ജരിതയുടെ കിളിക്കൂട്

ജരിതയുടെ കഥ വല്ലാത്ത ട്വിസ്റ്റ് ഉള്ള ഒരു കഥയും കൂടിയാണ്. വനം കത്തുമ്പോൾ ജരിതയുടെ ഭർത്താവായ ആൺകിളി മറ്റൊരു പെൺകിളിയോടൊപ്പം കാടിൻ്റെ കത്തു പിടിക്കാത്ത മറ്റൊരു ഭാഗത്ത് സുഖിച്ചു കഴിയുകയാണ്. കത്തുന്ന കാട്ടിൽ പെട്ട തൻ്റെ 4 മക്കളെ ഒന്നു നോക്കിയിട്ടു വരാം എന്നു പറഞ്ഞ് ഇറങ്ങുന്ന ആൺകിളിയെ രണ്ടാം ഭാര്യയായ കിളി തടയാൻ ശ്രമിക്കുന്നു: കുഞ്ഞുങ്ങൾക്ക് ഒരപകടവും പറ്റില്ല എന്നു നിങ്ങൾക്കുറപ്പുള്ളതല്ലേ? എന്നിട്ടും അങ്ങോട്ടു പോകുന്നത് ആദ്യഭാര്യയെ കാണാനുള്ള കൊതി കൊണ്ടല്ലേ എന്നു ചോദിച്ചാണ് അവൾ തടയുന്നത്. എങ്കിലും ആൺകിളി ജരിതയുടെ കൂടിരിക്കുന്ന മരത്തിനരികിൽ ചെല്ലുന്നു. അഗ്നി ജരിതയുടെ കൂട് ദഹിപ്പിച്ചില്ലെന്നും അമ്മയും കുഞ്ഞുങ്ങളും സുരക്ഷിതരാണെന്നും കണ്ടറിയുന്നു. ഭർത്താവിനെ കണ്ട ജരിത കണ്ട ഭാവം പോലും കാണിക്കാതെ കുഞ്ഞുങ്ങളെ ആശ്വസിപ്പിച്ച് ഇരിക്കുകയാണ്. "അല്ലെങ്കിലും മക്കളായാൽ പിന്നെ പെണ്ണുങ്ങൾക്ക് ഭർത്താവിനോട് പ്രേമമില്ല" എന്നു പറഞ്ഞ് ആൺകിളി മടങ്ങുന്നു. ഇത്രയുമെത്തുമ്പോൾ വായനക്കാർ ജരിതയോട് സഹതാപവും ആൺകിളിയോട് പുച്ഛവും രണ്ടാം പെൺകിളിയോട് വെറുപ്പും ഉള്ളവരാവുന്നു. പക്ഷേ, ആൺകിളി മുൻജന്മത്തിൽ ഒരു മഹർഷിയായിരുന്നു എന്നും സമാധിയടഞ്ഞ് സ്വർഗ്ഗത്തിൽ ചെന്നപ്പോൾ ശേഷക്രിയ ചെയ്യാൻ മക്കളില്ലാത്തതുകൊണ്ട് സ്വർഗ്ഗ കവാടം തുറന്നില്ലെന്നും തുടർന്ന് മക്കളില്ലാത്ത കുറവു തീർക്കാൻ പക്ഷിവേഷം ധരിച്ച് ജരിതയെ വിവാഹം കഴിച്ച് 4 കുഞ്ഞുങ്ങൾക്ക് അച്ഛനായതിന്നെന്നും നമുക്ക് മനസ്സിലാവുന്നു. ഖാണ്ഡവ വനം ദഹിപ്പിക്കുമ്പോൾ തൻ്റെ കുടുംബത്തിന് ഒന്നും വരാതെ നോക്കണമെന്ന് അയാൾ അഗ്നിദേവനോട് പറഞ്ഞിരുന്നു. ഇത്രയും അറിയുമ്പോൾ നമ്മളിൽ ആദ്യമുണ്ടായ ചിന്തകളിൽ , വികാരങ്ങളിൽ, മാറ്റം വരുന്നു!

അന്ന് മക്കളെ ഉപേക്ഷിച്ച് പോകാതെ കുഞ്ഞുങ്ങൾക്ക് ചുറ്റും കരഞ്ഞ് പറന്ന ജരിതയോട് മക്കൾ പറയുന്ന വാക്കുകൾ ഞങ്ങളെ രക്ഷിക്കാൻ നിന്നാൽ നമ്മളെല്ലാം വെന്ത് മരിക്കും... നമ്മുടെ വംശനാശം വരാതിരിക്കാൻ അമ്മ രക്ഷപ്പെടണം...👍👍👍♥️

🌹🌹🌹🌹👍