വരുമാനം വർദ്ധിപ്പിക്കാനുള്ള 12 വഴികൾ || നിങ്ങളുടെ സ്വന്തം ലിപി എഴുതുന്നു

പ്രിയ രചയിതാവേ,

കഴിഞ്ഞ മാർച്ച് മാസത്തിലാണ് ഞങ്ങൾ നിങ്ങൾക്ക് ആദ്യമായി ഒരു കത്തെഴുതിയത് (👉ഇവിടെ വായിക്കാം). അന്ന് നിങ്ങൾ നൽകിയ സ്നേഹവും പിന്തുണയും ഒക്കെ ഒരിക്കലും മറക്കാനാവാത്ത ഒന്ന് തന്നെയായിരുന്നു. അപ്പോൾ എങ്ങനെ വീണ്ടുമൊരു കത്തെഴുതാതിരിക്കാൻ കഴിയും? ഇത്തവണ ഞങ്ങൾ നിങ്ങൾക്കായി എഴുതുന്ന ഈ കത്തിൽ പ്രധാനമായും 3 കാര്യങ്ങളെ കുറിച്ചാണ് ഞങ്ങൾക്ക് പറയാനുള്ളത്.

1) പ്രതിലിപിയെ കുറിച്ചുള്ള മറക്കാനാവാത്ത ചില ഓർമ്മകൾ
2) പ്രതിലിപിയിൽ വിജയം നേടാൻ ഞങ്ങളുടെ ടീം നൽകുന്ന 12 ടിപ്പുകൾ
3) ഒടുവിൽ നിങ്ങൾക്കായി ഒരു കിടിലൻ സർപ്രൈസും ഉണ്ട്!

അപ്പോൾ നമുക്ക് തുടങ്ങിയാലോ?

🏠  പ്രതിലിപിയെ കുറിച്ചുള്ള ഒരിക്കലും മറക്കാനാവാത്ത ചില ഓർമ്മകൾ:

2014-ൽ ഒരു ചെറിയ വാടകവീട്ടിലാണ് (ഫോട്ടോ ചുവടെ ചേർക്കുന്നു) പ്രതിലിപിക്ക് തുടക്കം കുറിച്ചത്. ഒരേസമയം ഞങ്ങൾക്ക് അത് വീടും ഓഫീസും ഒക്കെയായിരുന്നു. വെറും 5 പേർ മാത്രമായി ഈ യാത്ര ആരംഭിച്ച ഞങ്ങൾ ഇന്ന് 300-ലധികം ആളുകൾ അടങ്ങിയ ഒരു വലിയ കുടുംബമാണ്! ഞങ്ങളുടെ എഴുത്തുകാരായ നിങ്ങൾ ഞങ്ങളിൽ അർപ്പിച്ച വിശ്വാസമാണ് ഞങ്ങളെ വളർത്തിയത്. പ്രതിലിപി ആരംഭിച്ച് ആദ്യത്തെ 8-9 വർഷത്തോളം എഴുത്തുകാർക്ക് ഇതിൽ നിന്നും കാര്യമായ വരുമാനമൊന്നും ലഭിച്ചിരുന്നില്ല, എന്നിട്ടും അവർ പ്രതിലിപിയെ നെഞ്ചോട് ചേർത്ത് ഞങ്ങളോടൊപ്പം നിന്നു. എന്നാൽ ഇന്ന് കാര്യങ്ങൾ മാറി, കഴിഞ്ഞ മാസം മാത്രം 10,381 എഴുത്തുകാർ ചേർന്ന് പ്രതിലിപിയിലൂടെ സ്വന്തമാക്കിയത് ₹3.12 കോടി രൂപയാണ്!

നിങ്ങൾക്ക് ഈ കത്തെഴുതണം എന്ന് വിചാരിച്ചപ്പോൾ ആദ്യം മനസ്സിൽ വന്നത് ഒരു കാര്യമാണ്— പ്രതിലിപിയിൽ വളരാൻ നിങ്ങളെ എങ്ങനെ കൂടുതൽ സഹായിക്കാം? അതുകൊണ്ട് ഞങ്ങളുടെ ടീമിലെ ഓരോരുത്തരോടും ഞങ്ങൾ സംസാരിച്ചു. അവർ നൽകിയ ചില ടിപ്പുകൾ കൂടി ഞങ്ങൾ ഇവിടെ കൂടി ചേർക്കുന്നു. 

