വൈഗ

ഇതും കൂടി കേട്ടതോടെ വൈഗ നിന്നു വിറയ്ക്കാൻ തുടങ്ങി. തനിക്കെന്താ സംഭവിക്കുന്നത് എന്നുപോലും അവൾക്ക് മനസ്സിലായില്ല.. താൻ നെഞ്ചിൽ കൊണ്ട് നടന്നതൊക്കെ ഈ നിമിഷത്തിൽ തകർന്നു പോകുന്നത് പോലെ.. ഒറ്റയ്കാകുന്നത് പോലെ.. അച്ഛാ... എല്ലാം തകർന്നവളെ പോലെ വൈഗ വിളിച്ചു. ഏറെ സങ്കടത്തോടെ അച്ഛൻ അവളെ നോക്കി.. അമ്മേ... അവൾ അമ്മയെയും വിളിച്ചു.. അമ്മയുടെ കണ്ണുകൾ നിറഞ്ഞിരുന്നു. നിങ്ങളൊക്കെ തന്നെയല്ലേ മഹിയേട്ടന്റെ പെണ്ണാണ് ഈ വൈഗ എന്ന് കുഞ്ഞുന്നാൾ തൊട്ട് പറഞ്ഞു തന്നത്... ഇപ്പോൾ അമ്മാവനും അമ്മായിയും പറയുന്നത് കേട്ടില്ലേ...