സ്നേഹമുള്ള സിംഹം

അവളുടെ മനസ്സിലെ ആകുലതകളെ ആട്ടിപ്പായിക്കുന്ന വിധത്തിൽ വളരെ വേഗതയിലാണ് ആ ബസ് പാഞ്ഞുകൊണ്ടിരുന്നത് . അതൊരു പ്രൈവറ്റ് ബസ് ആയിരുന്നു . അത് പിറകെ വരുന്ന മറ്റൊരു KSRTC ബസ്സിനോട് വാശിയേറിയ മത്സരത്തിൽ ആയിരുന്നു . മറ്റൊരു അവസരത്തിൽ ആയിരുന്നെങ്കിൽ ഇങ്ങനെ അമിതവേഗതയിൽ പോകുന്ന ബസ്സിൽ ഇരിക്കാൻ ,  ഭയം കാരണം അവൾക്ക് സാധിക്കുമായിരുന്നില്ല. പക്ഷേ ഇപ്പോൾ വേഗതയാണ് അവൾ ആഗ്രഹിക്കുന്നത്. സമയം ഒരുപാട് വൈകിയിരിക്കുന്നു.വേഗതയല്ല, അമിത വേഗതയായിരുന്നു സോഫിക്ക് വേണ്ടിയിരുന്നത്. എത്രയും പെട്ടെന്ന് വെഞ്ഞാറമൂട്ടിൽ എത്തിയാലേ ...