1.  നിങ്ങൾ ഇതുവരെ പ്രതിലിപിയിൽ നിന്ന് വരുമാനം നേടിത്തുടങ്ങിയിട്ടില്ലെങ്കിൽ  ആദ്യം തന്നെ 200 ഫോളോവേഴ്‌സിനി നേടൂ, ഒപ്പം  ഒരു മാസത്തിൽ 5 കഥകൾ അല്ലെങ്കിൽ ഒരു സീരീസിന്റെ 5 ഭാഗങ്ങൾ പ്രസിദ്ധീകരിക്കുകയും ചെയ്യൂ. അപ്പോൾ നിങ്ങൾക്ക് 'ഗോൾഡൻ ബാഡ്ജ്' ലഭിക്കും. അതിനുശേഷം നിങ്ങളുടെ സീരീസ് സബ്‌സ്‌ക്രിപ്ഷനിലേക്ക് മാറ്റി വരുമാനം നേടിത്തുടങ്ങാം.

2. വലിയ സീരീസുകൾ  എഴുതാം: പ്രതിലിപിയിലെ വായനക്കാർക്ക് നീളമുള്ള ഒരുപാട് ഭാഗങ്ങൾ ഉള്ള വലിയ സീരീസുകൾ വളരെയധികം ഇഷ്ടമാണ്. സീരീസുകൾ എഴുതുമ്പോൾ കുറഞ്ഞത് 600-800 വാക്കുകൾ എങ്കിലും ഉൾപ്പെടുത്താൻ ശ്രമിക്കണം. കൂടാതെ സീരീസിൽ ഉടനീളം വായനക്കാരുടെ ആകാംക്ഷ നിലനിർത്താനും ശ്രദ്ധിക്കണം. ഓരോ ഭാഗം അവസാനിക്കുമ്പോഴും അടുത്ത  ഭാഗം അൺലോക്ക് ചെയ്ത് വായിക്കാൻ വായനക്കാർക്ക് തോന്നണം.

3. നേരെ കഥയിലേക്ക് കടക്കാം: കഥ തുടങ്ങുമ്പോൾ വെറുതെ ആവശ്യമില്ലാത്ത കുറിപ്പുകളോ, ആമുഖങ്ങളോ ഒക്കെ ഒഴിവാക്കി നേരിട്ട് കഥ തുടങ്ങണം. വിരസത ഒഴിവാക്കാൻ ഇത് നിങ്ങളെ സഹായിക്കും.

4. ആകാംക്ഷ:  ഒരു സീരീസിന്റെ ആദ്യ ഭാഗം മുതൽ തന്നെ വായനക്കാരിൽ ആകാംക്ഷയും ജിജ്ഞാസയും ഉണ്ടാക്കി എടുക്കാൻ നിങ്ങൾക്ക് സാധിക്കണം. മൂന്നാം ഭാഗം ആകുമ്പോഴേക്കും അടുത്ത ഭാഗം  വായിച്ചേ പറ്റൂവെന്ന് നിങ്ങളുടെ വായനക്കാരെ കൊണ്ട് തോന്നിപ്പിക്കണം. അപ്പോൾ അവർ തുടർച്ചയായി നിങ്ങളുടെ സീരീസ് വായിക്കും. 

5. സ്ഥിരമായി എഴുതണം: കൃത്യമായ ഇടവേളകളിൽ കഥകൾ പ്രസിദ്ധീകരിക്കുന്നത് വായനക്കാരെ കൂടെക്കൂട്ടാൻ നിങ്ങളെ സഹായിക്കും. പുതിയ ഭാഗം എപ്പോഴാണ് വരിക എന്ന് വായനക്കാർക്ക് അറിയാമെങ്കിൽ അവർ അത് കാത്തിരുന്ന് വായിക്കും. അതിനാൽ കൃത്യമായ ഇടവേളകളിൽ സീരീസിന്റെ ഭാഗങ്ങൾ സ്ഥിരമായി പ്രസിദ്ധീകരിക്കുക.

