്ളൂ. ഓഫീസ് ജോലികൾക്കും വീട്ടുതിരക്കുകൾക്കും ഒടുവിലെ അവശത, പാതിവഴിയിൽ മുടങ്ങിപ്പോയ ഡ്രാഫ്റ്റുകൾ, വായനക്കാർക്ക് ഇഷ്ടപ്പെടുമോ എന്ന പേടി, ഇവക്ക് പുറമേ നേരിടേണ്ടി വരുന്ന മാനസികസംഘർഷങ്ങൾ - ഇതിനെയൊക്കെ മറികടന്ന്, വായനക്കാർക്ക് ഇഷ്ടപ്പെടുമെന്ന പ്രതീക്ഷയിലാണല്ലോ ഓരോ പാർട്ടും നിങ്ങൾ പ്രസിദ്ധീകരിക്കുന്നത്.
എഴുത്ത് ചിലപ്പോൾ നിങ്ങളെ തനിച്ചാക്കിയേക്കാം, എന്നാൽ അതേ എഴുത്ത് തന്നെയാണ് പല സങ്കടങ്ങളിലും നമുക്ക് കരുത്താകുന്നതും. അതുകൊണ്ട് തന്നെയാണ് വാക്കുകൾ കോർത്തെടുക്കുന്ന ഈ കലയെ ഞങ്ങൾ ഇത്രയധികം ബഹുമാനിക്കുന്നത്.
കഴിഞ്ഞ കുറച്ചു നാളുകളായി വീക്കിലി സെഷനുകളിലൂടെ നിങ്ങളിൽ പലരുമായും സംസാരിക്കാൻ ഞങ്ങൾക്ക് കഴിഞ്ഞു. ആ ചർച്ചകളിൽ നിന്ന് ഞങ്ങൾ ഒരു കാര്യം തിരിച്ചറിഞ്ഞു: പ്രണയകഥകൾക്ക് അപ്പുറം മറ്റ് കഥകൾക്ക് എങ്ങനെ വായനക്കാരെ കണ്ടെത്താം? പ്രണയകഥകൾക്ക് എന്നും പ്രതിലിപിയിൽ സ്ഥാനമുണ്ട്. എന്നാൽ ത്രില്ലർ, ഹൊറർ പോലെയുള്ള മറ്റ് ജോണറുകൾക്കും നല്ല വായനക്കാരെ കണ്ടെത്തുന്നതിലൂടെ എഴുത്തുകാർക്ക് അവരുടെ വായനക്കാരോ, വരുമാനമോ കുറയുമോയെന്ന പേടിയില്ലാതെ അത്തരം കഥകൾ പരീക്ഷിക്കാൻ കഴിയും. ആ വായനക്കാരെ കണ്ടെത്താൻ നിങ്ങളെ സഹായിക്കുക എന്നതാണ് ഞങ്ങളുടെ അടുത്ത ലക്ഷ്യം.
ഇതിന്റെ ഭാഗമായി ഹൊറർ, ക്രൈം ത്രില്ലർ, സയൻസ് ഫിക്ഷൻ തുടങ്ങിയ വിഭാഗങ്ങൾക്കായി ഞങ്ങൾ പുതിയൊരു മത്സരം ആരംഭിച്ചിട്ടുണ്ട്. താഴെ കാണുന്ന ലിങ്കിലൂടെ നിങ്ങൾക്ക് ഇതിൽ പങ്കെടുക്കാം:
https://malayalam.pratilipi.com/event/d2hy5aboh0
നിങ്ങളുടെ ഓരോ അഭിപ്രായവും കേൾക്കാൻ ഞങ്ങൾ തയ്യാറാണ്. പ്രതിലിപിയിലെ നിങ്ങളുടെ അനുഭവങ്ങൾ, ഇനിയും ഞങ്ങൾ മെച്ചപ്പെടുത്തേണ്ട കാര്യങ്ങൾ, പുതിയ ഫീച്ചറുകൾ തുടങ്ങി പ്രതിലിപിയെ നിങ്ങൾക്ക് അറിയിക്കേണ്ടതെല്ലാം താഴെ കാണുന്ന ഗൂഗിൾ ഫോമിൽ നിങ്ങൾക്ക് ചേർക്കാവുന്നതാണ്:
നിങ്ങളുടെ ഓരോ മറുപടിയും ഞങ്ങളുടെ ടീം നേരിട്ട് വായിക്കുന്നതായിരിക്കും.
മടുപ്പ് തോന്നുമ്പോഴും എഴുത്ത് നിർത്താതെ മുന്നോട്ട് പോകുന്നതിനും നിങ്ങളുടെ വാക്കുകളെ കാത്തുസൂക്ഷിക്കാൻ പ്രതിലിപിയെ വിശ്വസിച്ചതിനും ഒരുപാട് നന്ദി.
നിങ്ങളുടെ സ്വന്തം,
ലിപി