അദ്ധ്യായം-1

1 വർമ മാൻഷൻ ആകെ സന്തോഷം അലതല്ലുകയായിരുന്നു. വർമ ഇൻഡസ്ട്രീസിൻ്റെ ഭാവി സിഇഒയും തറവാടിൻ്റെ ഒരേയൊരു അവകാശിയുമായ ഇഷാൻ എട്ടു മാസത്തെ ബിസിനസ് ട്രെയിനിംഗ് കഴിഞ്ഞ് അമേരിക്കയിൽ നിന്ന് തിരിച്ചെത്തുന്നത് ഇന്നാണ്. ഇഷാൻ്റെ ഭാര്യ സൃഷ്ടിയും നിറഞ്ഞ സന്തോഷത്തോടെ അവനെ സ്വീകരിക്കാനുള്ള തയാറെടുപ്പുകളിലായിരുന്നു. എട്ട് മാസം ഗർഭിണിയാണ് അവൾ. അവളുടെ സന്തോഷത്തിന് അതിരുകളുണ്ടായിരുന്നില്ല. " ഇനി എല്ലാം ശരിയാവും " അവൾ തന്നെത്തന്നെ ആശ്വസിപ്പിക്കാനെന്ന പോലെ സ്വയം പറഞ്ഞു, തൻ്റെ അല്പം വീർത്ത ഉദരത്തിൽ പതിയെ തഴുകി. " വാവേ,...