6. കഥകൾ പൂർത്തിയാക്കാം: തുടങ്ങിയ കഥകൾ എപ്പോഴും പൂർത്തിയാക്കാൻ ശ്രദ്ധിക്കുക. നിങ്ങൾ സീരീസുകൾ പൂർത്തിയാക്കുമെന്ന് വായനക്കാർക്ക് ഉറപ്പുണ്ടെങ്കിൽ, അവർ നിങ്ങളുടെ ഓരോ പുതിയ സീരീസും വായിച്ചു തുടങ്ങും. ഇത് നിങ്ങളുടെ വായനക്കാരുടെ എണ്ണവും വരുമാനവും വർദ്ധിപ്പിക്കാൻ സഹായിക്കും.

7. കവർ ചിത്രങ്ങൾ: നിങ്ങളുടെ കഥയ്ക്ക് അനുയോജ്യമായ നല്ല കവർ ചിത്രങ്ങൾ നൽകാൻ എഐ ടൂളുകൾ ഉപയോഗിക്കാം. പ്രശസ്തരായ സെലിബ്രിറ്റികളുടെ ചിത്രങ്ങളോ ഗൂഗിളിൽ നിന്ന് നേരിട്ട് എടുക്കുന്ന ചിത്രങ്ങളോ ഒഴിവാക്കുക. ഒരു കഥയിലേക്ക് വായനക്കാരെ ആകർഷിക്കുന്നതിന് കവർ ചിത്രങ്ങൾക്ക് ഉള്ള പങ്ക് വളരെ വലുതാണ്. 

8. കഥയെഴുതാൻ എഐ വേണ്ട: നിങ്ങളുടെ സ്വന്തം ശൈലിയും ചിന്തകളുമാണ് വായനക്കാർക്ക് വേണ്ടത്. പൂർണ്ണമായും എഐ എഴുതിയ കഥകൾക്ക് വായനക്കാരുടെ ഹൃദയത്തിൽ ഇടം നേടാൻ കഴിയില്ല. എന്നാൽ കഥയുടെ പ്ലോട്ടിൽ എവിടെയെങ്കിലും മുന്നോട്ട് പോകാൻ കഴിയില്ലെന്ന് തോന്നിയാൽ ഐഡിയകൾ കിട്ടാൻ എഐ-യുടെ സഹായം തേടാം. മിടുക്കരായ എഴുത്തുകാർ എഐ-യെ ഒരു അസിസ്റ്റന്റായി മാത്രമാണ് ഉപയോഗിക്കുക. എഐ ഉപയോഗിച്ച് എഴുതിയാൽ നിങ്ങളുടെ വായനക്കാർ കുറയുമെന്ന് ഓർക്കുമല്ലോ? 

9.  ജോണറുകൾ: പ്രണയകഥകളോടൊപ്പം തന്നെ ഹൊറർ, സൂപ്പർനാച്ചുറൽ, ത്രില്ലർ, സസ്‌പെൻസ്, സയൻസ് ഫിക്ഷൻ, പുരാണങ്ങൾ, ഫാമിലി ഡ്രാമ തുടങ്ങിയ ജോണറുകളിലെ കഥകളും നമ്മുടെ വായനക്കാർക്ക് ഒരുപാട് ഇഷ്ടമാണ്. അപ്പോൾ ആ ജോണറുകളിലും ഒന്ന് എഴുതാൻ ശ്രമിച്ച് നോക്കുമല്ലോ?

10. സോഷ്യൽ മീഡിയ ഉപയോഗപ്പെടുത്താം:   പ്രതിലിപിയെ കുറിച്ചും നിങ്ങളുടെ കഥകളെ കുറിച്ചും ഇൻസ്റ്റാഗ്രാമിലും മറ്റും റീലുകൾ ചെയ്യാം. ഒപ്പം ഞങ്ങളുടെ ഒഫീഷ്യൽ ഹാൻഡിലായ പ്രതിലിപി മലയാളവുമായി കൊളാബ് ചെയ്യാം. നിങ്ങളുടെ ഫോളോവേഴ്‌സ്, വരുമാനം, വായനക്കാരുടെ എണ്ണം എന്നിവയൊക്കെ റീലുകളിലൂടെ കാണിക്കാവുന്നതാണ്.   നിങ്ങളുടെ വായനക്കാരോട് കഥകൾ പ്രൊമോട്ട് ചെയ്യാൻ സഹായം ചോദിക്കുന്നതിലും തെറ്റില്ല. കൂടാതെ ഇതിനായുള്ള ഞങ്ങളുടെ പ്രോഗ്രാമിലും നിങ്ങൾക്ക് പങ്കെടുക്കാം:പ്രതിലിപി ഇൻഫ്ലുവെൻസർ പ്രോഗ്രാം 

11. വിമർശനങ്ങളെ പേടിക്കേണ്ട:  നിങ്ങളുടെ കഥയെ കുറിച്ചുള്ള അഭിപ്രായങ്ങൾ എപ്പോഴും പോസിറ്റീവായി കാണണം.  ഒരിക്കലും അഭിപ്രായം പറയുന്നവരോട്  തർക്കിക്കാൻ നിൽക്കരുത്. മികച്ച എഴുത്തുകാർ എപ്പോഴും ശ്രദ്ധിക്കുന്നത് അവരുടെ അടുത്ത സർഗാത്മകതയിലേ, അല്ലാതെ വിമർശനങ്ങളിലല്ല. പ്രതിലിപിയുടെ റെക്കമന്റേഷൻ സിസ്റ്റം റേറ്റിംഗുകളെ മാത്രം നോക്കിയല്ല പ്രവർത്തിക്കുന്നത്, അത് വായനക്കാരുടെ വായനാശീലത്തെയാണ് പിന്തുടരുന്നതെന്ന് മനസിലാക്കുമല്ലോ.

12. എഴുത്തിൽ ഒരു ചിട്ട ഉണ്ടാക്കിയെടുക്കാൻ ആഗ്രഹിക്കുന്ന ആളാണ് നിങ്ങൾ എങ്കിൽ, ഞങ്ങളുടെ മത്സരങ്ങളിൽ പങ്കെടുക്കുന്നത് നിങ്ങളെ സഹായിച്ചേക്കും. പ്രതിലിപി പ്രതിഭ അവാർഡിന്റെ പുതിയ സീസൺ ഇപ്പോൾ ആരംഭിച്ചിരിക്കുന്നു. മത്സരങ്ങളെ കുറിച്ച് കൂടുതൽ അറിയാൻ ഇവിടെ ക്ലിക്ക് ചെയ്യൂ

🎉 നിങ്ങൾക്ക് ഒരു കിടിലൻ സർപ്രൈസ് കൂടി ഒരുക്കിയിട്ടുണ്ടേ!

നിങ്ങൾ ഐഫോൺ ഉപയോഗിക്കുന്ന ആളാണോ? എങ്കിൽ നിങ്ങൾക്ക് വേണ്ടിയാണ് ഈ സർപ്രൈസ്. ഉടൻ തന്നെ പ്രതിലിപിയുടെ ഐഒഎസ് ആപ്പിലും എഴുതാനുള്ള ഓപ്ഷൻ നിങ്ങൾക്ക് ലഭിക്കുന്നതാണ്. ഈ ഫീച്ചർ വരുന്നത് വരെ കാത്തിരിക്കണേ…

കൂടാതെ പ്രതിലിപിയിലെ നിങ്ങളുടെ അനുഭവങ്ങൾ, ഇനിയും ഞങ്ങൾ മെച്ചപ്പെടുത്തേണ്ട കാര്യങ്ങൾ, പുതിയ ഫീച്ചറുകൾ തുടങ്ങി പ്രതിലിപിയെ നിങ്ങൾക്ക് അറിയിക്കേണ്ടതെല്ലാം താഴെ കാണുന്ന ഗൂഗിൾ ഫോമിൽ നിങ്ങൾക്ക് ചേർക്കാവുന്നതാണ്: 

ഗൂഗിൾ ഫോം

ഇനിയും ഒരുപാട് കഥകളും കഥാപാത്രങ്ങളെയും ഒരുക്കാൻ കഴിയട്ടെ, എല്ലാവിധ ആശംസകളും!

നിങ്ങളുടെ സ്വന്തം,

ലിപി